عرض للطباعة
السلام عليكم ورحمة الله وبركاته
أنا بإذن الله بسجل بإبتعاث المرحله السابعه تخصص تسويق
لكن مو عارفه الدول إللي تقبل ماجستير تسويق والجامعات
ياليت تفيدوني ولكم أصدق دعوآتي
وهل أستراليا وبريطانيا متاحه هاالسنه للإبتعاث؟
أنا مستبعده امريكا من خيارات البعثه أفيدوني ب3 دول فيها ماجستير تسويق ووش هي الجامعات
ربي يجزآكم خير ويسهل لكم ولي http://www.mbt3th.us/vb/images/icons/icon9.png
أفيدوني
معقوله محد عنده أي معلومه؟
( كان الله في عون العبد مادآم العبد في عون أخيه )
ستي .. بناء على تخصص الباتشلر والمعدل والخبرة واللغة و( مخك ومزاجك) اقدر افيدك في الموضوع .. لانو صارلي محفر بموضوع التسويق للماستر من ٤ سنوات .. واذا قبل ماتردي هنا تروحي تشيكي على مواضيع الخاصة بالتسويق خصوصا بأمريكا واستراليا وبريطانيا وترجعي تسألي عن الي يهمك حيكون احسن . بالتوفيق
بدآية أشكرك على ردك
/
تخصصي تاريخ وحضارهـ
معدلي ممتاز 3.85 من 4 الحمدلله
لغتي الإنجليزيه ضعيفه
أخترت تسويق لأنه الأنسب لتخصصي عشآن أبتعث
ناويه أغير التخصص بإذن الله لتاريخ بمسار البحث عن الآثآر أو الحضاره الإسلآميه
وإذآ ماتيسر تغيير التخصص بكمل بالتسويق بإذن الله لأني قريت معلومه إن لو غيرت التخصص
بتخصص غير مدرج من قبل الوزآره ماتقبله الوزآره , ومالقيت من يأكد هالكلام أو ينفيه
لي سنه كامله أبحث بالدول الثلاث أمريكا لأني من خلال بحثي شفت إنها الأفضل بمجال التسويق
تليها كندآ وتليها أسترآليا
ومن خلال بحثي أيضاً شفت إن قبول اللغه بكندآ ميسر لكن القبول الجامعي للماستر صعب وغير مضمون
وبالذآت لتخصص التسويق وتخصصات أخرى
وإن أمريكا تطلب درجات عاليه لإختبارآت لتخصص التسويق مثل الجيمات والجي آر وآيلس وتوفل
وأنا متخوفه من هاالنقطه لأن لغتي ضعيفه وأخاف ماأقبل بالجامعات هناك
وباقي عندي أستراليا للآن كل الكلام عنها مشتت مره يقولون هاالسنه مقفوله للإبتعاث مافي
ومره أقرأ إنه متاح والكلام متت عنها ماقدرت أجمع بشكل وآفي
وأتمنى تفيدني وبكون شاكره لك ولك دعوآتي
وعذرا على عدم ترتيب الكلام
طيب ياستي ناخذ الموضوع تكه تكه .. بالنسبة للتخصص فإنتي عارفه انو التغيير بعد الوصول لبلد الابتعاث وارد ولكن بنسبة جدا جدا ضعيفة بحكم ان التخصص الي تبي تحولي عليه هو التاريخ.. الحالات الي انا شخصيا اعرف انها غيرت تخصصها لتخصص غير موجود ببرنامج الملك عبدالله اصلا هي حالات قليلة وفي تخصصات محدوده الاغلب انها نادره وسوق العمل محتاجها .. وعلشان يكون لك هدف واضح حتى قبل بداية التسجيل ياريت تشتغلي وتوجهي كل بحثك وجهدك لدراسة ( البزنس /الماركيتنج).. ياعزيزتي تخصص التسويق ماحتدرسيه كتخصص مستقل وتاخذيه الماستر كماجستير تسويق، بداله حيكون تدرسي غالبا الام بي اي والي هو الماستر اوف بيزنس ادمنيستريشن. هذا هو نظام الجامعات الامريكية والكندية. والبرامج تختلف من جامعة للثانية ولكن الاغلب هو انو الماستر حيكون في الام بي اي مع مسار تحدديه من بين الماليه او التسويق او ادارة الاعمال الدولية ( الاغلب هذي المسارات الي تشترك فيها الجامعات الي عندها الام بي اي) .. الفرق جدا جدا كبير مابين الجامعات في نورث امريكا والجامعات في استراليا وبريطانيا.. برامج البوست جرادويت ( الماستر) في كليات البزنس في استراليا مثلا عندها تنووع وكأنك قدام طاولة محل بيع بهارات .. القصد ان البرامج زحممممه وفي تخصصات دقيقة سواء اللي يكون بنظام الكورسات او الرساله وهذي هي ميزة نظام التعليم في استراليا وبريطانيا .. يعني مثلا وفي جامعتي هنا فيه برنامجين للماجستير في التسويق وبرنامج مستقل للام بي اي
نجي لموضوع القبول .. انتي ذكرتي قبول اللغه سهل في كندا وانا اقولك هذي النقطة موجوده حتى لو بتدرسي اللغه في زنجبار .. قصدي انو مو علشان قبووووول اللغه في كندا سهل حتكون اولى خياراتك .. دراسة برامج اللغه متوفره وسهل الالتحاق فيها في كل كل الدول بس النقطة الاهم هي المعهد الجيد الي يحضرك من البداية اكاديميا.. المعاهد الجيدة والسيئه موجوده في كل مكان ، كندا واستراليا وامريكا وووو. وعلشان كذا لاحد يجي ويعمم ويقولك دراسة اللغه هنا اقوى اووهناك سيئة لان تجارب الطلاب حتكون بالالاف بعدد المعاهد الي درسو فيها هنا وهناك. ولان الموضوع في اعتقادي اهم حاجه تفكري فيها هذا الوقت انصحك و( بعنف) انك تركزي كل جهدك للسنه الى السنه ونص في تطوير لغتك لان وانا اخوك اللغه الجيده مفتاح ( التميز) وراحة البال لما تدخلي للجامعه ان شاء الله .
