تجربتي مع التوفل

November 30th, 2010, 10:01 AM

السلام عليكم اخوتي واخواتي
بما ان التعليم في المدارس الخاصة عليه اقبال والطلاب من الجيل الجديد ماشاءالله عليهم لغتهم قويه ، والكثير صار ياخذ الامتحان قبل مايسافر خصوصا طلاب الدراسات العليا انا عندي تجربة مع التوفل حابة اعرضها ياليت اللي عنده تجربة من الآيتلز او التوفل بعد يحط تجاربه
1- بداية كنت محتارة بين الحصان ومركز نور وكنت افضل البترول بس وقتها و بعدها ماساعدني
2- النقطه الثانية تدريس الحصان : المدرسة كانت رائعة في تدريس المنهج بس المشكله في المنهج بحط لكم لينك منقول الكلام صحيح عن هذا الكتاب خلاني مبسوطه بعمري وانصدمت من الامتحان
مدونة ماجد الفيفي » أرشيف المدونة » تجربتي مع اختبار التوفل (TOEFL)

3- لو كنت تدربت على السي دي حقه بدل مااذاكر الكتاب كان واجد احسن
4- تعامل الحصان السئ بليز لاحد يروح يمتحن عندهم تعامل المسؤولة وقاحه ماعمري شفتها سأسرد القصه من بداية وصولي
وصلت قبل الامتحان بساعه جت اخذت اسماء الواصلين بدري وقالت اللي انادي اسمها تجيني، انا قلت باقي ساعه مااستعديت نفسيا، المهم نادتني قالتلي اقعدي حطت ويب كام الكمبيوتر لصقته بوجهي واخذت صورة معفنه الله لايراويكم انا انصدمت قلتلها الصورة تخوف قالتلي هذا وجهك شسوي لك
بعدها قالتلي ياالله حطي السماعات وبدي وانا مصدومه شلون باقي ساعه قالت عادي بدي
بديت وانا متخربطه وكل ماتجي بنت تسوي معاها نفس الحركه هالكلام فوق راسي لان الغرفه صغيره والكمبيوترات لاصقه ببعض تخربطت وماعرفت اركز وصراحه حرام يعطوهم تصريح لامتحان عالمي باالله هذي بيئه الواحد يمتحن فيها امتحان زي التوفل
5- غلطة حياتي الاولى اني اخترت كمبيوتر بيست الكمبيوتر يضع الوقت ويشتت، الورق واجد احسن والله يعوض الوقت والفلوس اللي راحو بليز اللي عنده تجارب لايبخل علينا

• نشر عبر تويتر
• نشر عبر فيسبوك
• نشر عبر جوجل