بعضٌ من تجربتي في المرحلـة [ السادسة ] بين يديكم ( متجدد )..
السلام عليكم ورحمة الله وبركاته .. اللهم صلي على محمد و آل محمد كما صليت على إبراهيم وعلى آل إبراهيم إنك حميد مجيد .. وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد ..
وعلى الصحابة والتابعين ومن تبعهم وسار على نهجهم إلى يوم يُبعثون ..
يقول الله تعالى : ( .. وَمَن يَتَّقِ اللَّهَ يَجْعَل لَّهُ مَخْرَجًا {3} وَيَرْزُقْهُ مِنْ حَيْثُ لا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا {4} ) سورة الطلاق .. وقال تعالى : (.. وَاتَّقُواْ اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ {282} ) سورة البقرة .. وقال الشافعي رحمه الله : شكوت إلى وكيع ٍ سوءَ حفظي * فأرشدني إلى ترك المعاصي و أخبرني بــــــأن العلمَ نـــورٌ * و نــور اللهِ لا يهدى لعــاصـي
.. أيام كنت أمر بالظروف القاهرة أيام التقديم على المرحلة " السادسة " كنت دائماً أحلف
إني لأقدم شيء لطلاب المرحلة " السابعة " يريحهم من التفكير ومن أرق التقديـم
لأني فعلاً عانيْت كثير ..
** تم رفع هذا الملف كشرح لبوابة التقديم ولمراحل التقديم والأوراق المطلوبة **
لتحميل الملف اضغط هنـا رابط ملف استمارة التقديم على الجامعة + ترجمة الاستمارة ..
هذا موضوع عملته سريعاً حقيقة أعذروني لو كان فيه قصور فيه بعض النصائح والوجيهات ..
وراح استقبل فيه إن شاء الله أي سؤال .. خلوني أبدأ معكم بالمطلوب عشان التقديم للبعثة ..
وأي نقص بإذن الله راح أكمله وأي نقطه أنساها راح أضيفها .. المستندات المطلوبة ، وكل ما ينقص للتقديم .. ■ تأكد أن كل الشروط منطبقة عليك .. إذا تأكدت من ذلك .. ■ تــأكد أن كل الأوراق المطلوبة كاملة ..
■ تـــــــــــــــــأككككككد تأخذ كم نسخة من كل مستند لديك خاصة أصل الشهادة ..
كذلك البطاقة الجواز وغيرها .. ( صور كل وحدة أقل شيء 10 صور ) ..
■ تأكد إن إسمك هو نفسه بمعنى لا يوجد فيه أي اختلافات في الاسم
في كل الإثباتات من بطاقة شخصية و شهادة وجواز ..
■■ في حال كنت تدرس بجامعة سعودية ، أو إذا كنت محتار تدرس بجامعة سعودية أو تقدم
على البعثة ، و كانت شروط البعثة منطبقة عليك وكل أوراقك سليمة وكاملة ..
اسحب شهادتك في حال كنت دارس ، وتوكل على الله وقدم أيضا في حال لم تكن دارساً ،
لأن بمجرد ما تكون أوراقك سليمة وكاملة وكل الشروط منطبقة عليك بإذن الله
أنك مبتعث مبتعث لا محالة ..
( ملاحظة : لا تستطيع التقديم على البعثة وأنت طالب لدى مؤسسة تعليمية )
يعني بالمختصر ما ينفع تقدم على البعثة وانت تدرس في أحد الجامعات السعودية ..
< لا تفكر في النقطة هذي و لا تحتار ، نفذ و راح تدعي لي بإذن الله ..
***************
* وردتني بعض الأسئلة من بعض الأخوان والأخوات تقول نبغى نضمن مكان
ممكن ما يقبلونا في الترشيح لا قدر الله فما نقدر نخاطر ونسحب الملف ..
أنا ما أدري حقيقة هل الوزارة تستقصي إذا ما كان الطالب تابع لمؤسسة تعليمية ؟
لأن لو كان الكلام هذا فعلاً ما أعتقد راح تترشح !! ، فعشان كذا نصحتكم تسحبون الملف ..
***************
{ الطلاب الذين لديهم إختلاف في الاسم بالبطاقة عن الشهادة عليهم تعديل الشهادة
"سريعاً " قبل بدء التقديم من إدراة التعليم التي تتبع لها المدرسة الثانوية التي تخرجوا منها }
يعني إذا أنت تدرس مثلا في جدة ، عدل شهادتك من إدارة التربية والتعليم بجدة ..
