طلاب الماستر فقط الناويين على المرحلة السابعة ... هنا الاستفسارات والنقاش

اقتباس:

---

المشاركة الأصلية كتبت بواسطة اللحن الملائكي

لوسمحت اخوي انا ماطلعت بطاقة احوال هل راح يطلبوها مني وقت التدقيق

---

هلا بــ " اللحن الملائكي "

بطاقة الأحوال بالنسبة للإناث " غير إلزامية " يكفي عنها " كرت العايله "

وبالتوفيق إن شاء الله

خريجة بكالوريس دراسات اسلامية وش الماستر اللي تدرسه تكفون ردوا

اقتباس:

---

المشاركة الأصلية كتبت بواسطة مفحطة بكعب

انا عندي استفسار عن الدول وين احطه
ياهلا ومسهلا .
" والله إني قعدت أضحك يوم قريت رسالتك "
صدق اسم ع مسمى .
أهنيك ع " روحك المرحة "
-------------------------

ابي احد يساعدني بختار دولة احس ماني مقتنعه بالنمسا بكتب اللي جمعته من المعلومات وابي ترشحون معي

افضل الدول من ناحية التخصص والوضع المعيشي والنظام والتعقيد والحجاب

كنت بختار ايطاليا لكن خوفني وقالوا كلها عصابات مافيا ... ههههههه

هولندا صعوبه الدراسه وتعامل سكان الدوله سيء خصوصا للمسلمين ... مو كل السكان " كوني موضوعية "

اسبانيا مع اني لغتها سهله قالوا تخصصي ماينفع تدرسينه هناك ... عساها خيره

اليابان مليانه كوارث وكلها غازات وصعوبه لغتها .. " ماخليتي شيء "

سنغافورة غاليه من حيث المعيشة وماهي لغتها الرسمية الانجليزي ... ممكن

ايرلندا ريفية والتدريس غير جيد فيها ... غير صحيح

الهند تدريسها لايقارن بدول الاجنبية .. بالحاسب تعتبر من أفضل دول العالم

كندا غاليه جدا وصعوبة الدراسة فيها ... أتفق معك

امريكا مترددة اختارها بعد حادثه الدوسري واغلب الولايات ترفض الحجاب حتى الاسكارف .. لا أتفق معك ... أمريكا لايعلى عليها من كل الجوانب

المانيا اعرف دراستها قوية خصوصا بالتخصصات العلمية لكن مايتقبلون الحجاب <<مدري ليش اتذكر هتلر ... ههههه لهالدرجة مخوفك هتلر .. حتى بعد موته

نيوزلاندا مستبعدتها بسبب بعدها واغلب جامعتها ماهي معتمدة ... ... نيوزيلاندا أصلن " مغلقة " لتكدس الطلاب

هاا وش اريكم اخليها على النمسا او لا لاني مااشوف احد اختارها

---

والله ماخليتي ولامدينة إلا وطلعتي عذاريبها ... لكن بقت فرنسا ... ههههه أكيد 100% راح تلعنين أمها .

ع العموم ... نصيحتي لك :
لاتنظرين بالنظرة القاصرة , فكل مدينة لها مميزاتها وعيوبها ..
وخلي عنك التفحيط بالكعب .. والبسي نعول " زنوبة "
ورتبي الدول ع الشكل الآتي :
أمريكا
إيرلندا
كندا

وبالتوفيق إن شاء الله

اقتباس:

---

المشاركة الأصلية كتبت بواسطة روز12

سؤال / شيكاغو هل هي مناسبه بالنسبه للماجستير انجليزي ؟ أوووووه , مناسبه ونص

/ ماهي التخصصات الانجليزيه المطلوبه في سوق العمل في السعوديه ؟ اخاف ادرس واضيع سنين وبالاخير ارجع ولا القى احد محتاجني .

