طلاب الماستر فقط الناويين على المرحلة السابعة ... هنا الاستفسارات والنقاش

السلام عليكم ورحمة الله
جزاكم الله خيرا..
بخصوص دراسة الماجستير بالخارج، انا حابة أكمل دراستي، لكن تخصصي ، زي كثيرين، أدب انجليزي، وبما إن المتاح فقط هو تخصصات لا تمت له بصلة (تجارة لكترونية وتسويق)، فأنا مش حابة أغامر على أمل تغيير التخصص، فكيف أضمن إني أتحول لتخصص انجليزي لما أروح بلد الابتعاث، خاصة وإني ما ودي آخذ فترة لغة، أو أكثرها باخذ 3 شهور..
أنا مفكرة في أمريكا: شيكاغو أو واشنطن العاصمة..
يا ليت تفيدوني عن الملحقية ومرونتها هناك..
وفيه كم سؤال مهمين،
أنا وثيقتي لسه ما صدرت للحين، ومعدلي عالنظام تقريبي، هل أقدر أكتبه بالنموذج، وأغيره بعدين؟
وبالنسبة لبياناتي الأخرى، هل أقدر أدخل بعدين وأعدلها قبل مرحلة التدقيق والا كيف؟ (جوازي قرب ينتهي وبجدده، وبطاقة الأحوال طور التجديد ولسه ما صدرت)
وهل فيه أحد معنيّ في البرنامج أقدر أكلمه بخصوص مشكلة تغيير التخصص من الآن عشان أضمن وإلا لا؟
وهل ممكن لو جبت قبول الجامعة قبل أسافر في التخصص اللي أبغاه، يوافقوا عليه؟
وهل فيه شي رسمي في الموقع يقول إني لو ما كملت لمرحلة التدقيق وما سلمت أوراقي، أقدر أسجل من جديد للمرحلة الجاية؟

وشكرًا جزيلاً
تقبل الله صيامكم.

السلام عليكم ورحمه الله وبركاته >>
انا قدمت على المرحله السابعه بكمل ماستر ..وتخصصي رياضيات ومعدلي جيد جدا بس حبيت اسئلكم ..؟
انا اخترت الرغبه الاولى امريكا لانها حلمي واتمنى يتحقق .. وبعدين اخترت كندا وبعدين ايرلندا .. بس حابه اسئلكم ايش احسن دوله لتخصصي واحسنهاا في السكن .. وكمان اخترت اكمل على نفس تخصصي مع انه طلعت لي رغبات كثيره بس خفت اغامر كان نفسي اختار تقنية النانو بس خفت اغامر وهل تنصحوني اغير ولا لا ..
ومتى تتوقعون بيطلع القبوول ... وكمان فيه شغله انا حطيت مركز التدقيق الرياض مع انه المدينه المنوره اقرب لي هل هذا الشي عادي ولا لا ...

١/ مافيه ضمانة لتغيير التخصص بس بشهادة الطلاب الي بأمريكا أنو الملحقية هناك متعاونة جداً في هالخصوص
http://www.mbt3th.us/vb/forum149/thread293163.html
٢/ بالنسبة للمعدل فالمهم انو يكون فوق ال٨٠٪ .. وحتى لو ماكان دقيق مررررره فوضعك الوزارة تتفهمه .. بالنسبة للبيانات الثاينه فماهي مهمه جدا والجواز فيكي تحطي رقم الجواز الحالي وفي موعد التدقيق تقدمي لهم الجديد .. والبطاقة لاحقه عليها بس المهم هو رقم السجل المدني
٣/ هل فيه شخص تكلميه ؟؟ فيكي تكلميهم كلهم بس الكل حيقولك نفس الشي لما تلطلع هنا قدم عن طريق الملحقية
٤/ قبول جامعة من الان لآي تخصص ؟؟ .. ان كان للانجلش فماحيفيدك وعموماً هالامور هدي تبدأ من الملحقيه ومش من عند الوزاره ..
٥/ انك ماتكملي لمرحلة التدقيق فماعليك بائس بس لو تعديتي هالمرحلة وطلع اسمك بعدها لازم تقدمي اعتدار مواصلة علشان تضمني مايسقعدولك السنوات الجايه

بالتوفيق

وانا اخوك وضعك طيب خليكي بأمريكا وع الماث وبلا تقنية نانو ..