فقط اذهب ببطاقة الأحوال المدنية والشهادة وهم يتولون تعديلها ..
** تأكد يكون الإسم في البطاقة وفي الشهادة وفي الجواز عربي و إنجليزي مافيه أي إختلاف **
■ للطلاب الذين [ فصلوا ] من جامعة سعودية .. بعض الجامعات تضع ختم على الشهادة
بعد إرجاعها للطالب ، إذا كانت شهادتك مختومـة عليك أن تذهب للعمادة المختصة وتطلبها
ورقـة تثبت أنك غير دارس في الجامعـة ..
( ورقة إخلاء الطرف من الجامعة مهمة جداً ، لأني كنت أدرس في جامعة الملك عبد العزيز وفصلت منها وقد طلبت مني أثناء التقديم )
■ الجواز غير مطلوب أثناء عملية التقديم على الموقع .. ولكن في يوم التقديم لابد أن يكون موجوداً لأنك ستقدم صورة منه ..
كذلك لأن من ضمن الأوراق التي ستقدمها أثناء التقديم مع الشهادة وبقية الأوراق ، هنالك ورقة فيها
كل معلوماتك تقريباً كـ رقم البطاقة و معدلاتك الدراسية .. من ضمن تلك المعلومات هو [ رقم جواز السفر ] ..
■ الجواز لا يأخذ وقتاً طويلاً بإمكانك إستلامه في نفس اليوم فهو لا يستغرق إلا ساعتين فقط على أكثر تقدير ..
ولكن الأفضل أن تراعي الوقت وتستعجل قليلاً في إخراجه أثناء فترة انتظار نتائج الترشيح للمقابلة واستلام أوراقك ..
[ بإذن الله إذا معلوماتك سليمة وكاملة والشروط منطبقة راح تترشح 100000000% ]
إجراءات طلب جواز سفر لأول مرة
1. يتعين عليكم قبل تقديم الطلب التأكد من خلو سجلك المروري
من مخالفات مرورية..للتأكد من ذلك اضغط هنا .
2. تعبئة نموذج طلب إصدار جواز سفر.. ومطابقة المعلومات للواقع
حسبما هو مدون في بطاقة ( الهوية الوطنية ) التوقيع على نموذج الطلب .
تلقاه النموذج في مركز الجوازات يا كثره منثر على الطاولات ..
3. حضور صاحب العلاقة شخصياً أو ولي الأمر للعائلة .
4. إحضار بطاقة الهوية الوطنية "سارية المفعول" مع صورة واضحة منها .
5. إحضار عدد ( 2 صورة ) ملونة حديثة التصوير مقاس
( 4 × 6 ) شريطة أن تكون خلفية الصورة بيضاء اللون .
6. تسديد رسوم إصدار جواز سفر (150) ريال .. عن طريق
النظام المالي في أحد فروع البنوك المرخص لها بذلك .
7. الأشخاص الذين تقل أعمارهم عن (21) عاماً يتطلب حضور
ولي الأمر لموافقته على إصدار الجواز أو إحضار وكالة شرعية للوكيل .
■ بعض الطلاب يكون ناقصه كم درجات بسيطة في التحصيلي أو القدرات تحول بينه وبين القبول ..
الحل أنك توصل لمسؤول الإبتعاث الدكتور عبد الله الموسى أو الدكتور ماجد الحربي .. بطريقة أو بأخرى ..
وتطلب منهم أعتقد ورقة اسمها [ تزكية ] أو حاجة زي كذا ، ماني عارف بالتأكيد واعذروني ..
طبعاً الحمد لله ما تعرضت للمسئلة هذي والله يبعدكم عنها وتجيبو الدرجات المؤهلة كلكم ..
بس لازم تكون صاحب حجة قوية وتتكلم اذا قابلت المسؤول بكل طلاقة وتبين إنك إنسان فعلا أهل لطلبك .. الموضوع ماني ملم به حقيقة لكن هذي من المعلومات اللي حصلت عليها أيام التقديم للمرحلة السادسة ..