فكرت في اللغويات لكن برضوا قالو طرق تدريس فمادري اذا فيه شي يفيدني في التخصصات يليت تدلني عليه وشاكره لك كل ماتقدمه من اجلنا جعلها الله في موازين حسناتك . اللغويات والترجمة ... مرغوبات بشدة وخاصة في الجامعات

/ في حال لاسمح الله لم تتم الموافقه على تغيير التخصص هل انا مجبوره اكمل في تخصص انا ماني حابته ولا هو طموحي ولا اشيل عفشي وارجع للديره عادي ؟ عادي .... إذا بغيتي ترجعين , إنتي حره

---

وبالتوفيق إن شاء الله

السسسلآم علييكم...
بسـآل عن آستمـآرة طلب الآبتعـآث وين آحصلهـآآ...هل هي نفس آلطلب آللي آنـآ عبيته آول مره بس آضغط ع طبـآعة الطلب وإلآ فيه غيره!!
وآستفسسـآر ثـآني آقدر آطلب تـآجيل للبعثه..ومتى آطلبهـآ بعد آلتدقيق وإلآ قبل!!
وآخر آستفسسآر كيف آعرف الدوله آللي آبتعثت لهـآ..؟
وجزآكم آلله خير مقدمـآ...

اقتباس:

---

المشاركة الأصلية كتبت بواسطة إنسآنه

مرحبا ابو بششار ....... مرااااااااااااحب , هلا وغلا
كيفك ان ششاء الله بخيرات وامورك تمام ^^ الحمد لله , أموري عالي العال

عندي استفسارات حتجنني

انا ترجمت السجل ويوم وديتو الجامعه ختموه وطلع الختم ختم طبق الاصل وش السواه الحين ؟! ماعندك مشكلة , حتى أنا أوراقي مختومات طبق الاصل
_هل تكفي ثلاث توصيات ؟! إيه تكفي
اسمي بالسجل العربي مكتوب الاسم الخماسي وبالوثيقه الرباعي ,, عادي ؟! عادي
والصور حقت الوثيقه والسجل لازم تكون مختومه طبق الاصل ولا صوره عاديه !
الأفضل إنها تكون مختومه طبق الأصل

انا بعد تعديل الوثيقه تغير تاريخ التحرير وكثير قالو لي تاريخ التحرير هو تاريخ التخرج طيب الوثيقه الحين بدون تاريخ تخرج بس مكتوب العام الجامعي ,,
ايش اكتب تاريخ التخرج في الاستماره حقت الجامعات ؟ اكتب تاريخ التحرير القديم ... ! يكفي تاريخ العام الجامعي

^

ادري كثرت اسئله بس الوقت يمر والقلق والوسوسه تزيد :D زمن الوسوسة وللا

وجزاك الله كل خيير :):o

---

ومن قال ... موفقة خير

مشكور ابوبشار الله يجزاك كل خير..\.. بس سؤال ان كان وقتك يسمح فيدني فيههل اقدر اغير التخصص من تقنية نانو لكيمياء وقت التدقيق ولى الامور فيه شوية صعوبه ومو اي احد ممكن يغيرلي التخصص

جزاك الله خير ونفع بك ..

ماقدر اقول هذا سؤال اخير لان كل شوي اتفاجأ بسؤال بذهني جديد :(

/ بالنسبه للتوصيات انا لو اروح للكليه باذن الله يعطوني لان كل الدكاتره يشيدون فيني ومخليني مضرب للمثل من اول سنه ولله الحمد بس يوم اسأل اخوي اللي مقدم على بعثة

زماله طبيه قاللي موضروري عشان كذا لما عبيت الاستماره خليت جزئية التوصيات فاضيه فما ادري شايفه انو الكل هنا حاطها شي اساسي

وش تنصحوني فيه اداوم هالاسبوع للكليه واضرب مشوار ميه وخمسين كيلو عشان اجيب هالتوصيات ؟ انا فرحت يوم قاللي اخوي موضروري عاد ماسألته منين جبت هالمعلومه .!!

واذا اوكل احد يجيبها لي عادي ؟ ولا اجباري احضر انا بنفسي ؟! لان اختي لازالت تدرس في نفس الكليه وتعرف دكاترتي بحكم انها نفس التخصص فكرت لو اكلفها بالمهمه .

مرحبا ابو بشار الله يعطيك العافيه تعبناك معنا
انا تخصصي انجليزي وابغى الخيار الاول ترجمه اخاف مااحصل قبول او كذا
ايش تنصحني من التخصصات الاداريه اخليه خيار ثاني بعد الترجمه ومشكور

السلام عليكم
بخصوص الوثيقه والسجل الاكاديمي عندي كلهم بالعربي ينفع اترجمهم من مكتب ترجمه معتمد واروح التدقيق وخلاص او لازم من نفس الكليه لاني كلمت الكليه قالوا تاخذ فتره 3 اسابيع ووقتها بيكون موعد التددقيق تبعي طاف :(