اش رايكم في مكتب يونيورسل للقبولات

حيا الله الجميع ....

الحقيقة أنا مثلك كلمت على المكتب ورد مصري وقلت له أبغى قبول من جامعة بأمريكا ومعهد كذلك
قال: حنا بنجيب لك اللي تبغى خصوصاً إن تخصصي أنا غبص (( يعني صعب )) المهم جلس يسولف لي إنه يبغى يجيب لي القبول ومن أفضل الجامعات وأنه يبي يراسل أكثر من عشر جامعات الحقيقة وهو يسولف أتخيل نفسي أتمشي بين عمائر نيويورك من زين كلامه .
/// لكن فعلاً أبغى أحد سبق تعامل معه عشان يتطمئن الواحد إذا راح له //// .
لأني تعاملت مع مكتب قبل ما أكلمهم ولعب علي أخذ فلوسي وقال تعال بعد شهر خذ القبول يوم راجعته قال ياخي قبولك صعب بالجامعات واثره الكذاب مراسل جامعة وحدة وجايب قبول بس تخصصي بوادي والقبول اللي جابه لي بديرة مهب وادي ؟؟؟؟

والله للاسف نفس الشي بدور على مكتب قبول ماجستير تمريض

وانا بعد كلمت المصري وعدني بقول مشروط بس خااااااااااااااايف منه لاني مقروص من مكتب قبله اسمه ياس اطلس وانا خلصت فوسي من كثر ما اوزعها ع المكاتب



ياليت الي تعامل معه يرسل رد بسرعه عن هذا المكتب

يمقن انت تبي بكالوريس هذا بسيط -انا بي واحد يضمن لي قبوووووووووول مشرووووووووط في الهندسة المدنية في امريكا بمعدلي المنخفض - هذا المكتب يضمن لي الشي هذا ويقول فيه ناس من اسبوع جايبلهم قبول مشروط بمعدلات منخفضه هذا الي طمعني فيه بس ابي اتاكد زياااااااااده

كلمته ورفض طلبي يقولي حالتك جدا صعبه بس الغريبه ان مافيه احد يقدر يعطنا معلومه عن هذا المكتب وانا بحثت عليه في اكثر من موقع بس مافيه احد يتكلم عنه حااااااااااااااجه غريبه ولاودي افوت الفرصه لانه وعدني بقبول وفي نفس الوقت ما ابيه يضحك علي

السلام عليكم
ما ادري ليه تروحون للمكاتب ومنتدى مبتعث موجود
اول شي بخصوص الجامعات كل ما تريده موجود
ثاني شي بخصوص طريقة التقديم في مواضيع شرح

غير كذا حنا نساعدكم بالتقديم
احسن من المبالغ اللي ياخذوها المكاتب على شي ما يستاهل
ضيفوا استفساراتكم وطلباتكم وانا وغيري بيفيدكم

بالتوفيق

والله يا أختي أنا حالتي مثل حالتك بالضبط ... ومنتظر المكتب وعلى الله

حقيقة لا اعلم عن المكتب شي

ولكن احببت ان افيدكم بطريقة يعملون بها بعض المكاتب اللذين لا يخافون الله وهي كالتالي :

يجي الطالب لهم ويقول ابي قبول في الجامعه الفلانيه فصاحب المكتب يقول ابشر بسيطة ادفع الحين مبلغ عشان نعرف جديتك وبعد وصول القبول ادفع مبلغ
طبعا صاحب المكتب يعرف انه ما راح يجيب قبول الا نادراً فهو يسوي التالي

يقوم بمراسله الجامعه ويردون عليه بالرفض بعدين يراسل جامعة ثانيه ويردون عليه بالرفض

وبعدها يجي الطالب هايم على وجهه يبي قبوله ويتفاجأ ان صاحب المكتب يقول المبلغ اللي دفعته مقدما ما راح نرجعه لك بسبب اتعابنا ومراسلاتنا وان دفعنا قيمه ابليكيشن ويبدا يكبر لك الموضوع وانت تقتنع وتمشي وهو بالاساس ما سوا غير مراسله ايميل والرساله موجوده عنده من زمان


انا ما اقول كل المكاتب ولكن اعرف طلاب مساكين كثير ضحكوا عليهم المكاتب

وفيه مكاتب مشهوره ومعروفه انهم صادقين ولكن انا قاعدتي دائما بالتعامل لا تدفع ريال الا بعد ما تشوف قبولك امامك وبعدها ادفع ما تم الاتفاق عليه

لا تذهبون الا للمكاتب المجربه


للمعلوميه القبول تكلفته لا تتجاوز 700 ريال بالكثيييير والباقي اتعاب المكتب وهذا حق لهم بس انا ذكرت المبلغ عشان الطالب لو حب يراسل بنفسه او يشوف صديق له يراسل له الجامعه






اعاننا الله وياكم

نصاااااااااااااااااااااااااااااااااااااااااااااااا اااااااااااب أسأليني أنا

تعاملت معه أكثر من خمس أشهر و نصب علي