الموضوع صعب شوي ، لكن مو مستحيــل .. ■ الطلاب اللي درجاتهم ناقصة مرة أقولهم بكل أسف حظ أوفر لكم لأن فيه كثير كانو نازلين درجة وحده فقط
في المرحلة السادسة ما انقبلوا .. مو موضوع تحطيم بس والله يا جماعة ودي يعني اختصر الموضوع عليكم ..
وتقدمون في جامعة داخلية والله يوفقكم : ) .. ما تحتاجه لاختيار التخصص و بلد الدراسة .. ايش كمان ياربي إيش كمان نسيت شيء ما نسيت شيء اممممممممممممممممم ؟؟ ■ اقرأ عن الدولة التي ستختارها والمدينة بعناية فائقة لكي تسلم من عناء التنقل فيما بعد ..
شيل من بالك فكرة الدولة غالية الدولة رخيصة << !!
بإذن الله المكافئة راح تكفيك وتزيد ..
أنا قبل ما أجي كندا .. مدينة دراستي كانت تورونتو ، وكنت خائف
لأنها من أغلى مدن كندا وسئلت كنديين وقتها وقالوا لي فعلاً غالية ..
حاولت أغير المدينة بس بدون أي فائدة وجيت تورونتو ،
وجبت معي 8000 ريال ما يعادل .. 2050 دولار فقط ..
وكفتني شهر الحمد لله حتى تم فتح ملف في الملحقية ..
وفتحت حساب وبدأ صرف المكافئة .. والآن أنا في هاليفاكس أغلى من تورنتو ..
والمكافئة تزيد الحمد لله و أدخر لنفسي الكثير ..
" بس هذا مو يعني إنك ما تقتصد .. خلي قرشك الأبيض ليومك الأسود "
ع ـارف إن كل واحد فيكم له هدف معين من خلال تقديمه على البعثة و له طموحه الخاص .. راح تمر بأرق وبتعب وبخوف وراح تقول يآآآه إيش خلاني أدهور نفسي أنا كنت مرتاح ..
كل الأشياء هذي مريت فيها أنا وأخواني المبتعثين هههههههه.. و اسئلوا أي واحد فيهم ما أعتقد ما في أحد ما مر بالظروف هذي .. ■ اصبروا واستعينوا بالله تعالى ، وحطوا في بالكم إن كل الأمور بيد الله يدبرهــا كيف يشاء ، وأي شيء يختاره لك الله سواء قـُـبلت في البعثة أو لم تُـقبل لا قدر الله فهو خير ، لأن الله لا يقدر الشر على عباده أبداً ، ولو قدر الشر فستجد فيه خلاصـة الخيــر .. فلا تهتموا أبداً في فترة التقديم وخليكم طبيعيين وإذا كافة الشروط والأمور كاملة ثقوا بالله إنكم مقبوليـن إن شاء الله ، أبداً أبداً لا تهتموا .. لا أحد يفكر أبد يتخلى عن طموحـه لأن الظروف صعبه ، أعقلها وتوكل وبإذن الله كل أمورك تمشي .. ولكن ! قبل هذا وذاك ، لابد أن تجلس مع نفسك وتعرف أنت فعلاً إيش تبغى ! قصتي البسيطة : أني كنت أبغى أتخصص الطب .. لكن الطب كانت ظروفه صعبة شوي ..
1- الدول المتاحة بالمرحلة السادسة : هولندا المجر النرويج بولندا ألمانيا إيطاليا .. 2- لابد من 5 في إختبار الـ آيلتس ..
وقفت أمام الدول وأمام المطلوب للآيلتس محتار !!
وبدأت أقرأ عن الدول .. هولندا ما تدرس إنقلش على طول تستأنف فيها الدراسة .. المجر النرويج بولندا تدرس إنقلش بس المشكلة راح يكون الإنقلش عندي ضعيف لأنها دول لغتها الأم موش إنجليزية ..
<< تفكير ما أدري إيش يبغى صراحة .!!
ألمانيا إيطاليا .. < راح تدرس بنفس لغة البلد طيب بعدين
إيش راح أستفيد من شهادتي وأنا ما عندي لغة إنجليزية !! ؟؟
<< هذا الكلام اللي كان يدور ببالي ..
[ مع إني لازلت مؤمن بآخر نقطة ذكرتها بالنسبة لألمانيا وإيطاليا
وجهة نظر تبقى شخصية
مو معنى ذلك إنها تنطبق عالكل ] ..
