@@@تجمع البنات الي اهلهم رافضين البعثه..كيف نقنعهم؟؟..@@@

الله يوفقكن جميعاً ...

الله يسهلها عليكم ويوفقكم يارب

الله يسر أموركم في خير وصلاح

موفقين

الله يوفق ويسهل لنا جميع ان شاء الله

عليكم بالدعاء ومافي شي صعب على رب العباد

والله كل يوم وانا احكي صارلي سنه>>> وانا اتكلم بالبدايه محدن عبرني ..

بس يومني حمقت >>صار الكل يقول ورا ماتقدمين >>>هههه

المشكله لمن تكونين وحيدتهم خوف وقلق وقرؤوشه واي شيء يحسسونك >>انه عمر 2 ..
طبعاً ياجماعه الاقناع مو مشكله المشكله في المحرم ؟..

الي راح يذلك وانتي تقنعينه لا وبعد يتشرط باختيار الدول والولايات وكأنه الاخ هو الي طالع يدرس مب انتي >>هذا اذا ماجرد فيك وسحب عليك والتغت البعثه بسبة نذالته >>وانا اعرف صحبات لي مساكين رجعوا بعد 6 شهور .. الله يعين بس ..


والي يقول تزوجوا >> ياربي احنا لاقين ازواج محليين عشان نلاقي الرجال الي يروح ويجي معانا .. >>الواحده لو تقولك ودني في ذا ماوديتوها الا بالمطاليب وحب الخشوم ...


آه اللهم شخر لنا ذوينا وسخر لنا محرمنـا يارب ياكريم ... اللهم في هذا اليوم الفضيل سهل لنا سفرنـا .. بغرض العلم اللهم لا تجعل لنا حاجة عند احد من خلقك يارب العالمين..

الدعااااااااااااااااااء ثم الدعااااااااااااء ثم الدعااااااااااااء..... والاستغفااااااااااار ثم الاستغفاااااااااار ثم الاستغفاااااااااااااار
لو التزمتي بهالحاجتين وكنتي محسنه الظن بالله صدقيني راح تتيسر كل امورك...
مالك الا رب العالمين وهو قادر على اقناع العالم كله...
الله يوفقكم يارب وييسر اموركم

(( ربي لا اعلم ما تحمله الايام لي ولكــــن ..! ثقتي بأنك معـــي تكفــيني ))

أنا كنت أبغى أقدم عالمرحلة الخامسة وما كان في محرم متوفر يعني فاضي , ماعندي إلا أخين( أخوين هع) كانوا بالثانوية كلهم,وسويت زحمة وكنت ناوية أسحب على الجامعة مع أني كنت بآخر السنوات فيها, بس ماكان عندي مشكلة لو اعيد من جديد بكالورويوس, بس قدر الله أني أكمل والحمدلله كملت وتخرجت الترم اللي راح بتقدير جيد جداً.

السنة اللي راحت أخوي جاب في القدرات العيد ونفسيته مرررة تعبانة من القسم اللي قبلوه فيه وزيدوا على ذلك أن أغلب اللي بعمره من جماعتنا كلهم دخلوا سنة تحضيرية هندسة وهالشيء مره زعله لأنهم دشير ومو حقهم هالأماكن بس الواسطة تتقلب الموازين دائماً , بس تسلم ايدين اللي قرر السنة التحضيرية لأنه راح يبان اللي يستحق من اللي ما يستحق بعدها.

وفي المقابل أخوي اللي أكبر منه بسنة انقبل ولله الحمد في المرحلة السادسة وهو حالياً بنيويورك يدرس لغة وإن شاء الله ربي يسهل له, كل اللي صار عيشه بجو كئيب وصار سوكه غريب يعني الولد صار أقرب للانحراف صراحة.

عاد جا دوري في المسرحية, اقترحت أني أضحي بقبولي في الماجستير في جامعتي اللي تخرجت منها, وقلت الآتي:

أنا ماعندي مانع أضحي بمستقبلي عشان أخوي, أنا أصلاً يوم المنى أشوف أخواني كلهم متخرجين من أمريكا بأحسن الشهادات, ولو أنت جاد ياخوي وبتلتزم بالدراسة وبتجيب الشهادة أنا من بكرة بجهز أوراقي وبروح معك نطلع جوازات سفر, أنا مو مهم اللي بيصير لي, أهم شيء أنتو, لأنكم عزوتنا وسندنا , طز بالتخصص اللي حلمت فيه واللي بيخولني أني أكون أستاذة بالجامعة وطز بكل شيء, مستقبلي كله فداكم <<تحسون أني بريئة هههههههههههههههههههههههههه


طبعاً أخوي حسيت من عيونه أنه حس بالتضحية اللي بسويها وقال أكيد بجيبها , ورجعت أعيد عليه: هاه أضحي وبتطلع بنتيجة, طبعاً ماكمل بس هز راسه وهو يبتسم ههههههههههههه<<مسلسل تركي صار ^_^


عاد بعدها رجعت على أمي وقلت لها خلاص آخر كلام أضحي عشان ابنك ولا بيفشلني, قالت لالالا إن شاء الله انه بيجيبها

وخلاص تمت الموافقة وفوق ذلك شايلين جميل كبيييييييييييير لي وإن شاء الله بنسافر معكم

وبيني وبينكم أنا اللي بموت وأسافر أدرس

زبدة قصة حياتي اللي كتبتها: شغلوا عقولكم يا بنات معليش أساليب الطلب على بلاطة ما تنفع مع مجتمعنا

ههههههههههههههه اي لازم انك تجلسين تلفين وتدورين وتسوين فيها انك البنت اللي >>> والله العظيم انه قهر ...

انا مو مشكله يرفضون واقنعهم المشكله انهم يسيرون فينا يعني يخذونا بقدر عقولنا >>لا وشو بعد ياحليلها مصدقه نفسها بنت امريكا ؟؟>>خير اش تبي هالعيره؟

ولا يكونون راضين وساكتين لمن يدرون ان السالفه قلبت جد يبدأ شغل النفسيات ...!!


اللهم يسر لنا كل عسيـــــــر..!!