مساعدة صدمتي اليوم في الملتقى وقراري بالغاء البعثه ..

مساء الخير أختي الكريمة ..

فعلاً كلامك صحيح مو بس قسم علم النفس .. حتى بنات التربية الفنية و الإقتصاد و اللغة العربيه ما لهم إلا تسويق

و لمن سألوا في الملتقى قالولهم حتى التسويق ما يقدروا يكملوا فيه ..

لأنه ما في مواد تكميليه يدرسوها عشان يكملوا في التسويق ...

الله يعينك و يوفقك ..

سامحيني إذا ما قدرت أفيدك بشي..

بس إن شاء الله الأخوة و الأخوات يساعدوكِ ..

دمتِ بخير n_n

ممكن اذا رحتي هناك تقدري تدرسي التخصص الي تبيه لأن اختي حددت تخصص ولما راحت هناك غيرته ودرست ترجمة رغم ان مو موجود من ضمن تخصصات الوزارة

نفس الحاله بس مستحيل ادرس تسويق

للمعلوميه التسويق تخصص قوي جدا للي يبدع فيه ويجيب شهادة عليا فيه مع لغة إنجليزية .

وصدقيني مع الوقت بتحبينه لأن التسويق تخصص ممتع .

والله يوفقك .. لعلها خيره وأنا أخوك .

أيضا شوفي رد الأخت الفراشة الزرقاء

قد تنفعك هالطريقة اذا هي فعلا طريقه فعاله .

لا تشيي هم ترا الكلام هنا غير هناك صحبتي بتدرس اداره تربويه وهي خريجه اقتصاد منزلي تربوي انت شوفي الملحقيه وقولي لهم انه عندك قبول جامعه كدا بتخصص كدا وان شا الله خير

اختي العزيزة ،،

لا تجزعي ولا تهلعي ولا تتخذين قرارت سريعه ينبني عليها مستقبلك لظرف عرضي يمكن تجاوزه باذن الله !

تفضلي ..

هذي الجامعة توفر علم النفس بتخصصه الفرعي الاكلينيكي وغيره ..

Psychology - Academics - Missouri State University

هذي صفحة البرامج الموجودة ،،

انا عندي لك اقتراح .. انك توافقين الكل باللي يقوله ولما تجين هنا تغيرين التخصص والملحقية تسمح لك بتغيير التخصص لمره واحدة فقط وخلال فترة لغتك تقدرين تستفيدين من هالشي وتغيرين تخصصك ..

بالنسبه لفتره اللغة !

هالجامعة توفر لك قبول مشروط في تخصصك المرغوب ،، ! تخلصين معهد اللغة المستوى الخامس و تدخلين الجامعة باذن الله في التخصص اللي ودك فيه ..

تمنياتي لك بالتوفيق ،،

اخواني الله يسعدكم على الرد ..
وربي يعين ..
اختي اول وحده طبيعي يكون في مواد تكميليه للي داخلين تسويق وفعلا بالنسبه للتخصصات اللي قولتي عليها كلامهم كان واضح وحدد من البدايه ان مالهم مجال الا التسويق وانا بنفسي سألت ايام التدقيق والحين كلامهم واحد وماغيروه ..
اما علم النفس فهو بالاساس من العلوم الصحيه التطبيقيه وعشان كذا قبلونا فيه ليش الحين يغيروا كلامهم
وبعد مارسمنا الخطط وعشنا بخيالاتنا ووصلنا الحين يقولوا لااا .. وممنوع تحولي تخصص ماهو مدرج يعني باختصار انسي تدرسي علم نفس ..
اختي الفراشه تكفين تأكدي من اختك واعطيني الجواب الشافي والخطوات وارسليها ع الخاص لو تبغي
الله يسعدك حسيت انو في امل ..

اخوي النازف شكراااااا لك مقدره وقفتك وتفاعلك معاي ..
ادري تسويق حلو وله مستقبل بس المشكله النفس ماتبي غير علم النفس ولا حتى قادره اقنع نفسي واغير اهداف حطيتها من سنين ..

شكرااا لكم جميعا وربي يبعد عنكم كسرة النفس >> زي ماصار لي اليوم ..