وبعدين ؟؟

السلام عليكم ورحمة الله وبركاته


مرحبابكم جميعاً

ربي يعطيكم العافية

وبالتوفيق للمبتعثين في المرحلة الرابعة. وما زلنا في مرحلة التدقيق.

يعني كتبو لي تم تدقيق طلبك. طيب وبعدين وش السوااااة؟

يالي عندكم المعلوومة لا تبخلوو علينا ترانا ضايعين مو عارفين وين الطريق؟
وش نسوووي الان ؟
هل نجهز بعض الاوراق المطلوووبة في المرحلة القاادمة ؟

يعني لا نطيح في نفس الحفرة الي طحناها في التدقيق ونحوووس حالنا في يومين وحنى نرتب اوراقنا.

يعني الله يوفقنا وننقبل كلنا وش الامور الي راح نمرها بعد تدقيق الطلب.

هل مثلاً نجدد جوازاتنا من الحين <<< نصووورها مثلاً.

اجهز اوراق زوووجي لانه محرم وله نية يدرس وش المطلوب عليه؟ يحتاج يعبي نموذج معياً؟

الاطفال اذا كانو موجودين << كثير منا تروح عن باله يطلع جواز لاحد ابنائه خاصتاً حديثين الولادة والي ما كملووو سنة .

قصدي ما نبي ننتكب ويفاجئونا بموعد ما نقدر نمسك قير السووني << حلوووة بس لا تعيديها


بصراحة انا ضايعة دووورووني يعني مو عارفين وش نسوووي

زوجي له نية يكمل دراسة في نفس البلد الي بروح لها يحتاج يترجم شهادة الثانوووية من هنى ويصدقها ؟

عندي طفلة ما كملة سنة الله يخليها لي ولبووها ما عندها جواااز نطلع لها الحين ولا نخليه ويا الفيزا ولا نطلع لها بطاقة جديدة ولا اخليها تنثبر عند امي ولا وش اسوويلها ؟؟؟؟؟

انا قصدي نبي نرتب للمرحلة الجاية عشان اذا طلبو منا اوراق او صوور تكون جاهزة ولا يصير تأخير من جهتنا لانكم مثل منتو عارفين تجديد جواز او تخريج بطاقة في الدوائر الحكومية تجيب الصخووونة ولا يقدرو احد

بعدين الى متى ونحنى ننطر ؟ يعني لو نصوووم بين اهالينا ونعيد معاهم ثم يقولو يلا طسوووو كل وحدة تاخذ محرمها او مرافقها ودلي دلي على التياااارة << واثقة بالحيل


جد ضااايعة ماني عارفة ويني .... طمنوووني تكفووون وش السوات؟؟ وبعدين ؟؟ وش القادم ؟ وش يبون منى بعد ؟؟ وش نجيب لهم ؟؟ متى نركب التيارة؟؟ متى نستلم الكتب الجديدة؟؟ متى نبداء الدراسة؟؟ مليت من الانتظار ...

انتو يالقديمين تعالو علموونا نووورووونا طمنونا وش نسووووي ؟؟

وشكراً للجميع وبالتوفيق لنا كلنا والي ما حالفه الحظ يارب دبّس الحظ في فانيلته السنة الجاية