حصلت على 80 في التوفل و ندمت بعد ان جاني قبول نهائي ساعدووووني في القرار ارجوكم

نسئل الله لنا ولك الهداية والصلاح ..

من وين اشتريتها

اشتريتها من الامارات واحد من المعهد اتعرفت عليه بالنتدى ما توقعت ابدا انه يقدر يجيبها كنت يائس مرة و محتاج قبول لان فترة اللغة بتنتهي و للاسف ندمت بعد ما طلعت النتيجة و الدرجة اللي حددتها و جبت فيها قبول من جامعات و للاسف ندمت بس ما انصح اي احد يشتريها رح تحسون بتأنيب الضمير انا محتار الان مدري وش اسوي

نصايكم يا شباب تكفوووووووووون

نور الله بصيرتك
وهداك لما فيه خيرك
حاول تختبر مره ثانية وتقدم في جامعة ثانية

استخير وماسيحصل لك فيه خيره باذن الله ..

تستهبل ؟ وش اللي تستخير على حاجه شاريها

بقلك شي حلو في الموضوع أن الله أراد بك خير و ضميرك تحرك من البدايه وحسيت بالذنب قبل تدخل الجامعه وتتخرج وبذاك الوقت لايوجد حل
نصيحتي لك تأجل بعثه أو تقدم تمديد لغه اهم شي ماتدخل ولا جامعه من الاثنين اللي قدمت عليهم , وبذي الفتره تجيب لك قبل من جامعه ثانيه وتحاول تختبر توفل من جديد وتاكد ان الله بيعوضك لان من ترك شيئا الله عوضه الله بخير منه
وعسى الله يوفقك ويسهل لك أمووورك كلها

شف عزيزي بما أنك غلطت وأنت بكل تأكيد ماسويت هالشئ إلا مضطر ( وأنا ما أبرر لك ) لأني ماعرف ظروفك
نصيحتي لك : كمل تقديمك واجراءات قبولك واستغفر الله وأطلب الهدايه على مافعلته
وشد حيلك باللغه الين تصير في الحقيقة مستواك أعلى من 80
ومن ثم شد حيلك بالدراسه وتأكد أن فيه ناس تتمنى تكون مكانك بس للأسف خذلها التوفيق .