وبدأت الأفكار تروح وتجي وأستشير فلان وعلان وكل واحد يعطيني رأي .. ■ وهنا فرصة أقولكم ما خاب من استخار ولا ندم من استشار
لا تسئلوا فلان ولا علان ولكن اسئلوا انسان فعلا له خبرة وباع في الحياة ،
ثم استخيروا الله سبحانه وتعالى وبعد كذا ، اسئل نفسك انت ايش تبغى وراح
يوفقك الله للاختيار الصحيح ..
إللي صار إن جا ببالي أتخصص صيدلة و أطلع على كندا أدرس إنقلش سنة وبعدين أحول طب ..!! بس انتهت اجراءات القبول وكملت كل شيء طلعنا فاهمين شرط الآيلتس خطأ .. وأثاري موضوع إختبار الأيلتس يعني ..
بعد ما تكمل كورس اللغة بالدولة اللي رحت فيها تختبر وتكون درجتك 5 !!
وسمعت كمان أن فيه قرار طلع أن المهم إنك تختبره مو مهم الدرجة ..!!
<< هذا اللي طلع من الأخبار بعد التقديم ..
المهم قلت الحمد لله خيرة ..
طبعا لو استقبلت من امري من استدبرت ..
لتخصصت طب و لرحت على وحدة يـ[ المجر أو بولندا ] .. < بكل أمــــانة !
المهم .. فعلاً جيت كندا [ ولله الحمد ] وبدأت أدرس اللغة وماهي إلا فترة بسيطة حتى عرفت أنك إذا تبغى تتخصص طب في أحد الجامعات الكندية لابد في البداية أن تحصل على باكلوريوس في أي تخصص .. مو كذا بس ! راح تدخل اختبار الميدكال تيست .. وراح تنافس طلاب من جميع أنحاء المقاطعة .. وفي النهاية ماراح يتأهل إلا 5% بس من المقاطعة كلها !
، يعني راح تنافس أهل اللغة على كم مقعد طب !!
كمان مافيه إلا خمس مقاعد للطلاب السعوديين في كل كلية
من كليات الطب بالجامعات المعتمده من الملحقية .. !!
وأنا الآن أفكر أخلص اللغة وأنقل على دولة ثانيـة .. شفتوا كيف عقدتها على نفسي ..! ■- اختر تخصصك بعناية وادرس طموحك وأهدافك قبل كل شيء لأنها راح تساعدك في اختيار التخصص . ■- إذا كان في بالك فكرة فأصر عليها مهما كانت الظروف لا تسوي أبد مثلي وتحاول تخلق لك حلول أنت لست متأكد من نجاحها وتعيش نفسك أحلام حمقاء .. والأفضل .. لا تخلق أي حلول أبداً خلاص كل شيء بيدك والله وفقك للمرحلة هذي استمر فيها وراح يوفقك للمراحل الجاية بإذنه تعالى .. خلاص إنت حددت شيء أمض فيه وتأكد أن الله تعالى راح يوفقك له ويذلل لك كل السبل .. ■ تذكر قبل تقدم على تخصص ، الملحقية تقبل التغيير من تخصص أدنى لتخصص أعلى ،
لكن لن تقبل منك تغير تخصص كبير بتخصص أدنى منه ، كأن تغير تخصص طب بـ هندسـة أو ما إلى ذلك ..
ح ـياة الغربة ليست صعبة وليست مستحيلة ولا تتطلب الكثير .. لكن لازم تضع في حسبانك إن أشياء كثير راح تتغير وفي البداية لابد من التعب .. ما أقولك لا تخاف لأني عارف إنك راح تخاف فما في فائدة هههههههه .. لكن طبيعي كلنا خفنا بس بمجرد ما حطينا بمطار الدولة المنشودة
لا شعورياً كل الخوف تبخر وكل شيء أصبح طبيعياً جداً ..
لما كنت بالمطار بعد 14 ساعة قضيتها بالطائرة ..
استمرت الإجراءات في المطار 3 ساعات ..
فقط >> عشان أختم جواز وآخذ تصريح الدراسة .. ! في الفترة هذي كنت أقول ، إيش خلاني أدخل نفسي متاهات و إيش لي وإيش للتعب هذا ..
