اوراق مهمه للطالبات الراغبات باكمال ماستر التمريض بأمريكا ..

December 18th, 2011, 06:16 AM

السلام عليكم ..

كيف الحال الف مبروك ع القبول للبعثه وربي يسهل لكم قبولاتكم وفيزكم ان شاء الله
انا لاني تعبت من سالفه الاوراق .. فقلت اكتب لكم موضوع .. يوضح كل الاوراق اللي اكيد بتحتاجوه .. واللي ممكن تحتاجوها ..

اهم الامور اللي لازم تسووها :
1- اعملو نسخ مصدقه للوثيقه + وبعض النسخ في ظروف مسكره ومختوم عليها من الجامعه
2- نسخ مصدقه للترانسكربت
3- معادله الشهاده بشركه WES
تدخلو على موقع www.wes.org
في على جنب الجهه اليمين Apply Now
- تسوو لكم اكاونت وتعبو بياناتكم .. وتختارو المعادله عن طرق course by course هي تقريبا ب 160 دولار
- لما تجو للدفع اضغطو شيك ..
- بينرسل لكم فورم ع ايميلكم ..
- الفورم معبأ الجزء العلوي باسمكم .. تكملو المعلومات في الجزء العلوي ..
- الجزء السفلي ماتعبو فيه شي تخلوه فاضي..
-تودو الفورم + نسخه مصدقه من الوثيقه+نسخه مصدقه من الترانسكربت+صوره من الجواز = الى اداره الخريجات بالجامعه
-بيعبو الجزء السفلي من الفورم .. ويحطوه مع الاوراق اللي قبل في ظرف وتخلوهم يسكروه ويختمو عليه
-الظرف خلوه معاكم لين تجو امريكا
-بس تجو امريكا .. تدخلو الموقع وتكملو البيانات وتدفعو .. وترسلو الظرف عن طريق البريد الامريكي للشركه ..وتتعادل لكم ..

4- لكل البنات اللي يبغو يتخصصو تخصص بالتمريض .. ويحتاجو ياخذو اختبار NCLEX للرخصه ..
لازم يسوو هذي الاوراق
- فورم الهيئه عباره عن ورقه وحده : تعبو الورقه الجزء العلوي فقط .. وتاخذوها مع نسخ من اوراقكم الهيئه .. لهيئه التخصصات الطبيه .. هم بياخدوهم وبيطلبو منكم تجو يوم ثاني وتدفعو 150 عشان يعبو الفورم ويحطوهم في الظرف
%%الحقيقه انا ترجمت شهاده الهيئه في مكتب ترجمه وحطيت منه نسخه في الظرف ..
http://www.cgfns.org/files/pdf/forms...ation_form.pdf

- فورم الجامعه عباره عن ورقتين : نفس الشي تعبو الجزء العلوي بمعلوماتكم .. والجزء السفلي تخلوه للجامعه مع الورفه الثانيه..
http://www.cgfns.org/files/pdf/forms...FormNurses.pdf
-تاخذو الفورم مع نسخ مصدقه من الوثيقه والترانسكربت .. تحطوهم بظرف ..
بيعبو الجزء وتخلوهم يحطوهم بالظرف مع الاوراق ويسكروه ويختمو عليه ..
&& الظرفين تخلوهم عند اهلكم .. بس تجو امريكا .. تسجلو بالموقع http://www.cgfns.org
وتعبو البيانات وتدفعو الرسوم .. وبيطلبو ترسلو اوراقكم ..

-المشكله هنا ان الاوراق لازم تنرسل من السعوديه عشان كذا قلت لكم خلو الظرفين في السعوديه ..
- كل ظرف لازم ينرسل لحاله .. ظرف الهيئه ينرسل لحاله كأنه من الهيئه .. وكمان ظرف الجامعه ..( الصراحه انا هذا اللي وصلني من بنات التمريض الماضيين )
هذي المعادله تاخذ من 4 ل 8 شهور .. بعد هذي المعادله .. تقدري تختبري النكلكس بأي وقت ..

- الورقه الاخيره اللي يحتاجوها هي ترجمه شهاده الثانويه العامه

اوراق اخرى :
1- ركومنديشن .. كثرو من الروكومنديشنات .. تقدرو تاخذو ركومنديشن من دكتوره .. وتسوو منه خمس لو حتى عشره كوبي .. وتخلوهم يختموهم ويحطو كل واحد منهم في ظرف .. ويسكروه ويختمو عليه ..
ونفس الشي تسوو للدكتورات الثانيين ..
بس من الربكه والعفسه بالجامعه لاتنسو تكتبو ع كل ظرف بالبنسل كل واحد اذا كان اصل لو نسخه مصدقه .. ومن عند مين ..
2- في ورقه يفضل انكم تاخذوها من كليه التمريض الا وهي ان انتو درستو مواد النيرسنق كلها بالانجليزي

ان شاء الله اكون افدتكم .. واذا تحتاجو اي شي .. لا تترددو وارسلو لي اي وقت واي سؤال يخص الاوراق او حتى يخص البعثه .. وربي يوفقكم ويسهل عليكم ..

• نشر عبر تويتر
• نشر عبر فيسبوك
• نشر عبر جوجل