طلاب الماستر فقط الناويين على المرحلة السابعة ... هنا الاستفسارات والنقاش
طلاب الماستر فقط الناويين على المرحلة السابعة ... هنا الاستفسارات والنقاش
تنبيه: هذا الموضوع قديم. تم طرحه قبل 4794 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - 7 "وعليكم السلام ورحمة الله وبركاته ::..
السلام عليكم و رحمة الله
جزاك الله خير ابو بشار .. و جعله الله بميزان حسناتك
قرأت أغلب الصفحات اللي قدرت اقرأها
و استفدت كثير من اجوبتك
لكن قلقت من ناحية القبول من الجامعة
اللي فهمته انه احنا نجهز اوراقنا المطلوبة و نعطيها المسؤلين عنها بالملحقية
و هما يجيبوا لنا القبول و يرتبوا كل شي
و فهمت من بعض الردود انه الطلبة و الطالبات اللي مسؤلين عن احضار القبول !
طيب لو انا بالسعودية و لسة مالتحقت بالبعثة
كيف اجيب القبول !!!!
و كيف اعرف الجامعات و اساليبها اصلا !
-------
سؤالي الساسي هو/ ماهي افضل الجامعات لدراسة الماجستير في كندا
بالنسبة لتخصص تصميم الأزياء و مجالاته المختلفة ..؟
-------
هل احتاج اختبر اي اختبار لغة قبل الذهاب لدولة الابتعاث ( كندا )
ولا ادرس هناك و من ثم الاختبار ؟
عذا عالاطالة لكن محتارة و خايفة بنفس الوقت
جزاك الله خير .. و الله يوفق الجميع
أعتقد إن الأخ " عبدالرؤوف , كفى و وفى " مشكورآ
وبالنسبة لكيفية إحضار القبول الجامعي , المطلوب منك : الدخول ع موقع الجامعة ثم " شروط القبول " تبع الجامعة , وبعد ماتجهزين الأوراق المطلوبة ترسلينهن ع موقع الجامعة ,
وإذا جاك القبول من الجامعة , ترسلينه للملحقية علشان يعتمد , وسلامتك
وبالتوفيق إن شاء الله - 7 "هلا وغلا ,السلام عليكم .. وعليكم السلام ورحمة الله وبركاته
الله يجزاك خير أبو بشار .. ماقصرت .. العفو عندي كم سؤال ..
1) بالنسبة لجواز السفر هل هو ضروري وقت التقديم بالنت 1/9 ؟؟ لأني ماعندي جواز حالياً ..
2) وهل ضروري ترجمة الوثيقة والسجل الأكاديمي والتوصيات وقت التقديم ؟
وبالنسبة للترجمة لازم تكون من الجامعة ؟ ولاأترجمها عند مكاتب الترجمة بدون الرجوع للجامعة ؟؟
3)وشهادة حسن سيرة وسلوك مطلوبة ولاغير مطلوبة ؟
وجزاك الله خييير ..
جواب رقم 1 :
نعم ضروري جدآ , وبدونه ماراح يقبلونك بالبرنامج , ونصيحة طلع جواز بأقرب وقت ممكن .
جواب رقم 2 :
ترجمة الوثيقة والسجل الأكاديمي وقت التقديم ع النت , ليس ضروري .... لكنه ضروري جدآ " في مرحلة التدقيق "
وبإمكانك الترجمة بواسطة المكاتب دون الرجوع للجامعة .
جواب رقم 3 :
التوصيات وشهادة حسن السيرة والسلوك ,مطلبتهن الوزارة بالمرحلة السادسة , واحتمال كبييير جدآ إنهم مايطلبونهن بالمرحلة السابعة . لكن خلهن عندك " إحتياط "
وبالنسبة لشهادة حسن السيرة والسلوك , مايحتاج تترجمها .
وبالتوفيق إن شاء الله - 7 "ياهلا ومسهلآ , نتشرف بإنضمامك معناالسلام عليكم .. وعليكم السلام ورحمة الله وبركاته
بسألك بو بشار انا ابي اكمل ماستر ان شاءالله
بس سمعت انو التربوي مايحصل له بعثه
انا تخصصي حاسب الي علوم الحاسب تربوي طبعا وتقدير جيد جدا
اقدر اقدم على البعثه او مايصير لي
ومشكور مقدما ....
اول مشاركه لي بالمنتدى والله يعينكم ع كثر اسألتي :$
بالنسبة لاستفسارك :
المعلومة غير صحيحة بتاتآ ,
تقدرين تسجلين بالبرنامج ومبروك قبولك مقدمآ ... وإذا ماتعرفين إجراءات وشروط الإبتعاث
أنا ع استعداد تام إني أساعدك بكل شيء يخص الإبتعاث , لكن ضروري ياخيتي إنك تستعجلين علشان يمديك تجهزين المستندات المطلوبة ( باقي للتسجيل ع الإبتعاث 14 يوم فقط )
وأي استفسارك ... أنا حاضر
- 7 "ناقص الجواز فقطعواااااااااااااافي يالغوالي
الله يعافيك
وهـ بس ابشركم اخذت وثيقتي اليوم ...