. بس خلاص خطوة ماعاد تقدر تتراجع فيها !! ... وكنت أفكر بسلبية رهيبة ..
و أنا مواعد العائلة اللي راح تستقبلني الساعة 2 !! وقضيت 3 ساعات بالمطار .. يعني ماطلعت الا الساعة 6 تقريباً
وعنوانهم مو عندي < ! ] ، وقلت خلاص راحوا ، ونفسية مرة دمــــــــــــــار ومرة متدهورة ..
بس لما كملت الاجراءات وأخذت ( الشنط ) ، طلعت برا ارتحت نفسيا الحمد لله ..
وكل الأمور مشت من أحلى في أحلى .. و استقبلتني العائلة وكل أموري صارت تمام التمام ..
و استأنفت الدراسة وكل أموري الحمد لله لحد الآن في توفيق وتيسير .. ■ الفترتين اللي راح تتعبكم ، هي فترة انتظار النتائج وفترة انتظار التأشيرة ، لأن بعض التأشيرات تأخذ وقت ..
بالنسبة لإنتظار نتائج القبول بعد المقابلة .. اذا تم قبول أوراقك في موعد التقديم وكل امورك مشت في هذا اليوم ..
خلاص بإذن الله إن أمورك كلها ماشية إلى خير ، لا تهتم ولا تضغط على نفسك اعتبر نفسك مقبــول ..
■ بالنسبة للتأشيرة أحيانا راح تأخذ وقت طويل شوي يوصل 35 يوم طبعاً العادة اذا كان بالأوراق نقص
أو خطأ ترجع لك ، يعني لو مر اسبوع ما رجعت لك اوراقك اللي ارسلتها اعرف بإذن الله إن الفيزا قيد التجهيز ..
وإنها راح تجي بإذن الله .. ■ بإذن الله بعد ما تنتهي أموركم كلها و تخلصو كل حاجة وتكونوا مقبولين وتستلموا التأشيرة
راح يكون قدامكم شيء واحد اللي هو اصدار قرار الابتعاث وأمر الإركاب والتذاكر ..
بعد المقابلة لتسليم الأوراق .. راح تأخذ سندات على أصل الشهادة عند تسليمها احتفظ بالسندات
ويوم تروح للوزارة بالرياض لاستخراج قرار الابتعاث او تراسلهم ارسل السندات او قدمها لهم
واطلب أصل الشهادة ..
**** مراحل وفترة التقديم ****
12 \ 8 \ 1431 < بدأ تدقيق الطلب على الموقع بعد اقفال التقديم على الموقع ..
1 \ 9 \ 1431 < تلقيت دعوة لتسليم الوثائق ..
10 \ 9 \ 1431 < ذهبت لمكان تسليم الوثائق وكان بفندق المريديان بجدة ..
18 \ 9 \ 1431 < أخبروني بأنه تم تدقيق الطلب ..
8 \ 11 \ 1431 تم ترشيحي للبعثة رسمياً ..
17 \ 12 \ 1431 تم ارسال دعوة لي لحضور الملتقى ..
كان الملتقى لمدة ثلاث أيام ..
من 7 \ 1 \ 1432
حتى 9 \ 1 \ 1432
الفيزا استغرقت تقريبا 35 يوماً .. أو 40 يوماً ..
في 4 \ 3 \ 1432
تم التحقق من القبول .. وطباعة قرار الابتعاث و ارساله ..
وبعدها بشهر بالضبط و أنا بكندا ..
*** المطلوب قبل السفر *** ■ المبلغ المالي اللي راح تاخذه لا يتعدى 10000 الآف ريال تحوله لعملة البلد من أحد البنوك..
<< حاول تستعجل بالنقطة هذي لا تضيع أي وقت سويها وانت تنتظر التأشيرة ..
لأني ما حولت الفلوس الا بالمطار يوم الرحلة ، بس الله قدر وحصلت في كشك
الراجحي بمطار الملك خالد واحد أعرفه فمشى لي الأمور .. إلا ماكان قدرت أحولها لدولارات ..
<< المبلغ هذا يكون بجيبك إذا سافرت .. و أول ما توصل تفتح لك حساب وتودعه في الحساب ..
