مااستلمت الوثيقة هل استطيع التقديم على لمرحلة الرابعة؟؟

هلا اختي
اولا لا مايحتاج يكون معك الوثيقه الحين لان موعد تقديم الاوراق راح يكون بعد القبول المبدئي و القبول المبدئي يبيله تقريبا 3 شهور لين تطلع النتايج ، و يكفي انك تعرفي كم معدلك عشان تسجليه.

ثانيا ايوه لازم يكون عندك جواز سفر روحي طلعي واحد ماياخذ يوم بالكثير يومين ، ومافيه اوراق مطلوبه لان التقديم عن طريق موقع الوزاره فقط مافيه تسليم اوراق الا بعد القبول المبدئي زي ما سبق وذكرت لك. وراح تلقي الاوراق المطلوبه على الموقع مسجله.

ثالثا اطلبي من الجامعه وثيقه باللغه الانجليزيه مع اللغه العربيه و تكون مختمه واذا ماعندهم هذي الخدمه الله يعينك تترجميها باي مكتب ترجمه و ترجعي للجامعه عشان يصدقونها اي يختموها ولا تنسي برضوه تسوي صور طبق الاصل من الوثيقه العربيه و الانجليزيه، و لا تنسي تاخذي صور من السجل الاكاديمي تبعك بالعربي و بالانجلش و تكون مختمه ، وبالنسبه للتوصيات اطلبي من الدكتورات يكتبوها بالانجلش و على الاقل 3 توصيات

رابعا والله ماعندي خلفيه بس اعتقد ان مفتوح الابتعاث لاستراليا للمرحله الرابعه

خامسا لا ماتكتبي اسم الجامعه الوزاره والمحلقيات هي اللي تختار لك الجامعه.

انشالله اكون رديت على جميع استفساراتك و افدتك
وبالتوفيق اختي عسى ربي يسهل امورك و اي استفسار انا حاضره

بالتوفيق

ايه صح عليك السجل هو نفسه كشف الدرجات و بالنسبه للمكاتب ايه المكاتب العاديه اللي تترجم النصوص .

لا مو لازم يكون عندك التوفل الحين ، بس تقدرين تتدربين عليه من الان عشان تتعودين على اسلوبه ويصير سهل عليك ، لانه ما تدخلين الجامعه الا بعد ما تختبرينه و تجيبين حدود 550 عشان تقبلك الجامعه ، لما انشالله تقبلين بالبعثه و تصيرين في مرحلة اللغه تختبرينه لين ماتجيبين الدرجه المطلوبه لدخول الجامعه

بالتوفيق اختي

فيه شغله جدا مهمه نسيت انبهك عليها ،، انا طحت فيها و جربتها :::

لازم يكون سبيلنق اسمك بالانجلش في جميع اوراقك و شهاداتك مطابق للجواز

انا كان سبيلنق اسمي في الوثيقه و السجل الاكاديمي مخالف للجواز و ماانتبهت الا في اللحظه الاخيره و طبعا تعرفي الجامعات و التسحيب حقهم لما رحت ابي اعدل الاسم قالوا لي الموضوع ياخذ تقريبا شهر!!! قلت لها اتقي الله بس تعديل حرفين يا ليت كلمه كامله بس حرفين قالت لي هذا النظام. و طبعا زي ما هو معروف كل شي يمشي بالواسطه .. تعدلت وثيقتي في يوم تخيلي من شهر الى يوم !!
حبيت انبهك عشان ما تطيحي في اللي انا طحت فيه .
موفقه ,,

حتى ولوجا الموعد وماكانت الوثيقه خالصة بتطلبي منهم انك توقعي على تعهد بتسليمها خلال فترة وبس

مشكورة اختي ملاك الله يعطيكي العافية..