هل ممكن التغاضي عن شرط العمر علما باني اكبر بشهرين من العمر المحدد للابتعاث!!

السلام عليكم ورحمة الله وبركاته

طبعا العنوان باين

الواقع اني صدمت يوم قرأت الشروط خاصه واني اعلم ان العمر المحدد للابتعاث هو 27 ولكن تحديد شهر 11 اتوقع ان فيه نوع من المبالغه لاني اتوقع ان مفروض ان الشرط يبدأ مع بداية السنه اي من شهر 1

علما باني حاصله على تقدير ممتاز<< ما شاء الله مع مرتبة الشرف بنسبة
4.60 معقوله ماتشفع لي النسبه في القبول في الماجستير ؟؟

علما ان الفتاة تجيها ظروف تأخرها عن الدراسه ومفروض ان العمر يصير مرن لان الاصل في الابتعاث هو التفوق في المرحله السابقه !!!


ممكن احد يعلمني كيف اتصرف وقت التقديم وهل سبق لاحد ان تجاوزوا له عمره خاصه وان الفرق شهرين بس اكبر من الشرط؟؟؟؟

حاولي تقدمي وتشوفي اش يسير ،، واذا لا سمح الله رفضو ،، روحي لهم في فترة الاعتراض

أتمنى لك التوفيق

اقتباس:

---

المشاركة الأصلية كتبت بواسطة sandra2008

حاولي تقدمي وتشوفي اش يسير ،، واذا لا سمح الله رفضو ،، روحي لهم في فترة الاعتراض

أتمنى لك التوفيق

---

متى تكون فترة الاعتراض وفقك الله

وعليكم السلام ورحمة الله وبركاته
انا تقريبا حالتي مشابهه لك
اقول لك اللي بسوية اني بقدم ان شاء الله وانتي
بعد قدمي ماتدرين وش المكتوب
ولاتنسين الاستخارة

بس تدرين وين المشكلة
اذا كان التاريخ بالتسجيل محدد يعني اوتاماتيكي حاطينة يبدى من 9 / 11 بهذي
الحالة وش نسوي ؟
الله يعيننا ويكتب لنا اللي فيه الخير

ان شالله تنقبلي توكلي على الله وخلى املك عند ربك كبير

ما عندي خبرة بس دخلت علشان اقولك رينا يوفقك ويسهلك ويختار لك الخير ويحقق لك كل احلامك

اختي لا تدخلي بالنظام عمرك الحقيقي دامك اكبر بشهرين فقط ، اكتبي عمر علشان يتوافق مع اللي طالبينه،
وإذا جاء وقت التدقيق ، قولي لهم شهرين بس و خفت ادخله بالنظام و يلغي الترشيح من أول مرة ،،

موفقة يارب

اختي مولاليد 19-2-1405 اتوقع ما ينطبق عليها شرط العمر هي اكبر من 27

اقتباس:

---

المشاركة الأصلية كتبت بواسطة Hsaisa

اختي مولاليد 19-2-1405 اتوقع ما ينطبق عليها شرط العمر هي اكبر من 27

---

لا ينطبق عليها ونص هي اصغر من الـ27 سنه ... التاريخ اللي طالبينه مايكون مولود قبل تاريخ 9/11/ 1404 مو بعد
اتمنى تكون الفكره وضحت

حطي عمرك اصغر بشهرين على شأن يعدي من الكميوتر وفي مرحلة التدقيق لن ينتبهوا للأشهر . بالتوفيق