■ حاول تحصل على فواتير من الفندق الذي سكنت فيه أو عقد السكن مع عائلة ،
واحتفظ بكل ما صرفته من فواتير ثم ارفع بهذه الفواتير للملحقية كطلب تعويض وسوف يعوضونك عما صرفته ..
■ بطاقة الراجحي أو أي بطاقة إذا كان عليها شعار [ VISA ]
( ليست فيزا وإنما عليها فقط شعار فيزا أعني بطاقة الصراف الآلي العادية )
راح تكفيك في البلد اللي انت رايح له لوقت ما تفتح لك حساب في أحد البنوك ..
راح ياخذون مبلغ مالي أحيانا يكون كبير مع كل سحبـة على حسب البنك
ممكن يأخذ بقيمة معينة وممكن ياخذ [ بنسـبة مؤية ] من المبلغ اللي صرفته ..
■ فيه بطاقة حلوة من البنك الأهلي اسمها ، البطاقة مسبقة الدفع .. حتى ما يحتاج يكون لك حساب في الأهلي عشان تطلعها ..
هذي تشحنها رصيد قبل تطلع من هنا وراح تفيدك هنا وتسلمك من موضوع السحبات والعمولة اللي تكلفك ..
وراح تريحكم في مسئلة التحويل لأن التحويل الدولي ياخذ أحيانا أسبوع ، بس بطاقة الأهلي مسبقة الدفع راح تختصر
الوقت بمجرد ما أحد يحول لك عليها فلوس تنزل مباشرة على الرصيد ..
بس البطاقة هذي تاخذ فترة طويلة ممكن توصل لأسبوعين وتوصلك عن طريق البريد يعني استعجل في استخراجها ..
وهي فقط راح تكلفك 100 ريال ..وراح تفيدك من التسويق
على الإنترنت وكل الأشياء هذي ، وما يشترط لها يكون عندك راتب مثلا ..
مع إن نصيحتي بطاقة الراجحي اللي مكتوب عليها فيزا كفايـة <<
■ حاول تشوف في أحد مكاتب التقديم ينسق لك مع عائلة تستقبلك
قبل توصل .. عشان تسلم موضوع الفنادق والصرفيات وتريح بالك ..
وراح تفيدك العائلة كثير في اصدار رقم جوال وحساب بنكي وتعرفك بالمدينة ..
بالنسبة لي كانت لغتي الحمد لله حلوة وراسلت العائلة بنفسي ونسقت معها واستقبلتني ..
يعني إذا لغتك كويسة لا تصرف على مكاتب التقديم ، دبر لك عائلة بنفسك <<
■ أول شيء لا تنسوا تسووا اسكان لكل أوراقكم الرسمية من شهادات وجواز وتأشيرة
و هوية شخصية و الأوراق المطلوب توقيعها من الملحقية لا تنسوها نزلوها و عبوها
وبعدين سوو لها اسكان ، واحفظوا المستندات هذي على اللابتوب أو على فلاش ميموري
وخذوا من كل مستند كم صورة معكم في شنطة الظهر لأنكم راح تحتاجوها إذا وصلتوا ..
■ الكامليات حاول تاخذ لك ملابس أقل شيء "عشرين طقم "، وترا والله ما أبالغ لما أقول 20 !!
خاصة أصحاب الأوزان الكبيرة الله ينحفهم يارب ..
ترا أتكلم جد كثروا ملابس شتوية وصيفية لا أحد يقول باخذ شوي من هنا وبشتري من هناك ..
ترا العالم هنا واعذروني على المصطلح [ عفشة ] ويعني راح تنزل تفر السوق ويالله تطلع لك بقطعه ..
راح تطلع وتشوف العالم كيف تشكل الملابس وتشوف بشر غريبة وعجيبة .. فخذوا احتياطكم من كل شيء
بناطيل وجنوز وتيشيرتات وأكرمكم الله أبوات رياضية ..
■ الشامبوهات ، المعاجين ، كريمات الشعر الأشياء هذي كلها ..
ترا هنا جودتها غير وتختلف مرة راح تعانون معها .. فخذوا احتياطكم وكثروا منها ..
أقل شيء حق 5 شهور قدآم .. لا تنسوا مسكنات الآلام والصداع والإسعافات الأولية ..
والأشياء هذي كلها ..
قرأت ببعض المواضيع قبل ما أسافر إن فيه حمولات معينة و ماراح يسمح لك تدخل فيها الطيارة ..
