يا جماعة لا تعطون الشيء اكبر من حجمه ...

July 30th, 2008, 02:51 PM

اول شيء الحمد لله اللي عدت مرحلة التدقيق (بكل سهولة ويسر ) على اغلب الطلاب المتقدمين وعقبال بقية الطلاب ان شاء الله ...
انا دققت اوراقي بابها وصراحة ولا احلى خصوصا الموظف اللي رحت عنده (راشد) شاب محترم جدا وبرفع المعنويات ياليت كل الموظفين في العالم زيه ...
سولفت انا واياه واخذنا واعطينا لان كان فاضي ( كنت اول طالب دخل بعد صلاة المغرب ) المهم انا الحمد لله اوراقي كامله بس كان في ملاحظة بسيطة على الشرطة اللي في اللقب (انا حطيت شرطة في خطاب مراسة الجامعة والجواز ما فيه ) بس قالي ما فيها اي مشكلة وخلصت وقالي تبي تروح روح والا تبي تنتظر حتى يراجعها الرجال اللي بعدي بكيفك قلت انا ما عندي اي مشكلة وراح انتظر المهم انتظرت وقال خلاص اوراقك كاملة ومن ضمن الكلام اللي يرفع المعنويات ان خريجي السنة هذي احق بالابتعاث من المتخرجين السابقين وان اللي كان البكالريوس والماستر نفس التخصص (حاسب - حاسب ) افضل وافضل ..
المهم هذا باختصار ما حصل معي في التدقيق لكن بتقوقون وش دخل عنوان الموضوع في الكلام اللي قلته ... أنا اقولكم
هذه المرحلة لا تزيد عن كونها مرحلة جمع اوراق لا اكثر ولا اقل (حسب كلامه - راشد ) يقولون هنا تدقيق مبدائي وبعدها ترفع الاوراق للوزارة في نفس اليوم وهناك يتم التدقيق على كل صغيرة وكبيرة ...
طيب علشان كذا -لا تعتبرونه تحطيم - الواحد اللي مشت اوراقه في مرحلة التدقيق لا يقول خلاص البعثة في جيبي وتكون اكبر همه انه خلص التدقيق ، باقي المشوار طوووووويل - الله ييسر علي وعليكم -
انا سالته عن متى بتكون النتايج (القبول النهائي ) قال ما اقدر اعطيك وقت لكن ما راح تتاخر يقول بعد ما اخلص من ابها ابسافر القصيم وندقق الاوراق هناك وبعدها كل شيء يرجع للوزارة (حسب كلامه )
هذا وصلى الله وسلم على سيدنا محمد
دمتم بووود ....

• نشر عبر تويتر
• نشر عبر فيسبوك
• نشر عبر جوجل