اختكم ضايعة:( الله يوفق اللي يساعدني و يحقق أماله دنياوآخرة(دراسة الطب بعد البكلريوس)

كنت زيك لحد فترة مو بعيدة ....لحد ما انصدمت بواقع مر ....
حاولت كثير ..
بس مافيه حل ..

كل الي اقدر اقولك الله يوفقك يا اختي

اما عن سؤالك انا من رائي تروحين كندا لان فيها مميزات كثييره وهي

1- مشهوره كندا بقوة الجامعات الطبيه فيها

2- بلد يشكل العرب والمسلمون فيه نسبه كبيره

3- من افضل حكومات العالم هي الكنديه ويكفي اننا ماقد سمعنا ان فيه احد تعرض لمضايقات هناك

4 - تمارس الدين بسهوله ولا يوجد تعقيدات ولست موضع شبهه

5- شعب مسالم لابعد الحدود و سكانه من مختلف الاعراق يعني ماراح تحس بالغربه مثل غيره

هذا كل الي اقدر اقوله لان عمي استشاري ودرس الطب بكندا وهذا الي اذكره من كلامه

كيف انصدمتي بواقع مر ؟

و ايش المحاولات الي بذلتيها ؟

مين قال مافي حل ؟ كل شي و له حل ؟

يكون في علمك ، انا ما رح اتنازل عن هذا الحلم لو ايش ما صار ،

حتى لو قبلوني ادرس و انا عمري اربعين سنة ،

الوصول الى الهدف هو النجاح ، و انا اذا حطيت هدف في بالي رح احققه بإذن واحد احد

ان شاء الله رح تفرج يا طموحة ، بس خلينا متمسكين بالأمل و يا رب اشوفك يوم من الأيام (القريبة) طبيبة و لك من اسمك اكبر نصيب


(إنسانة طموحة) !!

جزاك الله خير اخوي ،

كندا كانت في بالي من زمان و حسيت انها افضل مكان ،

و بحثت في الموضوع و سألت و تحريت ،

و طلعت بالتالي :

كندا مكان ممتاز لدراسة الطب هناك ، و لكن للأسف صعب القبول هناك ،

لأن الأولوية تكون للمواطنين الكنديين ،

و أيضاً أسباب أخرى لم أتبينها بعد ،

انا عشان كذا قاعدة اسأل عن اللي عنده فكرة عن جامعة بعينها ،،


عموما الله يوفقك يا رب ، و يوفق الجميع و يكتب ما فيه الخير و الصالح

شكرا كالسيوم على ردك ،


الحرس سألت عنها ،عندهم برنامج راااااااااااااائع لإكمال الطب ، و في أرض الوطن

يعني ما في داعي للبهدلة و الغربة ،

لكن !!



البرنامج للأولاد فقط !!



و أما البحرين ،

ما عندهم برنامج لخريجي العلوم الطبية ، يعني بكلوريس و بس ،

انا ابغى برنامج يقبلني ادرس ما بين 3- 5 سنوات ،،


الله يوفقنا و اياك و يسعدك و يرضيك ،


شكرا على الرد

أخــتـي lost !!!

بناء على ما قلتيه لا أرى بلدا مناسبا لدراسة الـطـب غـيـر كــنــدا !!!

كانت الولايات المتحدة أحد الخيارات المطروحة والتي كنت على وشك أن انصحك بها .. لكن غيرت رأي لأن دراستي دكتوراة صيدلة سريرية واذا ابغى ألتحق بالطب يبغالي لفة طويلة عريضة ومتطلبات تقص الظهر وقبل هذا وكله قبولاتها للطب معقدة.. علشان كذا صرفت النظر عن امريكا.. لأنصح.. لأقول لك ... كــنــدا وأنا أخــوك .. نعم بكالوريوس طب بشري من كندا فقط ..

وبالنسبة للقبولات فيها .. فللأسف ما عندي خلفية عن قبولات الطب بكندا .. لكنك بتلاقين معلومات حلوة ومفيدة جدا جدابموقع الملحقية الثقافية السعودية بـكندا ومنها كيفية التقديم على الجامعات ..وبرضوا الملحقية تقدم لك في الجامعات لأنها موقعة عقود واتفاقيات مع الجامعات . . . . والموقع هو :-

http://www.saudibureau.org/introduction.html

وأبــدا أخـتـي لا تتخلين عن حــــــــــلـــــــمـــــــك.. أنا كنت قاب قوسين او أدنى أني افقد عقلي يوم رفضت في برنامج شركة أرامــكــو للبعثات .. لكن الحمد لله حصلت على منحة خاصة من الدكتور عبد الله الربيعة مدير مستشفيات الحرس الوطني .. وهأنا ذا أدرس في أمريكا في تخصص (( Doctor of Pharamcy )) وإن شاء الله راجع السعودية بعد دراستي .. ووظيفتي مضمونة بإذن الله في مستشفى أرامكو !!!



والله يوفقك أختي وييسر أمرك ويختار لك اللي فيه الخير @@@@@@@@@@

أخي ممدوح ،

شكرا على ردك ،

بالنسبة لأمريكا ، صحيح ان اجراءات القبول عندهم معقدة ، بس انا ما ارتاح لأمريكا ما ادري ليه ،

و للأسف كندا زي ما اسلفت ، صعب جداااا القبول عندهم ، حتى المكاتب اللي راسلتهم ، ردوا علي بنفس الرد ،،

و كمان بريطانيا خيار آخر عاجبني ، بس كمان ما يقبلوا انترناشينال الا في حالات ضيقة جدا ،

يبقى عندي أستراليا و نيوزيلاندا ، بدات في شغل المراسلة بخصوصهم ..

(لو الله يفكنا بس من اختبارات التقديم المعقدة)


عموما الله يكتب ما فيه الخير يا رب ،

و ما رح اتخلى عن حلمي بإذن الله ، رح ادرس الطب ان شاء الله ،

و لو في الصين ،،



الله يوفق الجميع ان شاء الله ..

و لا تنسونا من دعواتكم