أنا وخويي عبينا الشنط كريمات وأنواع وأشكال من المستحضرات ..
ما صار شيء ولله الحمد ، يمكن لو دفعت شيء راح تدفع ضريبة الوزن الزائد حق الشنطة ..
وكلها اعتقد 300 ريال ..
ركزوا على اللي بلغتكم إياه فوق مرة وهذي مواضيع لبعض الأخوة في المنتدى ..
http://www.mbt3th.us/vb/forum132/thread156086.html http://www.mbt3th.us/vb/forum8/thread180395.html وهذا ملف رفعته لكم ||||||||||||||||||||||||||||||||| " لو حصلت شيء جديد راح أضيفه "
هذي أغلب و أبرز الأخطاء والنواقص اللي وقعت فيها أنا .. وبإذن الله لو نسيت شيء راح أضيفه .. كان ببالي كلام كثير ، وعندي كلام كثير ياجماعة ودي أثريكم به .. بس والله الموضوع جا بدون تخطيط ..
يعني أنا عرفت إن التقديم على الأبواب قلت أكتبه لكم الموضوع هذا اتوقع انه شمل كل التساؤلات الرئيسة
اللي ممكن تخطر ببال المتقدم ..
أنا آسف لو نسيت حاجـة ، وآسف على اللخبطة لو فيه لخبطة ..
ومستعد أستقبل أي سؤال بإذن الله أقدر أجاوب عليــه . : )
لا تنسوني من الدعآء ولوالدي وأهلي جميعاً ..
في النهايـة أقولكم [ والله غالب على أمره ولكن أكثر الناس لا يعلمون ] ..
و أقولكم كمان [ ربنا اغفر لي ولوالدي وللمؤمنين يوم يقوم الحساب ] ..
تحــياتي ، .
رد: بعضٌ من تجربتي في المرحلـة [ السادسة ] بين يديكم ..
مشكور اللـه يعطيك العافيه .
وفعـلآ أي شخص لآزم يفكر مع نفسه ويشوف ايش مصيره قبل مـآ يغامر ويروح في متاهات وطرق مجهولة
المفروض اي شخص عنده رغبه بالدراسة بالخارج ويبي يروح وهو مطمئن يعرف اللي يقدر عليه من ارجراءات من تجارب سابقه للمبتعثين
ويشوف السلبيات ويبتعد عنهـآ يـآخذ معلومات عن دراسة ومعلومات عن الدولة اللي رايح لها يحاول يكسب اي ملعومة تفيده مهما كانت بسيطه
اللـه يوفقنا وياكم ويكتب لنا اللي فيه الخير
رد: بعضٌ من تجربتي في المرحلـة [ السادسة ] بين يديكم ..
جزآك الله خير
ونفع الله بك
والله يوفقك
:)
رد: بعضٌ من تجربتي في المرحلـة [ السادسة ] بين يديكم ..
ماقصرت صراحة
جزاك الله خير
رد: بعضٌ من تجربتي في المرحلـة [ السادسة ] بين يديكم ..
الله يجزاك خير ويوفقك
اخوي بالنسبه للبطاقة مسبقة الدفع حقت الاهلي ،،هل تغني عن الفيزا
هل نقدر نسدد فيها الايجارات ومدري ايش في كندا
وهل الاهل يقدرون يحولون فلوس عيها
والف شكر الك
رد: بعضٌ من تجربتي في المرحلـة [ السادسة ] بين يديكم ..
اخي الكريم نسيت اهم شي ماقلته عن تجربتك ..وهو فترة التدقيق ماهي الاوراق اللي طلبوها منك وكم نسخة اخذوا منك لجنة التدقيق ...يعني الاجراءات الخاصة بيوم التدقيق بالتفصيل ..والله يوفقك ان شاء الله
رد: بعضٌ من تجربتي في المرحلـة [ السادسة ] بين يديكم ..
الله يوفقك ياارب ويكتب لك الخير ويفرح اهلك فيك ويخليك لاهلك يارب
يعطيك الف عافيه على موضوعك الشامل يلي يفيد كل واحد يريد الابتعاث جزاك الله خير
رد: بعضٌ من تجربتي في المرحلـة [ السادسة ] بين يديكم ..
ربي يجزاك خير ..
وكتب لك ماكتبت في ميزان حسناتك ..
