طلاب الماستر فقط الناويين على المرحلة السابعة ... هنا الاستفسارات والنقاش

مشكوره غلاه الروح
ابشرك وصلت المعلومه والله يوفقك

اهلا
عندي سؤال هل يطلبون مني او من الحرم اوراق خلو سوابق لاني سمعت كان يطلبونها او مثل كذا لان اذا في شي اجهزها من اللحين

ابو بشار مالنا الى انت والله اني تنحت من كثر ما اقرأ عن الموضوع هذا وتلخبطت كل معلوماتي

الحين اذا اعلنوا أسامي المقبولين وكنا من ظمنهم انشاءالله هم ليقولون لنا اننا انقبلنا و في دولة امريكا مثلا صح

طيب بعض الاخوان يقولون ينفع إحنا نختار الولاية الي نبيها يا من مكتب تجسير او إحنا نراسل المعاهد طيب لو سويت كذا و بعدين حبيت. اغير ينفع او لا لأنك قلت انه بس مرة وحده يمديني اغير

انت وش رايك انا نفسي اكون في مدينة أوريجن ما عندي معلومات عنها غير انها مدينة حلوه و رخيصه و هادئه و حقت دراسة وهذا من كلام الاخوان يعني أخاف اقدم بنفسي و لما اروح ما اقدر اتكيف هناك وبعدين يرفضون يغيرون لي

انت وش رايك اصبر على الولاية الي بيرسلونها لي ولا لا

اقتباس:

---

المشاركة الأصلية كتبت بواسطة إعلامية

السلام عليكم ... وعليكم السلام ورحمة الله وبركاته
كيفكم يامبتعثين اليووم ان شااء الله بخير ... الحمد لله بخير
قريت كلام عن الفيزا ومافهمته الي هو f1 ,f2 شو الفرق بينهم
:rolleyes:

الليلة إن شاء الله راح أتكلم بالتفصيل الممل حول موضوع الفيز . لكن بعد ماأجاوب ع الأسئلة المتبقية .


وغير كده انا مرافقي كمان بدو يكمل دراستو وباسرع وقت يبغى ماستر ايش الاشياء الي لازم يسويها ويجهزها وكم يبغالو عشان يعطوه الموافقه
ودورة الانقلش الالزاميه يعطوه معايا ولا لاا _
لايوجد دوره إلزامية ... وبالنسبة للأشياء اللي لازم يسويها , راح أبينها إن شاء الله الليلة .
ووووسمعت انو لازم توفل للمبتعثين للماستر صح او لا
التوفل راح تختبرينه بأمريكا , بعد مرحلة اللغة .
وسوووري تعبتكم الله يجززاكم الخير

---

العفو يالغالية .... وإذا عندك أي سؤال اسدحيه هنا ,

اقتباس:

---

المشاركة الأصلية كتبت بواسطة إعلامية

مشكوور الله يعافيك .... لا شكر ع واجب
اللحين المعهد يحتاج كم يوم يوفرلي السكن وانا فين بقعد هالكم يووم . تستأجرين بهوتيل أو شقة حق يومين أو 3 أيام لين تنحل أمورك

---

موفقة خير إن شاء الله , لاتشيلن هم من هالناحية الأمور تســـــــــــاهيل .

اقتباس:

---

المشاركة الأصلية كتبت بواسطة 111111

يسعد ايامكم جميعا ... هلا فيك أخوي

اخوكم متخرج بكالوريس علوم سياسية عام 2009
معدلي 1,8 من 4 تقدير جيد

ابحث عن قبول ماستر مشروط في تخصص قانون او ادراة اعمال ..

ياليت الله يحفظكم احد يقدر يدلني على مكتب او شخص يقدر يجيب لي قبول عشان اعمل ترقية بعثة .

تفضل , طب وتخير المعهد اللي يعجبك --------> أفضل مكتب قبول للدراسة بالخارج سواء بريطانيا أو أمريكا ...

---

موفق خير إن شاء الله

اقتباس:

---

المشاركة الأصلية كتبت بواسطة دلال/ع

السلام عليكم ورحمة الله وبركاته ... وعليكم السلام ورحمة الله وبركاته

ان شاء الله ماتقدمه من مساعدة ربي يجعله بميزان حسناتك ويفرح قلبك .
مشكورة ع هالدعوة , ولك بالمثل يــادلال

سؤالي لك شخصيا بالنسبه لك

قبولات المعهد
1 ستنتظر قبولات الوزارة
2 ستقدم على القبول وتعطيه الوزارة بالملتقى
3 ستنتظر القبولات واذا لم تعجبك تغيرها

الجواب :

سأنتظر قبول الوزارة وإذا ماأعجبتني الولاية أو المعهد , فعندي خيارين :
1_ إذا الوزارة كلفت مكتب محدد بإحضار قبولي .. ع سبيل المثال " مكتب تجسير " وهذا اللي أتوقعه -----> راح أطلب من المكتب إنه يجيب لي قبول بولاية ومعهد أحددهن أنا .
2_ إذا الوزارة هي اللي دبرت لي القبول راح أراجعهم شخصيآ , وأطلب منهم إحضار قبول آخر وأعطيهم اسم الولاية والمعهد اللي أبغاه .
وإذا رفضوا , الشكوى لله ... راح أكمل الإجراءات وإذا وصلت أمريكا . أقدم ع الملحقية طلب تغيير الولاية والمعهد .
وراح يوافقون غصب عن خشومهم .
مع العلم إنه يحق للمبتعثــ/ة :
تغيير الولاية أو المعهد مرة واحدة فقط خلال مدة الدراسة .

وماذا تنصحني؟؟
أنصحك سوي زي تخطيطي .


