شباب هالسنة بتروح علي وأنا قاعد أتوهم أني سأبتعث بالله ساعدوني!!!!!

السلام عليكم


عارف أسئلتي كثيرة لكن المشكلة مو مني المشكلة من وزارتنا الخايسة ومن كلامهم المبهم الغير مفصل

أنا حلمي أدرس برى المملكة ولا عندي أي نية للدراسة هنا لأني من الأخر لاعت كبدي من نظامنا الخايس في الجامعات

إلحين الإبتعاث هو لمن بالضبط ؟

هل هو فقط للتخصصات الطبية فقط

طيب لي كاتبين حاسب وعلوم حاسب وكيمياء وفيزياء وتقنية النانو وهالكلام الكثير

أنا مو شايف شروط للإبتعاث سوى للتخصصات الطبية إلي يبون فيها 80 في القدرات والتحصيلي
طيب التخصصات الثانية مالها شروط ؟

ليه تخلون الناس في حيرة ومعلقين لا قدموا في جامعات ولا هباب وقاعدين يتوهمون بالبعثة

إذا كانت البعثة لغير تخصصات الطبية طيب وين شروطها ليه ما تكتبونها ؟

واحد قلي أن التخصصات إلي ذكرت من علوم حاسب وتقنية النانو والكيمياء و...إلخ فقط لمرحلة الماجستير والدكتوراه !!!

طيب حرام عليكم ليه ما وضحتوا هالشيء !!

شوفو وش كاتبين :

اقتباس:

---

لدراسة البكالوريوس، والماجستير، والدكتوراه، و الزمالة الطبية في التخصصات المحددة، ووفق الشروط العامة والخاصة الآتية:

التخصصات


الطب، طب الأسنان، العلوم الطبية، العلوم الصحية، الصيدلة، التمريض،
الهندسة، علوم الحاسب الآلي، الرياضيات، الفيزياء، الكيمياء، الأحياء، تقنية النانو، القانون، المحاسبة، المالية أو التمويل، التأمين، التسويق.

---

يعني كاتبين لدراسة البكالوريوس والماجستير و...إلخ وبعدها حاطين التخصصات !! وإلي توهم القارئ أن البعثة لم تعد مقتصرة على التخصصات الطبية فقط بالحتى للتخصصات الأخرى !!!

أنا متخرج هالسنه وأبي أدخل حاسب (علوم حاسب) ويوم شفت أنها مدرجة ضمن التخصصات فرحت لكن مني شايف شروط سوا للتخصصات الطبية !!

ليه هالإهتمام بالطب المبالغ فيه؟؟

ما درو أن الحاسب أهم بكثير من الطب ؟

عمليات جراحية كاملة تجرى بالكمبيوتر والتحكم الألي !!

هم يبون شعب المملكة كلهم دكاترة !!

ما يبون مهندسين ما يبون مبرمجين ؟؟

أنا ما قدمت ولا لأي جامعة وضاعت علي هالسنه وشكلي بتكيها في البيت ليه ؟؟ لأني كنت أتوهم أني بنقبل في البعثة في التخصص إلي أبيه
ودرجاتي الحمدلله ممتازة التحصيلي والقدرات جميعها فوق 75 والثانوية فوق 90

حسبي الله ونعم الوكيل

اقتباس:

---

البعثات الكويتية
MOHE

---

إيه يا ليتني كويتي !!

خريجين الثنوي مالهم ابتعاث الا طب فقط !!!


تقدر تروح على حسابك اذا عندك امكانيه وتلتحق بعدها

الله يوفقك ويكتب لك الخير

البكلوريوس هم بس التخصصات الطبيه اما الماجستير والدكتوراه التخصصات الاخري
وفي المرحله السادسه ما قبلو الا الف وشوي من حقون البكلوريوس مشددين مره من ناحية النسب والتحصيلي والقدارت

والله المستعان

هذي مجرد شكليات
لانهم يبغوا ياخذوا النخبه من الطلاب فحطوا التخصصات الصحيه لان حتى برا الشروط في قبولهم اصعب فما احد يقدر يحاجج الوزاره بشروطها
لكن باذن الله اغلب المبتعثين يقدروا مجرد يسافروا يغيروا التخصص الي اي تخصص ثاني
وهذا الي الطلاب من المراحل السابقه عملوه
من المرحله الرابعه حاطين بس طب
ومع ذلك اعرف كثيرين مالتزموا وغيروا تخصصهم والحمدلله مشت امورهم والحين يدرسوا تخصصات ثانيه
فالله الموفق