رد: بعضٌ من تجربتي في المرحلـة [ السادسة ] بين يديكم ..
ماقصررت اخووووووووي
طيب انا كنت ادرس بكليه العلوم بس طويت قيدي بس مازال ملفي عندهم
اسحبه الحين ولا انتظر اقدم واذا جاني الترشيح اسحبه ؟
لاني مو ضامنه والله خاايفه
طيب واذا سحبه فيه جامعه اهليه تقبلني بعدين لاسممح الله لو ما انقبلت بالبعثه ؟
رد: بعضٌ من تجربتي في المرحلـة [ السادسة ] بين يديكم ( متجدد )..
عبدالرحمن -8432 ، zamil badr ، sultan alhazmi
شكراً جزيلاً لكم أعزائي على تعليقاتكم الجميلة ، أحلى تحية لكم : )
اقتباس:
SHAHЯZAD الله يجزاك خير ويوفقك
اخوي بالنسبه للبطاقة مسبقة الدفع حقت الاهلي ،،هل تغني عن الفيزا
هل نقدر نسدد فيها الايجارات ومدري ايش في كندا
وهل الاهل يقدرون يحولون فلوس عيها
والف شكر الك
أهلين فيك أختي هنـآ ( |||||||||| ) كل ما يتعلق بالبطاقة مسبقة الدفع من الأهلى ..
أساساً ما تحتاجين فيزا أختى ، تكفيك البطاقة العادية اللي من الراجحي اللي يجي عليها شعار فيزا ..
أقصد بطاقة الصراف العاديــة ..
بطاقة الأهلي مسبقة الدفع هذي أحسن مزاياها إن الأهل يقدرون يشحنونها لك من السعودية بس
فما راح تضطرين تنتظرين مسئلة التحويل راح يحولوا عليها من هنا وتنشحن من هنا دايركت ..
نصيحتي لك خذي بطاقة الراجحي العادية ، راح تكفيك مع المبلغ المالي اللي راح تاخذينه معاك ..
لا شكر على واجب أختى ، ولو في لبس قولي لي : )
اقتباس:
منارالسلام رد: بعضٌ من تجربتي في المرحلـة [ السادسة ] بين يديكم ..
اخي الكريم نسيت اهم شي ماقلته عن تجربتك ..وهو فترة التدقيق ماهي الاوراق اللي طلبوها منك وكم نسخة اخذوا منك لجنة التدقيق ...يعني الاجراءات الخاصة بيوم التدقيق بالتفصيل ..والله يوفقك ان شاء الله
ما في أي تفاصيل أختي إنتي بس إطبعي نموذج الطلب الموجود في موقع التقديم
مع نموذج التقديم على الجامعـة مع الشهادة وصورة من بطاقة الأحوال أو كرت العائلة وصورة من الجواز ..
واصبري علي كم يوم راح أنزل لها شرح إن شاء الله في ملف PDF ..
تحيــاتي لك أختي .. : )
om memo ، ويستمر الامل تسلمو يارب ، الله يسلمكم ويبارك في أيامكم ويسمع منكم : )
اقتباس:
mun ماقصررت اخووووووووي
طيب انا كنت ادرس بكليه العلوم بس طويت قيدي بس مازال ملفي عندهم
اسحبه الحين ولا انتظر اقدم واذا جاني الترشيح اسحبه ؟
لاني مو ضامنه والله خاايفه
طيب واذا سحبه فيه جامعه اهليه تقبلني بعدين لاسممح الله لو ما انقبلت بالبعثه ؟
حياك الله أختى ، والله مثل ما قلت لك إذا الشروط منطبقة عليك جميعها توكلي على الله وامضي قدماً ..
أنا متأكد 100% لو الشروط منطبقة عليك فإنك بإذن الله مقبولة ..
اقتباس:
* وردتني بعض الأسئلة من بعض الأخوان والأخوات تقول نبغى نضمن مكان
ممكن ما يقبلونا في الترشيح لا قدر الله فما نقدر نخاطر ونسحب الملف ..
أنا ما أدري حقيقة هل الوزارة تستقصي إذا ما كان الطالب تابع لمؤسسة تعليمية ؟
لأن لو كان الكلام هذا فعلاً ما أعتقد راح تترشح !! ، فعشان كذا نصحتكم تسحبون الملف ..