الله يوفقكم جميعـآ ..
هـ الابتعاث قروشه قسم بالله يؤسوس ف الواحد مع انو معدلي فوق المطلوب الا انو كل شوي ناطه لي وساويس والا الاحلام اعوذ بالله قلقَ .. آلله يعين وتعدي هالمرحله ع خير ..
انا سجلت وطبعت الطلب بس تو اكتشفت انو انا حاطه الرمز البريدي نفس رقم صندوق البريد سئلت الوالد قالي انو الرمز رقمه كذا والصندوق رقمه كذا السالفه هل يستاهل انو اروح واعدل البيانات
واطبع من جديد والا مايدققون ع هالسوالف > حسيت اني عجازهـ بس مشوار اطبع وحوسه ..

وكل الشكر لكم وعسى ربي يحقق كل طموحاتكم

مايسوى العنوووووه ... عاد الي مره الوزارة مهتمه ببريد وغيره .. وانا اخوك روحي عدليه في السستم ( عن الحلال والحرام)بس ..

مراااااااااااااااحب
تقبل الله منا ومنكم صالح الأعمال .
سوووري لأني قصرت بآداء واجبي
وتكاسلت بالإجابة عن أسئلتكم
لكن ---------------> " للظروف أحكام "
إضافة إلى مشاكل السيرفر تبع الموقع ..
وإن شاء الله راح أجاوب ع الأسئلة قد المستطاع , لأن دخولي ع النت محدود
وأتمنى من أي واحد عنده معلومات مؤكدة .. إنه يساعدني بالإجابة عن الأسئلة .

وإن شاء الله ماأقصر معكم ... تحياتي والسلام

ابي استفسر عن موعد التدقيق متى راح يكون..؟

انا خارج المملكه وراح ارجع ان شاء الله 12 شوال ..

لكم ودي

هلا والله بتبعون الرياضيات انا احكي لك عن نفسي ياستي خليكي بالرياضيات مرة حلووووة عشان نصير عباقرة وترى احس مستقبلو حلوووو بالدات مع الرياضيات المطورة اللي عندنا ماتشوفين المسؤلين

يطورون بالرياضيات يبغون اولادنا آلة حاسبة *_^

وبس وان شاءالله اللي عنده برة يفيدني ويفيدك مع انو تعبت ادور احد يدرس رياضيات ويحكي لنا عن تجربتو *_*

انا محتاجة مساعدة منكم انا قررت اروح التشيك بعد ما شفت قد ايش الطلاب مرتاحين فيها بس لما قريت الشروط حق جمهورية التشيك كاتبين ان الطالب يدرس بكالوريس فقط في العلوم الطبيعية والهندسة عادي ما جستير وبكالوريس والطب عادي كلها المراحل بكالوريس وماجستير ودكتوراه لكن انا ابغى ما جستير فيزياء من ضمن اسباب اختياري لجمهورية التشيك انها رررررررررخيصة وتعتبر مرره روعه واللي يقرا عنها يعرف بس السؤال اللي يبغون يروحون كندا عارفين انهم لازم يجيبون كشف حساب باسمهم فيه اقل شي 50000 وهذا الشئ اللي خلاني اخاف من الابتعاث لكندا مو لان مو متوفرة معي 50000 لا لان لازم انا 50000 والمرافق 50000 يعني صار 100000 وهذا اللي مو معي ههههههه عاارفه طفشتكم بس من جد احترت وين اروووووح خايفة اروح ايرلندا وتطلع نفس شروط كندا الله ييسر لكل انسان بيساعدني ولو بنصيحة