افكر في الابتعاث

وعليكم السلام ورحمه الله وبركاته ..

وش تخصصك وش المرحلة اللي تبيها بكالوريوس ولا ماجستير ولا دكتوراه ..

على العموم .. بالنسبه للقبول تجيبه عن طريق المكاتب توفر لك قبول جامعه مع لغه ..

وتطلع على حسابك لوحدك طبعا عشان المصاريف .. وبعدها تنتظر لين تلحق بالبعثه ..

انا أنصحك بامريكا .. حياه جميله و الالتحاق في بالبعثه ما يطول ان شاء الله ..

المده والمصاريف .. على حسب الدوله والمدينة اللي تدرس فيها .. ومده الالتحاق بالواقع ليس لها مده محدده .. احيانا شهر او شهرين او ٤ شهور

هذا والله اعلم .. بالتوفيق ان شاء الله 😊✌️


التوقيع : اللهم صَلِ على محمد

يعطيك العافية اخي
معي شهادة ثانوي و افكر ادرس بكالوريوس
الي فهمته من كلامك ان لازم ادرس في معهد لغة صح ؟

( تمت المشاركة باستخدام تطبيق مبتعث )

لا مو لازم اذا لغته ممتازه ..

ولكن اذا لغتك ضعيفه او متوسطه يحتاج تدرس لغه بمعهد

انت ابحث عن الدوله اللي تناسبك والمدينة اللي راح تقضي فيها شطر من حياتك

ويعدها جب ثبول من معهد وجامعه عن طريق مكتب قبول وتوكل على الله .. 👍😊


التوقيع : اللهم صَلِ على محمد

مشكور على الافادة

( تمت المشاركة باستخدام تطبيق مبتعث )

عفوا ..


التوقيع : اللهم صَلِ على محمد

الله يبارك في خطوتك لإكمال دراستك

من ناحية الدول ما عندي خبرة بالدول و يعتمد عالتخصص بعض الدول تتميز بتخصصات معينة
لكن الصين رخيصة يمكن بتكون اوفر لكن مشكلتها الصين ان التدريس بلغتهم و بكذا يمكن تلاقي صعوبه في التوظيف لرجعت .
و دول اوربا اللي اسمع عنها غالية ، و امريكا تعتمد من مدينة لمدينة .

انا بتكلم عن امريكا و بحسب علمي انه اسرع مكان يلحقون فيه المبتعث

اول شي كل جامعة تطلب من الطلاب اللي لغته الأم غير الانجليزية يجيبون درجة في اختبار التوفل او الآيلس و هم اختبارات عالمية تحدد مستوى الطالب في اللغة الانجليزية و تتراوح الدرجة المطلوبة من جامعة الى جامعة و من تخصص الى تخصص .
لذا بتحتاج بتدرس لغة في امريكا ، بخصوص اللغة يوجد معاهد خاصة تدرس اللغة و يوجد معاهد او مركز لغة تبع الجامعة لكن مو كل الجامعات عندهم مركز اللغة و غالبا اللغة يكون قبولها منفصل عن قبول الجامعة للدراسة و طبعاً الجامعة ممكن تعطيك قبول مشروط بحيث اذا جبت الدرجة المطلوبة في اختبار الآيلس او التوفل راح يقبولنك تدرس في التخصص و بعضهم يكتفون بأنك تعدي مستويات معينة في المعهد وتدخل على التخصص .

بخصوص الحاقك للبعثه ما لها مدة معينة لكن اللي اسمع غالباً يكون بين 6 شهور الى 8 شهور وانت احسب حسابك على أسوأ الإحتماللات ، و اذا بتاخذ الأهل معاك فيعتمد على ميزانيتك و استعدادك و المكان اللي بتروحه . و انصحك كبداية ابتعد عن المدن الكبيرة لأنه غالية و ابحث عن مدينة معقوله و رخيصة .

- تكاليف الدراسة للغة بالغالب تكون بين 50 الف الى 120 الف " ريال" يعتمد عالمعهد او الجامعة و اذا بتاخذ قبول عن طريق مكتب احرص انهم ليجيبون لك قبول في مدينة غالية .
( بالنسبة للجامعة اللي انا فيها مبغ الدراسة 97الف مع السكن و بدون السكن 53 الف تقريبا وانا ساكن مع زوجتي في شقة عشان كذا ما احتاج لسكنهم ) .
- و المصاريف تعتمد عالمنطقة الى منطقة و كيف صرفيتكم بالنسبة لمنطقتي اذا انت تدرس و زوجتك ما تدرس فيمكن تحتاج بين 6000 الى 9000 ريال شهرياً
- و بخصوص تكاليف اجرءات القبول و الفيزا ومتعلقاتها يمكن تتراوح بين 2000 - 4000 .
- تذاكر السفر يتعمد على موعد حجزك ، انا حجزت عالقطرية قبل رحلتي بأربع شهور و كلفتني 2500 للتذكرة . و لكن بالعادة التذاكر كمتوسط تكلف 4000 ريال .

و اي خدمة او استفسر راسلني

مشكوور اخوي ويعطيك ألف عافية على الشرح المفصل


( تمت المشاركة باستخدام تطبيق مبتعث )