معادلة الدبلوم

إلا أعرفه أن معادلة الشهادات تكون من الجامعة إلا أنت مقد عليها وموبكل الجامعات تعادل شهادة الدبلوم أما كشف الدرجات فهم يحتاجون السجل الأكادمي حق الدبلوم ولكن أوراق الثانوية والله ماأدري عنها .

لا ممكن من الجامعه او من اتلوزاره تعدلها وشهادة الثانوي لا حاجه لها

أنا توني مقدم علي جامعة في استراليا قالوا لازم تجيب شهادة الثانوي عشان نتأكد إنك درست الثانوي بس اتوقع إن النظام في امريكا إختلف في إستراليا .

شوف اخوي انا زيي زيك معاي دبلوم مدته 3 سنوات وبودي انهم يعادلونه لي عشان تنقص علي مدة الدراسة
بس ما عندي قبول ولا اي توني ولا الخرابيط هاذي كلها
انتي اخت هند الله يعطيك العافيه قلتي ان في مكاتب يعادلون الدبلوم حلو خبر سار جدا بس انشاءالله يكون معتمد من كل الجامعات
عموما اخوي اذا درجاتك في الدبلوم ممتازة يعني تبيض الوجه يمديك تقدم في الدبلوم بس انا سمعت من الناس ان الافضل انك تقدم على الثانوي يعني فريش مان افضلك وعشان يجي القبول اسرع اما بالنسبة للمعادلة فراح تطول ويضيع عليك الوقت الفكره اللي انا مفكر فيها زي ما انت عارف ان اول سنه لغة يعني كل الناس سواسية اصحاب الدبلومات او حتى اللي مقدمين بالثانوي يعني راح تدرس في معهد طيب انت في فترة السنة هاذي هم قابلينك قبول مشروط حتى تعدي التوفل وما ادري وش اسمه الاختبار الثاني واذا جبت درجة زينه تعطيهم اوراقك ومعها شهادة الدبلوم يعني وانت هناك افضل عشان ما تتعطل امورك لان الجامعات اللي اسهلها الفريش ستيدونت يعني الطالب الطازج اللي ما سبق ودرس عموما انت كيفك شوف اللي يناسبك بس هذا اقتراح واشوف انه الانسب لان انت مو وقت تتشرط معليش على الكلمة لكن انا الحين ابي قبول وابي اروح البعثة عشان افتك من الوزارة والسفارة والاجراءات اللي هنا لان ما عندي معدل يشفعلي ولا واسطه ولا هالامور كلها فالافضل اني اخلص اموري واروح هناك اتفاهم معاهم لانهم مرنين اكثر من هنا يعني التعقيد كله هنا فلا تعقد نفسك من هنا خلك لما تروح هناك عقد نفسك على راحتك وتكون منظم للبعثه تقدر تتشرط وتسوي اللي تبي تعادل دبلوم ما احد راح يرجعك للسعودية هذا مجرد اقتراح لا الزمك فيه ولك مني جزيل الشكر وتحياتي لك ولجميع الاخوة اللي يقرون
وانا اقول الله يعوض عليكم يا اخوان اللي خالصه اموركم اصبروا الصبر زين وكل تاخيره فيها خيره الله اعلم يمكن تاخيرتكم فيها خير لكم وفي العجلة الندامة انشاءالله تتسهل اموركم الله يعطيكم العافية وياجركم في مصيبتكم وانشاءالله تنحل بس هونوها وتهون وان الله مع الصابرين والصبر مفتاح الفرج الله يفرجها عليكم الف شكر لكم