نقاشي مع ابي <<<< يقول ان الملحقيه تستقبلني بالمطار طيب لازم اعطيهم الموعد وصولي واذا قبلوني بمنطقه اخرى لازم اذهب اولا الى موقع الملحقيه ثم بعدها اسافر
وان الملحقيه هي التي تؤمن السكن ولكن اي افضل حتى لا اتوهق المكتب تجسير او اذهب بنفسي او الملحقيه او ابحث بنفسي بالنت وشكرا
الملحقية , ترسل موظف للمطار .. لكل رحلة قادمة من السعودية . ويكون معه لوحة مكتوب عليها الملحقية السعودية .
وبعد مايستقبلونك بالمطار يوصلك السواق حق الملحقية لفندق متعاقد مع الملحقية .
راح تسكنون فيه مؤقتآ لحين الإنتهاء من إجراءات فتح الملف والصرافة وغيرها .
ملاحظة : قيمة السكن ف الفندق .. إنت تدفعينها من جيبك .. الملحقية ماراح تدفع عنك . وبالنسبة لتأمين السكن :
المعهد راح يوفر لك قائمة تتضمن أسماء عوائل + مواصفات كل عايلة .. وإنت تختارين العايلة اللي تناسبك ويختلف السعر من عايلة لأخرى .
أو تكلمين مكتب تجسير ويدبر لك عايلة قريبة من معهدك .
وشخصيآ :
أنصحك إنك تأجلين موضوع السكن .
وإذا وصلتي مدينتك ع خير إن شاء الله .
استأجري مدة اسبوع بهوتيل ... وخلاله ابحثي عن السكن اللي يعجبك ويناسبك , سواء عند عايلة أو شقة .

الفيزا>> بكم تكلف الفيزا تقريبيا شكرا

الفيزا + السيفس + حجز موعد ف السفارة

تقريبآ 1400 ريال

ملاحظة : سيتم تعويضك عن كل المبلغ اللي دفعته , بس لاتنسين تآخذين الإيصال .
التعويض راح يعطونك إياه بعد ماتوصلين هناك , قدميه للملحقية وخلال اسبوع بالكثير ,,, ينزل بحسابك .

اللهم لاسهل الا ماجعلته سهلا وانك لتجعل الحزن انت شئت سهلا

---

أتمنى إني أفدتك ولو بالشيء القليل .. وعذرآ إذا شرحي مو واضح .

اقتباس:

---

المشاركة الأصلية كتبت بواسطة غلاه الروح

ابو بشار يالغالي ادري كثرت عليك اسئله :::
هلا بالغالية , اسئلي لو تبين 1000 سؤال .

بس عندي شؤال اللحين اذا ان شاء الله قبولوني نهائي هم يححدون لي الجامعه والمعهد والولايه ؟
الجامعة : لا , لأنك إنت اللي تختارينها بعد ماتنهين فترة اللغة .
وأتوقع إن الوزارة راح تكلف مكاتب محددة بإحضار القبولات من ضمنها مكتب تجسير .. وإذا ماأعجبتك الولاية أو المعهد ,
راجعي المكتب وأعطيه اسم الولاية والمعهد اللي تبنهن وراح يدبر لك قبول فيهن .
وإذا الوزارة هي اللي دبرت القبولات , وماأعجبك المعهد اللي اختاروه لك ,
راسليهم ع إيميلهم ... وإن شاء الله يتعاونون معك .

لاني اذا بغيت ارسلهم توصيات كيف ؟؟وهل ارسله للجامعه ولا المعهد حق اللغه ؟؟ وش بعد ارسلهم غير التوصيات ؟؟
لاني من جد ماعرف ماعرف شيي :::
التوصيات تحتاجينها إذا قدمتي ع الجامعة , وراح تراسلين الجامعة بنفسك وترسلين الأوراق المطلوبة ع نفس موقع الجامعة . لاتخافين لأنك راح تكونين " بيرفكت " باللغة الإنجليزية ,
وإذا واجهتك صعوبات من ناحية القبول الجامعي , كلمي الملحقية وراح تدبر لك قبول جامعي .
ولولا الله ثم ابو بشار رحنا في خبر كااناا
هههههههههه الله يقدرني ع مساعدتكم ,
والله يوفقك يااارب

---

الله يجزاك خير يالغالية .. أنا تحت أمرك

اقتباس:

---

المشاركة الأصلية كتبت بواسطة شووشوو@

السلام عليكم ورحمة الله وبركاته ... وعليكم السلام ورحمة الله وبركاته
ابو بشار الله يجزاك الف خير ويوفقك يارب .... آآآمين .
عندى سؤال واحد

الحين التوصيات اذا ترجمتها فى مكتب معتمد تكفى والا لازم اذا ترجمتها ارجع للكليه يشوفونها لانى مره محتاره
وبعدين توصياتى مكتوبه بخط اليد احد مثلى والا لازم بالكمبيوتر ...
يكفي ختم الجامعة + ختم المكتب .
وأفضل لك يكون الخط طباعة , لأنك راح تقدمين ع جامعة متقدمة ... ومهي زينه بحقنا إننا نقدم بأوراق مكتوبة بخط اليد هههه ,
ولاتنسين إننا عايشين بالقرن العشرين , ( خلي المكتب يكتبها بالكمبيوتر ويختمها ).

---

موفقة خير إن شاء الله

اقتباس:

---

المشاركة الأصلية كتبت بواسطة غلاه الروح

اهلا
عندي سؤال هل يطلبون مني او من الحرم اوراق خلو سوابق لاني سمعت كان يطلبونها او مثل كذا لان اذا في شي اجهزها من اللحين

---

لا مايطلبون ... بالتوفيق إن شاء الله