مساعدة خطاااااااب الغرض من الدراسة

وعليكم السلام ورحمة الله وبركاته

أخوي أنصحك بان تكتب خطاب الغرض من الدراسة بنفسك او إذا لغتك ضعيفة تخلي أحد يكتبوا بالنيابة عنك بس اهم شي يكون خطاب أصلي يعني مهو مكرر او منسوخ من. خطابات أخرى. الجامعات في أمريكا عندك برنامج بخصوص الكشف عن الخطابات المكرره وإذا لا سمح الله اكتشفوا انوا خطابك مكرر او منسوخ طبق الأصل من خطابات أخرى فممكن يحرموك من التسجيل نهائي خاصة انك مقدم على دراسات عليا.

الله يوفقك يا رب ويسهل امرك

السلام عليكم /انا أؤيد رد الاخ MO ASU
لازم تنتبه لهذي النقطة حتى بعض المكاتب تتبع طريق تقليدية متكررة ومستهلكة في كتابة الstatement of purpose
وهذا ممكن يأثر على قبولك وجامعة بيتسبرغ من الجامعات القوية والمرموقه والقبول فيها انتقائي تنافسي نوعا ما

نصيحتي لك كالتالي:
حتى لو كانت لغتك ضعيفه اكتبه انت بنفسك اكتب خمس براقرافات او اكثر او اقل على حسب عدد الحروف المطلوب منك بعض الجامعات تطلب٣٠٠وبعضها ٥٠٠ وبعضها ١٠٠ /المهم لازم تكون البراقرافات متسلسلة ومترابطة بطريقة منطقية مثلا/١)تكلم عن اهتمامك بهذا المجال وحاول تضمن مايسمى بال hook يعني شي يخلي اللجنة تجذب لخطابك ٢)تكلم عن دراستك وكيف اهلتك لهذا التخصص٣)تكلم عن خبراتك بهذا المجال اذا كان عندك٤)تكلم عن اهدافك الوظيفية وكيف انو هذا التخصص راح يخدمك بالمستقبل من ناحية الوظيفة وبنفس الوقت دراسته تلبي طموحاتك واهتماماتك الخاصه٥) تكلم عن سبب اختيارك لجامعه بيتسبرغ وركز على نقطة انك اخترت هذي الجامعه لان التخصص المقدم فيها يناسب اهتماماتك وتطلعاتك الوظيفية بالمستقبل/طبعاحاول تضمن كل خبراتك المهنية اذا عندك. وتفوقك الاكاديمي في هذا المجال مثلا يعني ركز على نقاط قوتك وكيف انك تمتلك المهارات اللي تؤهلك لهذا التخصص/طبعا ماغيه طريقة معينة لتسلسل هذي الاشياء/اقصد النقاط الخمسة اللي ذكرتها مسبقا بس انت حاول ان ترتيبها يكون منطقي يعني مثلا تبدا بالكلام عن اهتمامك من صغرك بهذا المجال او ايش الشي اللي الهمك او حفزك او دفعك للاهتمام بهذا المجال/بعدين تكلم عن دراستك/بعدين خبرتك المهنية اذا عندك او مهاراتك بشكل عام /بعدين اهدافك قصيرة وبعيدة المدى(اهدافك الوظيفية والشخصية)وتختم بذكر سبب اختيارك للجامعه

الخطوة الثانية //ممكن تاخذ مقالك لشخص فاهم باللغه او تبحث بالانترنت عن خدمات تنقيح مقالات ويكونواامريكان وفاهمين راح ينقحوا المقال من ناحية النحو والاملاء والتراكيب الصياغة والترقيم،،،،،الخ وبالنهاية حتحصل على خطاب مكتمل لغويا ومعبر عنك شخصيا

اتمنى اني افدتك وفقك الله