الإختبار التحصيلي هو الفيصل لخريجي الثانوية العامة لهذا العام

مساكم ورد جميعا..

اي والله يااجماعة افيدونا جزيتم عنا خير الجزاء..

انا نفس السؤال عندي لاخوي ومحتارة وماني عارفة اي شي عن الاختبار التحصيلي واجراءات الابتعاث..

للافادة هو اختبر اختبار القدرات ونتيجته كانت 62 مع العلم انه نسبته فتخرجه من الثاانوية لابأس بها في الثمانينات تقريبا..

اللي عنده اي خلفية عن الموضوع لايقصر ترا اختكم محتاااارة وضااايعه والموضوع مررررة هاممني ..

وسؤال اخير صحيح ان البعثات لمرحلة البكالوريوس راح تفتح فأول رجب..؟؟

شااكرة لكم تعاااونكم وسااامحوني عالإطالة..

ا

اي والله انا بعد بتخرج من الثانوي السنه هذي ولازم اختبر تحصيلي ياليت تفيدونا ..

ماعندي فكره بس انا شفت اعلانات في الجرايد عن معاهد توهلك لهذا الاختبار وتقدم نماذج من الاسئله اعتقد شفته بالوسيله والله يوفقكم

كل المعاهد والكتب خرابيط بصراحه ,, يعني هل من الممكن انك تسترجع كل المعلومات الي اخذتها من بداية الثانوي في يومين ؟
اذا تبغى تحس انك سويت شيء اقرأ مذاكرات رائز بس قراءه على السريع ,,
لان المذاكرات بصراحه فيها اشياء معقده والاختبار سهل جدا مافيه اي تعقيد تأكد انهم راح يسألونك عن ابسط الاشياء في المنهج ,, لكن فيه اشياء كثيره راح تكون ناسيها ,, وما انصحك بدورة رائز لا في القدرات ولا في التحصيلي ,, بس راح اقولك اشياء احسن منها ,
اولا اختار ان يكون اختبارك في الفترة الصباحية ,
ثانيا ,, خذ قسط كافي من الراحة ونم من بدري وقوم الصباح مروق ,, وقبل تروح الاختبار خذ لك قهوه ولا تنسى تاكل تشوكلت قبل تروح ترى الشوكلاته مفيده جدا تنشط المخ بشكل عجيب وملحوظ ,
ثالثا واهم شيء لا ترتبك ,, ابدا لا ترتبك ,, لا يهمك الاختبار ولا تتوتر واعرف انك ماراح تاخذ غير نصيبك ,, لا تتوتر في الاختبار خلك واثق من نفسك واقرى الادعية الصباحية واستعين بالله وان شاء الله ربي بيوفقك ويعطيك على قدر اجتهادك واستحقاقك ,, وتاكد ان ربي ماراح يضيع عملك وجهدك هباء ,,
وفيه شغله مهمه ,, عقب الاختبار لا تناقش الاسئله مع احد ولا تجلس تقهر نفسك وهذي صح وهذي غلط ,, لان في الاخير النتائج النهائيه ماتقدر تتوقعها ولا حتى تقرب يمها , انا كنت اقول اني بجيب 60 وجبت 86 ,, ومره قلت اني بجيب 90 وجبت 79 ,, يعني النتايج تجي مختلفه عن ما تتوقعً ,,


بالنسبة للدرجه المناسبه في التحصيلي اعتقد ان 75-77 درجة مناسبه ومتوسطه ومعقوله وتضمن قبولك في معظم التخصصات ,, واذا جبت اعلى من كذا فخير وبركة وان جبت اقل فـ احتمالية قبولك جيدة ايضا لكن على حسب هالـ ( اقل ) وحسب باقي نتـأيجك !

في الاخير الله يوفقك وترى خير سلاح للمسلم الدعاء ,, اعمل للاختبار انا ما اقول لا تعمل ,, ولكن بشكل معقول لا ترهق نفسك لانك بتتوتر وتحرص بزود وبتخاف ,,
ولا تهمله بشكل نهائي لانك لازم تشغل مخك قبل الاختبار وخلاله ,, لانك تحتاج تعمل ريفيو لما درسته ,,

مشكورين على الموضوووووع الرائع

السلام عليكم


انا عضوهـ جديدهـ ونفس الشي السنه هذي تخرجت من الثنوي وباقي لنا الاختبار التحصيلي يوم الاربعاء >< << دعوااااااااتكم < قدرات قياس وتحصيلي مرهـ وحدهـ


ونفس الشي بعد شايله هم التحصيلي وكتبت بقوقل وطلعتولي واعجبني كلام الأخ او الأخت / rammash

الله يجزاك خير مرهـ ارتفعت معنوياتي من ردك


وحسيت ان في شي اقدر اقدمه عشان مذا سجلت < عشان ارد هذا الموضوع


شوفوا هذا الموقع مرهـ يجنن امس دريت عنه < الله يجزاهم خير اللي سووهـ من جد ودي احب راسهم < والله جد < بس لو عارفه عنه بدري شوي كان احسن ماعد بقىآ شي ع الاختبار


http://exam.ss.org.sa/


< ادخلوا وادعوا للي سووهـ وادعولي :$

والله يوفق الجميع ان شاء الله


دعواتكم لي أقوىآ شي


موفقيييييييين

بآي

الله يوفقك وينولك اللي تبيه من جد افتديني ( اختي نفس حالتكم)