اخوكم من الكويت في احد يساعدني

جزاك الله خير اخوي على الرد وعلى المعلومة
طيب اخوي الكريم ، لنفرض انا احتاج جامعة في السويد

وفي مشكلة كبيرة ،،، انا غير كويتي وما عندي اي جنسية ولا جواز يعني (( بدون ))

بالحالة هذي شنو اسوي؟

اخوي الكريم ،، لو اطلعت على الجامعات السويدية لحصلت ان الدراسة عندهم مجانا يعني دووووووون مقابل ولا يبون منك لا ريال ولا دينار ،،، هذي اروع شغلة في جامعات السويد ،،، بصراحة منو يحصل دراسة بلاش هذي الايام ؟؟!!!

وبعدين يا اخي الكريم ،، انا احتاج الدراسة في أي دولة بس عشان اقدر اطلع جوازي واسافر وادرس وانا مرتاح ،، سواء كانت للسويد ولا مصر ولا غيرها ،،،

سافر لمصر تبي تنجح هناك؟؟؟ اخذ معاك عشر موبايلات جدد ووزعها على المدرسين وصدقني تنجح ،، بس قول على تعليمك على الدنيا السلام لانه ما راح تتعلم بس تنجح على الفاضي رشوااات

بس الدراسة عند اوروبا بمجهودك انت وبس ، مافي مساعدات الا من رب العالمين ،، عرفت الفرق بيننا كعرب وبين الغرب؟؟

يخي قدم على الدول الاوربية كلاجىء سياسي وقلهم انا بدون دولة وهم قلوبهم ارحم من قلوب بعض العرب اكيد راح يعطونك الجنسية .

بس سؤالي انت تبي مصر والسويد وش جاب لجاااب ؟
كأنك قلت ابي امريكا والهند
هذي بالغرب والثانيه بالشرق

أخوي ادخل علي موقع الجامعات وخذ ايميلهم او

رقم بريدهم وارسلهم اوراقك وطلب الإلتحاق وصلي الله وبارك

علي سيدنا محمد

هذي القضيه كامله

عليه الصلاة والسلام أشرف الأنبياء والمرسلين

يا اخي الكريم ،،، انا لما قلت مصر والسويد ،، لانه حبيت واحد يعطيني الفرص المتواجدة ما بين القبول في مصر والقبول في السويد
مثل ما انت عارف السويد تحتاج لغة انجليزية توفل ولا ايلتس وهذي صعبة حيل وبالكويت صارت عملية نصب واحتيال ،، يرسبونك ثلاث مرات عشر مرات عشان ياخذون من وراك الفايدة

اما الدراسة في مصر ما تحتاج لغة انجليزية لانهم عرب ،،،

واللي وصل لي انه اقوى دراسة ادارة اعمال او محاسبة هي في جامعة مصر الدولية وفي السويد

فهمت الحين شنو التشابه بين السويد ومصر

اما يا خوك بخصوص اللجوء ،، والله سهله ولو تطلب اللجوء عادي بس يرزلووون اهل اللي جابوك في الكويت ويذلون اهلك وكل شوي يجرون اخوك ولا ابوك ويذلونه عشانك ،، صعبة وانا اخوك صعبة والله

على العموم جزاكم الله الف خير موقعكم فيه معلومات كثيرة ومهمة بصراحة الله يوفق كل واحد بالمنتدى وعمل بالمنتدى

تحياتي لكم بدون استثناء