ممكن تعطوني خبر يفرح القلب

السلام عليكم

انا توني جايب ملفي من المدرسه وطلعت نسبتي بعد الترامي 79.75 وقبل التراكمي81.22

ونسبتي في القدرات 67 او 68 ماني فاكر والتحصيلي ماطلعت النتيجه
المهم هل عندي فرصه لطلب البعثه

تذكر !

كنّ لله كما يُريد يَكُن لك مثل ما تُريد

كُل الناس تُريدك لنفسها إلا الله يُريدك لنفسك .

[QUOTE=wabw;2857947]السلام عليكم

انا توني جايب ملفي من المدرسه وطلعت نسبتي بعد الترامي 79.75 وقبل التراكمي81.22

ونسبتي في القدرات 67 او 68 ماني فاكر والتحصيلي ماطلعت النتيجه
المهم هل عندي فرصه لطلب البعثه[/QUOTمابي احطمك بس النسبه تبعك مره نازله حقت الثنوي من ضمن الشروط لايقل عن 90% والقدرات والتحصيلي لايقل عن 80% وسبحان الله ربك يسهل ممكن يوافقون

ايه تقدر تطلع بعثه وبسهوله ... لكن بطريقة ثانية .. انك الله يحييك تطلع على حسابك لوحده من الدول اللي مفتوح فيها الالحاق ومن ضمنها امريكا وكندا الخ ..

وتدرس هناك لغه مدة معينه على حسابك وبعد كذا تنضم للبعثه ..

اما بالنسبه لي صراحه .. افضل انك تدرس بكالوريس هنا وبعدها تطلع تكمل ماستر سواء عن طريق وظيفتك او عن طريق البرنامج ليش ؟

لانك الحين طالع من الثانويه للجامعه يعني مرحله جديده .. وبتطلع بعثه يعني مجتمع جديد .. يعني بتواجه مجتمع ومرحله جديده ..

مااقول انك ماراح تقدر تواصل بالعكس كثير قدرو وواصلو وان شاء الله بتواصل لكن تذكر انك بتواجه شي من الصعوبه ..

لكن عالاقل لو تدرس هنا بكالوريس وتجيب معدل مرتفع وان قدرت تتوظف وتطلع عن طريق دوامك وكثير شركات او جهات حكوميه تبعث موظفيها بكذا احسن لك بكثير من بعثه وبس ! ...

وطبعا قلت لك هالكلام مقارنة بيني وبين زملاء لي نسبة كثير للحين ماشين بالدراسه في الخارج بعد الثانوي لكن انا شفتها افضل بكثير بعد البكالوريس ولو اني وقفت عالبكالوريس و ماواصلت هههههه

بس لسبب اني رجعت بعد اللغه عشان وظيفه اطمح لها الحمدلله والشي الثاني اني على حسابي موب حساب الدولة .. لكن برضو فيه مجال الواحد يواصل ... حتى لو في السعوديه ..

قلت لك هالكلام عشان تفكر في اكثر من نقطه وما تتحطم اذا رفض طلبك للبعثه ... واعرف انه لما يتسكر باب في وجهك فهو خير لك من الله وان فيه باب ثاني رزقك معه بس انت بطريقتك ابحث عنه ..

ولو تبي نعدد المجالات اللي ممكن تستفيد منها يعني موب ابتعاث وبس نعدها بس علمني انت وش ناوي

اي سؤال اي خدمه اعتبرني اخوك اللي تبي تسئل عنه ابشر وحتى لو ماعرفت بسئل لك اللي اعرف اهم شي حط لك اكثر من مسار قدامك لا تركز على شي وتتحطم !