أنا طالب ثانوي أرغب الابتعاث للدارسة الجامعية بعد إنهاء الثانوية العامة، ما الخطوات؟

اهلاً بأخوي الفاضل وحياك الله بالمنتدى....
بالنسبه للإبتعاث فبدري عليه وانا اخوك الحين يبي لك تركز على دراستك ومستقبلك وتحط ببالك اعلى نسبه...
وانتبه انتبه من القياس ترا مهم جداً....
والبعثات يمكن تفتح بعد شهر من بداية عطلة الصيف او اقل.....
وماتدري يمكن كم جهه او قطاع تنزل بعثات غير وزارة التعليم العالي....بس لازم تدور لك واسطه اذا كانت نسبتك ماتساعد ...
وبالنسبه للتسجيل بيكون طبعاً عن طريق الانترنت...واذا رشحوك تقدم اوراقك لأقرب مركز يحددونه وزارة التعليم العالي.....والشروط اللازمه للابتعاث اول شي النسبه تكون حلوه وتأهلك انك تتفاضل مع الطلاب المقدمين وان تكون بينهم بنسبتك القويه....ومعادلة الشهاده خلك منها ....
اهم شي الحين اجتهد بالثانوي وخل جهدك مضاعف لان البعثات يبون نسبه عاليه دام ماعندك واسطه.....
الله يوفقك ياخوي ويسهل امرك....واي خدمه احنا موجودين....وحياك الله مرة اخرى...

برنامج خادم الحمين الشريفين للأبتعاث الخارجي بيفتح التسجيل بشهر رجب شهر 7....والله يوفقك اخوي وأعتقد اخوي القلم الجرئ كفى ووفى

القلم الجريء الله يهديك أي واسطة وأي بعد شهر بيفتح المرحلة الرابعة من برنامج خادم الحرمين الشريفين راح تفتح في شهر رجب بعد ماتخلص المدارس

وبعدين سالفة الواسطة هذي شيلها من مخك شوفنا حنا جبناها بجدارتنا ولا واسطة ولاهم يحزنون ولا يسمعك د/ الموسى يحرمك من البعثة له سنه وهو يقول المفاضلة تتم بالكمبيوتر ولا يوجد تتدخل بشري نهائيا وأقرب مثال ولد أخته ماأنقبل


يويفا أن كان تبي الأبتعاث و الطب ذاكر ثم ذاكر ثم ذاكر وطلع الدفرنة المندفنه من زمان عندك وحس أنك بتموت أذا ماجبت نسبة عالية وطنش الدوريات الأوروبية والله ثم والله ماتنفعك وبعدين هي كل سنة بتنعاد يعني راح تطفش منها بس هذي السنه ركز عليها وطنش كل شي عشان المستقبل ترا مابينفعك إلا نسبتك وخل عيال عمك يتريقون عليك زي مايبغوا وصدقني راح يجي يوم هم يبكون ويندمون على التريقة أيام الثانوية

ولا تنسى التحصيلي تراه أهم من الثانوية يعني أذا ماجبت فيه درجة عالية شيل البعثة _نسبتك جات بالصدفه_ من مخك ويأتي بعدها القدرات أهم شي وبعدين الثانوية

وأنا ما أقول أهلك نفسك يعني لازم ترويح بشرط مايتعدى الحدود

وبعدين انت وش فيك على بريطانيا ما تسمع إلا فيها أقرا عن بريطانيا و أقرا عن الدول الثانية وراح تشيل بريطانيا لما تقارنها معاها من ناحية مستوى المعيشة والحياة الآمنه

أقرا عن كندا و أستراليا و نيوزيلاندا والمنتدى ذا كويس فيه كل شي وطلاب من كل الدول


تمنياتي لك بالتوفيق

بسم الله الرحمن الرحيم


بصراحة أنا عضو جديد في المنتدى وطالب في الثالث ثانوي وناوي على كندا اذا ربي يسر وحصلت على بعثه.

وتعقيبا على الاخوان بالنسبة للمطوب للتخصصات الطبيه تحصيلي+قدرات+ثانويه

ولكن التخصصات الاخرى قدرات+ثانويه


وبالنسبه للجامعات أنا الان قدمت عليها اون لاين وانتظر نهاية الفصل الاول غلى خير وأرسل الشهادة والأوراق المطلوبه وبالصيف انشا الله نحصل على البعثة ونمشي


والف شكر

.. انت حاول تجتهد بالثانوي وان نسبتك تكون اعلى من 97% بعد ،، وترى القياااااس مرة مهم ..

.. السنة هذي كل المقبولين في القياس فوق الـ 90 ،، وا في الثانوي فوق الـ 95 ،، وهذا يوم كانت الأسئلة من الوزارة وصعبة ،، كيف انتم ؟؟ ،، ..

.. عشان كذت انصحك ترفع نسبك !! مش تحافط عليها بس !! لان اغلب الطلاب في المدارس الخاصة نسبهم ما راح تقل عن 99% !!،، والقدرات بيكون اهم من الثانوي باعتقادي ،، حاول على الاقل تجيب فوق 90 ،، والتحصيلي نفس الحكاية ..

.. محسوبك معدله 93% والقدرات 80 ومسكوني الباب للأسف ..

.. وغير كذا للأسف فيه خبر محزن شوي ،، ان المرحلة القادمة للإبتعاث ما راح يكون فيه امريكا وكندا واستراليا ونيوزلاندا وبريطانيا ولا دول اوربا !! لان السنوات الماضيه صار عليهم ضغط وما يبون يتكدس الطلاب فيهم ..

.. راح تكون مقتصره على دول شرق آسيا فقط !! ،، ماليزيا - سنغافورة - اليابان - الصين - الهند - كوريا ..

.. وهذا رابط الخبر http://www.mbt3th.us/vb/showthread.php?t=36298 ..

.. انا ما ودي احطمك لكن لازم تكون الصورة عندك واضحه عشان ما تنصدم بعدين ..

.. دعواتي لكم بالتوفيق ..

شباب.. ما أقول إلا بيّض الله وجيهكم...

ما كنت أتوقع هالمردود منكم!! فعلا كبرتم في عيني.. وجزاكم الله خير..

وبإذن الله راح أحاول أرفع من معدلي.. خصوصا إن القدرات عندي مو لذاك الحد (86&#37..
بس إن شاء الله بالفرصة الجاية أعوض..

لكن خالص شكري وتقديري...