أريد مساعدة بشأن الابتعاث على حسابي الخاص ..

السلام عليكم ورحمة الله وبركاته

اخوي العزيز انا درست في امريكا على حسابي الخاص وانضميت على البعثة

اول شي الموضوع فيه حظ وتوفيق والشي الثاني يبي له فيتامين(و)

يعني بالعربي لازم تكون عندك معارف بالوزارة

انا انضميت بعد شهر لأني كنت مقبول مبدئيا في بعثات السنة هذي..

عموما اهم شي انك اول ماتوصل تفتح ملف وتجيب قبول الجامعه وكل اوراقك جاهزة

وساعتها تنتظر احد المكارم الوزارية بضم كل الدارسين على حسابهم الخاص

والا النظام المتبع هو انك تخلص 30 ساعه جامعية ومن ثم يتم ضمك في البعثة

اتمنى لك التوفيق وابد اشي ثاني انا موجود وانا اخوك ^^

فيصل

كفو يا فيصل الله يوفقك
فعلا الواسطة شي ضروري الان
الله المستعان

أنا أيضا كنت من المقبولين مبدئيا ..

هل تقصد عندما أصل إلى مكان الدراسه اعطيهم القبول وليس هنا ..

و30 ساعه هل هي فصل دراسي كامل في قاعات الجامعه و هل ذلك ينطبق على معاهد اللغة الانجليزية ؟ ..

أيضا هل لي أن اسألك عن التكاليف من التذاكر السفر إلى رسوم الجامعة .. ؟

في الختام أقدر لك مساعدتي و أشكرك جزيل الشكر على ذلك ..

^
^

اهلا اخوي

النظام انك تخلص 30 ساعه جامعية مو لغة اي انك تدرس في الجامعه سنة كاملة تقريبا على حسابك

ولكن عادة المكارم الوزارية تأتي في كل فترة وتضم الدارسين على حسابهم الخاص..

زي ماقلت هي فيها توفيق

بالنسبة للمصاريف تعتمد على الولاية ..يعني عندك العاصمة لاتفكر فيها ماورطني غيرها..

بس المتوسط تقريبا يبي لك بالشهر للمعهد والمصاريف 7000 ريال او 8 بس لازم تضغط على نفسك وانت على حسابك لمين مايفرجها ربك..

والله كريم ياخوي وتاكد دامك رايح لهدف دراسة ونيتك صادقة واجتهدت الله معك

بالتوفيق لك واي خدمة انا حاظر

اخوك : فيصل