أبي أفصل وأطلع ادرس الهندسه على البعثة وعندي سؤال ...أرجوا المساعدة

انت في قطاع خاص ولا حكومي ؟


وهل معدلك وعمرك يؤهلك للتقديم على برنامج الملك للمرحلة الثامنه ؟


او انك ستظطر للذهاب على حسابك الخاص وبعدها تنضم للبعثه من هناك ؟


جاوب وان شاء الله نقدر نفيدك

اهم شي لا تنسى الدعوة

الله يوفقك ويوفقنا جميعا

انا ايضا عندي نفس الاستفسارات بس ا ن شاءالله الاقي حل

ارمان يعطيك العافيه

أنا لا اتوقع اني مؤهل عمري 24 تقريباْ وفي قطاع خاص( شركة سابك ) ومعدلي 81% بالثانويه العامه والقدرات 71%(قل ماشاء الله) خخخ

لكن ياليت تساعدني ما ودي أفصل من وظيفتي ثم ماانقبل ثم اتوهق واصير عبره لغيري ههه



لكن ي اخوي ارمان واحد قالي رح للقنصلية اللي في الخبر وخذ من السفارة موافقه ومن الجامعه أيضا موافقه ومدري كيف...الخ
وشرايك وعلى فكره زوجتي اقدر اخذها معي توني متزوج<<<يعني تبي شهر العسل شكلك على حساب خادم الحرمين خخخخ مش بعثه
لاامزح

ههههههههه الله يوفقك ويسهل امرك

طيب ليه ما تقدم لزوجتك على البعثه ؟ او تروح وتخلي زوجتك تدرس على حسابك الخاص وتأخذ اجازه من سابك بدون راتب واذا انضمت زوجتك ترفع اوراقك لهم يفرغونك على انك مرافق لها في البعثه

و فيه بعثات عند سابك وارامكوا ولكن ما ادري عن طريقة الحصول عليها

ولكن افضل شي اشوفه لك انك تقدم لها بعثه هنا وان ما نفع جب لها قبول جامعة ولغه ورح لوزارة التعليم العالي وحاول تحصل على امر اركاب لها لو بالواسطة علشان تنضم للبعثه باسرع وقت وبعدها تكون انت معها مرافق وتدرسون مع بعض وربي يوفقكم


بس اهم مثل ما اتفقنا لا تنساني من دعوة صادقه يرحم والديك


واي سؤال تفضل يا عسل

ارمان لا تخاف بدعليك ان شاء الله

بس الحين انت ضيعتني الحين ابي الخطوات الأولى كيف و وش اسوي ؟ يعني لازم ابي اطلع ع حسابي ولا اقدر اطلع ع البعثه من هنا وزوجتي مو مشكله اخليها مرافقه او اخليها تدرس اي شيء مع ان معها لغه عربيه بكالوريوس

اقبل الاضافه على المسنجر عشان اعلمك السالفه كلها