المرافقات اللي مع ازواجهن او محارمهن ويدرسوا جاوبوني

الاخت الفاضلة :
انتى تسافري مع زوجك عادي . توصلو بالسلامة للدولة المراد الدراسة بها
تاخذي قبول مبدأي من الجامعة لدراسة اللغة وعادي لو دراسة الجامعة بكالوريس ماستر مافي مشكلة قبول مبدأي
ترسلي ورقة القبول المبدأي للملحقية السعودية . وبعض الاوراق كرت عائلة وخطاب من زوجك .
الملحقية تدفع فورا رسوم دراستك للغة كاملة . لمدة سنة او سنة ونصف . تبغى تكلمى الجامعة . تطلبي تكلمة الجامعة وترفعين للملحقية بالطلب . يرفعو اوراقك للرياض ويضموك للبعثة برنامج الملك عبدالله . وليس لك اية علاقة ببعثة زوجك .
المهم دراسة اللغة سهلة جدا اجرائاتها وفور وصولك ابدأي بالاوراق . والله الموفق

يسلمو وجزيت كل خير يارب
بس المعهد مايطلبني الضمان المالي عشان يرسلي القبول ؟؟

ولو صار معي قبول وانا ماوصلت كندا او الدولة اللي راح تكون عليها البعثة هل ينفع اراسل الملحقية عشان يطلعولي ضمان مالي او يدفعوا الرسوم قبل اجي كندا ؟؟

طيب انا لو بجيب قبول جامعة من الآن عشان اول ما أوصل بإذن الله اطلب التحاق بالبعثة هل الجامعة تعطيني القبول وانا مامعي ضمان مالي ؟؟

مساء النور .
ركزي بكل كلمة اكتبها .
انا فاهمك انتى عشان موضوع الوقت ما تبغى تتأخري ببداية دراستك انا فاهم .
اولا : مافي مشكلة تاخذي من السعودية القبول المبدأي للجامعة المراد الابتعاث لها . لانة لما توصلي تروحي تسوي اختبار بلسمنت تست وترفعي اوراقك للملحقية الملحقية فورا خلال يومين حترسل اشعار للجامعة انة انتى حيدفعولك فتبدي على طول مو شغلك متى توصلهم الفلوس .
حتتسدد قيمة ورسوم المعهد من شهر الى شهرين وبعدها تقدري تستلمي من المعهد coe لانة المبلغ وصل .
انتى اللغة ما يحتاج ضمان مالي .
لانة الملحقية بتدفع فورا .
.................................................. ...................................
نصيحتي : سافري عادي وروحي للجامعة اللي نفسك فيها .
وعلى الفرونت اوفس واقفة اطلبي قبول مبدأي تستلمية خلال دقايق
واشعريهم انك تبغى تدرسي فورا يسوولك بلسمنت تست اختبار تحديد مستوى .. وتداومي اليوم اللي بعدو عادي جدا بالمعهد هم اصلا يعطوك فترة للسداد والا اذا اخبرتيهم انك تبع الابتعاث فاهمين النظام اغلب الجامعات الان بيقولو داومي اوكي وارفعي اوراقك عاجلا للملحقية السعودية .
المهم بعد اول يوم واختبار المستوى . تاخذي القبول المبدأ وتكملى باقي المسوغات نماذج وخرابيط تلاقيها بالموقع تبع الملحقية . ترسليها لهم بريد . يومين او ثلاث حيجيك اشعار على الايميل انة تم مخاطبة الجامعة او المعهد . يعني تعهد بتسديد الرسوم .
خلال شهر حيجيك اشعار ثاني على الايميل انة تم ايداع مبلغ كذا بحساب الجامعة رقم كذا . طبعا مالك شغل باي من هالكلام لمجرد اشعارك فقط .
ما ينفع تخاطبي الملحقية الا بعد الوصول
قبول اللغة بنفس اليوم تستلمية ولا يحتاج لا ضمان ولا يحزنون .
قبول الجامعة ياخذ وقت شوي .

جزااااك الله كل خير وفرج كربك

انت طمأنتني كثير وعرفت كيف اخطي خطواتي شكرا جزيلا ويعطيك ربي العافية