لمن يبحث عن قبول .. أساعدك هنا .. لتعم الفائدة الجميع..

يعطيك العافية على مجهودك

انا مرافق هل اخذ قبول واطلع او اخذ قبول هناك

لانه ما اقدر اطلع معدلي مقبول

يفضل اطلع مرافق وادرس

تخصصي Computer and Information Sciences

علوم الحاسب والمعلومات وودي اكمل ماجستير

وشكر لك .

اذا انت مرافق خلاص تقدر اذا وصلت هناك تبحث لك عن قبول وامامك سنة كاملة اللي هي سنة اللغة تلاقي لك قبول فيها
حتى لو معدلك مقبول فيه جامعات تقبلك لكن انتبه لشرط انك تكون والمبتعثة الاساسية في مدينة وحده يعني يكون قبول الجامعة لها ولك بنفس المدينة ..
واذا معك قبول لغة بس تقدر تكتفي فيه وتطلع الفيزا بقبول اللغة فقط واذا رحت هناك ان شاءالله بتلاقي قبول جامعة ..

السلام عليكم


اريد التسجيل في جامعه North Carolina State University


المرحلة بكالورويس


اريد المعهد في نفس الجامعه لو حصل


اسم التخصص electrical machines and equipments

الجامعة لايوجد بها هذا التخصص
يوجد بها هندسة كمبيوتر وهندسة كهربائية فقط

هل للتخصص مسمى اخر ؟!
لأنني لم اجده حتى في تخصصات الجامعات المعترف بها من وزارة التعليم العالي

يعطيك العافية
University of oregon ناوين عليها انا واخوي لغة بالمعهد التابع لها ان شاء الله
انا وياه داجين بالانقلش فمدري كيف القبول راح يصير فيها .. انا مخلصة باكلوريوس تربية خاصة وهو شهادة ثانوي

السلام عليكم ورحمة الله ...


أنا موعدي بالسفارة 5مارس وموعد دراسي بالمعهد 4ابريل
محتاج قبول ماجستير بأسرع وقت ممكن ...

طبعاً على حسابي الخاص...

وهذا التخصص الذي اريد Special Education أو أي تخصص يقبل بكالريوس تربوي لكن يكون سريع ...

الولاية قبول معهدي بكاليفورنيا مدينة ارفاين... إن حصل بنفس المدينة أو في ميسوري أو اوريقون ببورتلاند ....

اختي ابرار
جامعة اوريغون بما انك راح تدرسي فيها لغة فهي تعطيك قبول مشروط بمجرد انتهائك من برنامج اللغة المكثف تدخلي للجامعة
وانا شفت في ملف الملحقية للمعاهد الموقوفة معهد جامعة اوريغون اللي راح تدرسي فيه وانه تحت الملاحظة بس ماادري توقف الان ولا لا تأكدي لأن فيه تكدس طلاب ..

بخصوص الجامعة تطلب في التوفل 500 للبكالوريوس و 575 للدراسات العليا
وطريقة التسجيل هي انك اول ماتدخلين موقعهم تروحين قسم القبول وتعبين الابلكيشن اللي هو التطبيق تكتبين فيه معلوماتك وبعدها
وترسلين اوراقك لهم عن طريق الفيدكس الى العنوان اللي راح يرسلونه على ايميلك او بتلاقينه في قسم القبول في الموقع
طبعا هم شارطين ان المستندات تكون طبق الاصل وفي ملف مغلف ومختوم من المدرسة او الجامعة اللي متخرج منها ولازم تكون لكل ورقة نسخة بلغتك الاصلية اللي هي العربية ونسخة مترجمة من مكتب معتمد ومختومة طبعا الاوراق اللي ترسل بالفاكس او بالبريد الالكتروني راح يتجاهلونها وماراح يعتمدونها حسب ماهو مكتوب في موقعهم ..
وللدراسات العليا اكتبي خطاب الغرض من الدراسة وبتلاقين نسخ منه بالانترنت واذا تقدرين انتي اكتبي خطاب وترجميه يكون باسمك ومو مكرر وارفقي مع اوراقك خطاب انك تقدمتي بتعبئة التطبيق على الانترنت وهذي الاوراق الرسمية اللي انتوا طلبتوها مع العلم اني ادرس في نفس معهدكم وابي قبول مشروط وخلاص .
لاخوك اللي يبي بكالوريوس يختار له قسم معتمد ومعترف فيه يشوف بالجامعات الموصى بها في موقع وزارة التعليم العالي وبعدها يرسل نفس الشي شهادته وحسن السيرة وخطاب يبي فيه قبول مشروط واذا كان معدله اقل من جيد جدا يجيب خطاب توصية من اساتذة درسوه بالمدرسة او شهادة خبرة تدعم قبوله وتكون مغلفة ونسختين عربي وانجليزي ومختومه في ظرف من المدرسة
ويرسلها بالفيدكس ..

او انكم تجهزونها كلها وتكون معكم واذا رحتوا هناك قدموها لقسم قبول الطلاب الاجانب في نفس الجامعة يكون افضل بكثير من ارسالها بالفيدكس من هنا ..

وعليكم السلام ورحمة الله وبركاتة

صارلي فتره ادور قبول تخصص ENGINEERING MANAGEMENT ماستر

بمعدل جيد او جيد منخفض مثل ما يقولو في بعض الجامعات الولايه اي شي اهم شي مو كاليفورنيا

ويعيطيكـ العافيه ,,,

نفع الله بك وبعلمك وجعلك الله في الفردوس الأعلى من الجنه

أخوي حابه اسئل اذا انا راح اروح على حسابي < وراح يروح معاي اخوي < مرافق
يقدر يدرس لو راح؟

وباالنسبه لـ التخصص < هل أستطيع دخول اي تخصص راغبته ولا يعتمد على اشياء معينه ؟