الأعضاء الإشتراك و التسجيل

الملتقيات
ADs

الخطوات السليمه بعد القبول...والاستعداد لأي طارئ...

الخطوات السليمه بعد القبول...والاستعداد لأي طارئ...


NOTICE

تنبيه: هذا الموضوع قديم. تم طرحه قبل 5640 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية mam_sm
    mam_sm

    مبتعث مجتهد Senior Member

    mam_sm كندا

    mam_sm , ذكر. مبتعث مجتهد Senior Member. من السعودية , مبتعث فى كندا , تخصصى محاسب , بجامعة University Of New Brunswick
    • University Of New Brunswick
    • محاسب
    • ذكر
    • Saint John, New Brunswick
    • السعودية
    • Jul 2008
    المزيدl

    October 19th, 2008, 08:04 PM

    السلام عليكم ورحمه الله وبركاته

    مساء الخير


    طبعاً بعد ظهور الاسماء بدأت الحوسه وبدأت هموم آخرى

    .....
    أبي اغير الدوله
    والثاني متى الملتقى "دراسات عليا"
    والثالث وش في الملتقى وكم مدته "دراسات عليا"
    والرابع أبي أأجل السفره
    والخامس متى بنسافر
    وووو
    الخ
    ......

    اخواني الخطوات بعد ظهور النتائج هي كالآتي:

    1-حضور الملتقى
    والملتقى بيكون يومين على كلام الاخوان وبيكون فيه توزيع قبولات المعاهد والجامعات والضمان المالي وبعدها محاضرة عن ثقافات البلد اللي بتروح له وقوانينه وتقاليده وأي شيء مهم عنه وبعد المحاضره أستقبال الاسئله منكم

    2-استخراج الفيزا
    بعد المتقى وعند استلام القبول والضمان المالي تروح للسفاره "بعض السفارات لازم تاخذ موعد عشان تبدأ بالإجراءات" وإذا رحت للسفاره بيعطونك موعد أو فوراً ورقة الكشف الطبي وبعدها تكشف عند احد المستشفيات المعتمده وترسل الكشف "الظاهر عن طريق المستشفى" وتاخذ رقم المراجعه عشان تقدر تشيّك وصل الكشف للسفاره أو لا وبعدها تشيّك تم اصدار الفيزا أولا
    طبعاً الاوقات تختلف من سفاره لسفاره وأحياناً من شخص لشخص يعني من تقدم إلى أن تستلم الفيز بتكون الفتره من اسبوعين إلى 3 أو 4 شهور والغالب شهرين

    3-طباعه قرار الابتعاث
    تقريباً ياخذ اسبوع

    4-الحصول على أمر الاركاب

    5-الحصول على تذاكر

    6-توصل وترجع بالسلامه


    طيب اتوقع اكثركم عارفين هالخطوات لكن وش الخطوات السليمه؟؟

    انا اعلمكم بعون الله

    الخطوات السليمه:

    1-حاول تجيب قبول من معهد لغه من الحين واللي يبي يغير الدوله يجيب من الدوله اللي يبيها ونفس الشيء للدوله اللي قبلوك فيها في حالة انهم ما جابوا لك قبول ورفضوا يحولونك للدوله اللي تبيها

    وطريقة الحصول عليه من هذا الرابط
    http://www.mbt3th.us/vb/showthread.php?t=68239

    وكل الشكر لصاحب الموضوع m7sen

    2-جهز أوراقك لو كنت تبي تغير البلد أو الجامعه بعد ما تروح إن شاء الله و صورها بالسكنر وأرفعها على بريدك
    والاوراق هي:
    1-شهادة التخرج بالانجليزي والعربي
    2-السجل الاكاديمي بالانجليزي والعربي
    3-ثلاث توصيات بالانجليزي "اللي تكون خطاب" وحطها في ظرف مختوم من الجامعه اللي تخرجت منها طبعاً -حاول تاخذ ثلاث نسخ-
    4-جهّز لك سيرة ذاتيه
    5-جهّز لك الغرض أو الهدف من الدراسه

    شيء مهم جداً جداً وهو صور جوازك والفيزا وبطاقتك الشخصيه وقرار الابتعاث وأي شيء مهم بالسكنر وأرفعها على بريدك

    عندي ملاحظة بالنسبة للبريد إنشأ لك بريد يكون خاص بالبعثة أفضل لك

    3-خذ لك موعد من السفاره من الحين
    طبعاً اللي يبي يغير الدوله ياخذ موعد من الدولة اللي يبيها ومن الدوله اللي يبي يحول لها

    وبالنسبة للي يبي يأجل السفره تقدر تعرف الاجابة بيوم الملتقى

    وباقي الخطوات سليمه إن شاء الله


    وعندي نصيحتين لكم

    1-حاول تدخل معهد لغه أو احفظ لك كلمات 5 كلمات يومياً طبعاً احفظ الكلمات الخاصه بالمطار واي شيء بتمر عليه وقت الرحله

    2-حاول تدور لك وظيفه تجمع لك منها قرشين


    ملاحظة:
    اللي معه مرافق ترى ما عندي علم بأجراءاته



    وبالتوفيق يارب
  2. لا خلا ولا عدم

    ماقصرت أخوي ..وما قصر الأخ محسن

    عندي استفسار .. بالنسبه لقبول الجامعه .. حاليا انا موكله امري لله وماجبت قبول من جامعه على اساس انو الوزاره تجيبه ..

    سؤالي : في حال سافرت ودرست في المعهد اللي اختارته لي الوزاره .. هل يمديني اغير الجامعه من هناك اثناء ما انا ادرس لغه اشتغل على قبول الجامعه ؟


    .
    7 "
  3. شكرا على هذا الموضوع

    بس ما نقدر نجيب قبول المعهد لان يبي لنا ضمان مالي

    وضمان مالي ما عندنا

    بتقولي ضمان شخصي
    واللي ماعنده المبلغ المطلوب ؟؟

    وبكذا احنا ما نقدر ناخذ قبول جامعه

    والف شكر لك على الخطوات والايضاحها وعلى النصائح المفيده
    7 "
  4. المشاركة الأصلية كتبت بواسطة little student
    سؤالي : في حال سافرت ودرست في المعهد اللي اختارته لي الوزاره .. هل يمديني اغير الجامعه من هناك اثناء ما انا ادرس لغه اشتغل على قبول الجامعه ؟
    .

    الـجـواب : بـكل سـهـولة يـتم الـتـحـويل لأي جـامـعـة مـعـترف فـيـها , وبالإمـكان ابـتـداء مـراسـلة الجـامـعـات أثناء فـترة دراسـة اللغـة
    7 "
  5. المشاركة الأصلية كتبت بواسطة tegen
    شكرا على هذا الموضوع

    بس ما نقدر نجيب قبول المعهد لان يبي لنا ضمان مالي

    وضمان مالي ما عندنا

    بتقولي ضمان شخصي
    واللي ماعنده المبلغ المطلوب ؟؟

    وبكذا احنا ما نقدر ناخذ قبول جامعه

    والف شكر لك على الخطوات والايضاحها وعلى النصائح المفيده

    اخوي آسف جداً ما انتبهت لهالنقطة لكن بأبحث لك عن حل إن شاء الله
    وياليت تعذرني

    واخوي ممكن تتجاوز هالنقطة وتبدأ بالخطوات الثانية

    والله يوفق الجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.