والحمد لله معدلي مرتفع
3.74 من 4 ماشاء الله لاقوة إلا بالله
بس فيه غلط اسمي بالانجليزي بخليهم يعدلونه
واصورها 10 نسخ واختمها طبق الاصل مع شهاده حسن السيره والسلوك
الحين فيه سؤال على الطاير وثيقتي عربي وانجليزي يعني ماتحتاج لترجمه صح .... صح
وكمان حسن السيره والسلوك نفس الحكايه عربي وانجليزي .... مافيه إشكال
وكشف السجل الاكاديمي اغلبه انجليزي الا في بعض المواد عربي << هذا اترجمه كامل للانجليزي واترجمه كامل للعربي >>>> نعم
تيب اوراقي هيك كامله او لا
وبالتوفيق إن شاء الله - 7 "طالع صفحة 53 ---- وإقر مشاركتي حول هذا الموضوع ...::... ولاتنساني من دعواتك ,
وبالتوفيق إن شاء الله - السلام عليكم ورحمة الله وبركاته... صباح/مساء.. الخير .. بدايةً يعطيك العافيه اخي بشار وجُزيت خيري الدنيا والآخرة ويارب الوالدة توافق إذا لك خير وتتسهل أمورك.. الحمدالله معدلي عالي ولكن التخصص الذي أريدة غير موجود بالتخصصات المدرجه وهو ( علوم سياسية ) ارغب في تغيير تخصصي ان شاء ربي فور وصولي وجدت العديد من الجامعات المعتمدة والتي يوجد بها تخصص علوم سياسية اثناء بحثي بموقع الوزارة منها جامعة جورج تاون بواشنطن ... مالحل برأيك ؟ أنا فكرت مبدئياً احضر قبول بمعهد جورج تاون التابع للجامعة واطلب تغيير المعهد قبل صدور قرار الابتعاث واختار اي تخصص حتى وصولي هناك بإذن الله احضر قبول من الجامعه واطلب تغيير التخصص اعلم الكلام سهل ولكن جميع التخصصات المتاحة لا تناسبني ابداً ... ربي أفرغ علينا صبراً واكتب لنا الخير حيث كان ثم ارضنا به.. اعتذر على اطالتي شكراً لك ...اختك : مياسين *7 "
- 7 "أسعد الله جميع أوقآتكم
أخيراً فُرجت وبإمكاني بحول الله وقوته التقديم للمرحلة السابعة لأن المرافق موجود وهو أخويه توه تخرج من الجآمعة
طبعاً اللي ماتعرفوه عني اني كنت اتمنى أقدم ابتعاث من المرحلة السادسة ولكن ظروف خاصة كانت لي عائق كبير والحمدلله على كل حال
أعرفكم بنفسي ..
أختكم أماني .. تخرجت من جامعة الملك عبد العزيز وتخصصي بكالوريوس علوم فيزياء
وناوية ان شاء الله أقدم على الإبتعاث في ماجستير الفيزياء رح أكمل في تخصصي والدولة كندآ بإذن المولى
..
أخوي أبو بشآر جزآك الله خير على التجمع المفيد ونفع بك عباده إلى يوم الدين
دعوآتكم لنا بالتوفيق والسدآد
- الاسم طلع مختلف الجواز عن الوثيقه7 "
ما ادرى ايش اسهل لتغيير
قولو تجاربكم اخاف الوثيقه تطول و ما تطلع بسرعه وناويه اطلعها من قسم الرجال بس انا متخرجه من سنه
و الجواز ما اقدر اغيره الا بولى امر و مو موجود - المشاركة الأصلية كتبت بواسطة Miracle7 "
الله ينور لك أبو بشار ,
لو جبت قبول اللغة بنفسي , كيف اعلم الوزارة ؟ , وهل ممكن يقبلون فيه أو لا ؟
وكيف اعرف ان المعهد معتمد من الوزارة ؟
هلا بك أختي الكريمة ,
بالنسبة لقبول اللغة , هذا الوزارة تتكفل به , لكن إذا حبيتي تجيبين قبول لغة بنفسك , مافيه مشكلة .. إذا جبتيه راسلي الوزارة :
هاتف البرنامج
2107533 -1- 966 تحويله: 178 - 201
البريد الالكتروني : KASP@mohe.gov.sa
وأعطيهم اسم المعهد وراح يقولون لك إذا هو معتمد أو لا ,
وبالنسبة للمعاهد المعتمدة , للأسف لايوجد قائمة محددة في موقع الوزارة تبين المعاهد المعتمدة . لكن خلال بحثي , حصلت قائمة بأسماء المعاهد المعترف بها , لكن في أمريكا .
وبحثت بخصوص كندا لكن للأسف ماحصلت قائمة تشمل كافة المعاهد المعترف بها في كندا , لكن وجدت أسماء 20 معهد معترف به في تورونتو فقط .
وهذي القائمة :
ESL Schools at Toronto :
1-University of Toronto
2-York University
3-George Brown College
4-Seneca College
5-EF International
6-ELS Language Centre
7-Eurocentre
8-GEOS Language Corporation
9-Hansa Language Centre
10-International House (SOL)
11-International Language Academy of
Canada
12-International Language Schools of
Canada
13-King George International College
KGIC
14-Language Studies Canada
15-Language Studies International
16-Omnicom
17-Pacific Gateway
18-Pacific Languages Institute
19-Quest Language Centre
20-Western Town College
لكن إنتي أعطيني اسم المدينة اللي ناوية تدرسين فيها وإن شاء الله , أدبر لك أسماء المعاهد المعتمدات فيها .
وللمعلومية : أي جامعة معترف بها يوجد فيها معهد معتمد من قبل الوزارة .
وبالتوفيق إن شاء الله
تسلم و ماتقصر .. نصيحتك فالحسبان
صرفت نظر عن المرحلة السابعة
و مبروك عالتخرج مقدما