القبول الجامعي ؟؟؟ علشان وضعك حيكون صعب في كندا لدرجة ( المستحيل) الا ما رحم ربي خصوصا وانكم طلاب مرحلة سابعة والبزنس سكولز المشهوره بقبولها لطلاب في وضعك مليانه هذا غير ان متطلبات القبول صعبة لدرجة ( القلق) .. واللي منها اختبار الجيمات والي تطلبة اكثر من٩٠ بالميه من البزنس سكولز هناك .. اي نعم فيه جامعات تتغاضى عنه بحكم معدلك المرتفع لكنها قلة وفي مدن صغيرة وستل القبول ماحيكون مضمون قبل ماتخلصي اللغه .. الوضع في امريكا سيااان مع اني اتوقع ان عدد الجامعات هناك ميزه لاتقارن بكندا .. العدد المهول من البزنس سكولز في امريكا حيخلي عندك فرص اكثر بس حيتطلب جهد بحث اكبر. الزبدة ياستي اذا تبغي ترتاحي وتضمني استراليا وبريطانيا إن كانو من ضمن دول الابتعاث فلاااااااا تفوتي الفرصه خصوصا انك طالعة للبزنس. ماراح اتكلم اكثر بس حقولك اني شفت الوضع بكامل تفاصيله في كندا وامريكا والان انا في استراليا وعلى كم شهر وحخلص الماستر في الماركتينج وفيني اقولك بكل ثقه ( استراليا جنة طلاب الماستر) .. ارجعي لاعلان البرنامج السابع وشوفي علشان تتأكدي اذا ان استراليا من ضمن الدول لان اخر مره اذكر اني شفتها.
بالتوفيق *
الصفحه بالمفضله
والرد نسخته بالمفكره
وردك عقلآني ومن وآقع تجربه فعلاً أفادني بشكل كبيييير
لأني مشتته لدرجه كبيره
كل الشكر ولايكفيك
,
ربي يوفقك ويسهل لك كل أمورك ويزلل لك كل صعب
وترجع بإذن الله والتوفيق حليفك
ودعوآتك
* أستراليا وبريطآنيا موجودآت بالقائمه هاالسنه ^^
الحمدلله
عبدالرؤوف ...
الله يوفقك ردك افادني انا ايضا
ترجع رافع راس أهلك يارب
:)
يعطيك العافيه
ان شاء الله راااجعه لكم بالاستفسارات
سلام عليكم الرجاء منك اخ عبدالرؤف جاوب على استفساري لي شهر وانا اكتب ولااحد رد انا متخرجه من جغرافيا وسجلت مرحله السابعه واخذت قسم قانون مدري وشلون اخترته الزبده اني لو رحت ودرست يقولون ترجعين وشهادتك دبلوم عالي لانه مو تخصصك تخيل اتغرب واخر شي دبلوم هل هذذا صحيح بعدين انا مابي قانون اقدر اغيره اخذا مثلا تسويق ويصير ماجستير مو دبلوم انا مررره حتاره وحايسه حوس لك شكري:wub:
شوفي من خلال قرأتي في المنتدى ان الوزاره في الملتقى راح تقولك تغيري التخصص لأنه مو امتداد لتخصصك وهذيك الساع انتي راح تختاري تسويق وانا كمان معاك دراسات اسلاميه واخترت قانون حسبت انه امتداد لتخصصي طلع مو امتداد له ان شاء الله وقت الملتقى نغير رغباتنا بأذن الله الله يوفق الجميع