متى اخر وقت اقدر اطلع فيه بعثه
السلام عليكم ورحمة الله وبركاته
لو انقبلت في المرحلة السابعة بإذن الله متى رح ابدأ دراسة؟
ابغى اطلع على اوقست 2012 اذا ربي اعطاني عمر ينفع كذا ولا اذا جاني قبول لازم اطلع بالوقت اللي تحدده لي الوزاره؟
لاني ابغى اطلع مع زوجي ومايقدر ياخذ اجازه استثنائية الا بعد مايكمل سنه في التدريس لانه معلم والسنه الجايه اول سنه بيدرس فيها ودي انتظره ياخذ الاجازه ونطلع سوا ولا اذا جاني قبول ممكن ياخذ اجازه بعد الترم الاول؟
اللي عنده فكره يجاوبني لو سمحتم ومشكورين
رد: متى اخر وقت اقدر اطلع فيه بعثه
الله يوفقك اختي اذا جاء قبولك حاولي تأجيلي من الوزاره او المعهد او الجامعه ....وهو يعتمد على حسب الدوله اللي راح تروحينها
بالتوفيق...
رد: متى اخر وقت اقدر اطلع فيه بعثه
يعني انا اختار اي سمستر ابغى ابدأ دراسه ولا كيف !!
رد: متى اخر وقت اقدر اطلع فيه بعثه
يا اختي اذا جاتك البعثه بامكانك تآجلينها لمده ست اشهر قادمه بحيث تجيبين سبب مقنع للوزاره بالتاجيل وبكذا بامكانك تاخذينها في شهر ٨ - ٢٠١٢ والله يوفقك يا رب
رد: متى اخر وقت اقدر اطلع فيه بعثه
اقتباس:
المشاركة الأصلية كتبت بواسطة FAWAZ ALOTAIBI
يا اختي اذا جاتك البعثه بامكانك تآجلينها لمده ست اشهر قادمه بحيث تجيبين سبب مقنع للوزاره بالتاجيل وبكذا بامكانك تاخذينها في شهر ٨ - ٢٠١٢ والله يوفقك يا رب
آميييين الله يوفق الجميع
ان شاء الله يقتنعون
رد: متى اخر وقت اقدر اطلع فيه بعثه
مين اكلم ومتى؟
ولا انتظر السنه الجايه اقدم فيها ؟
لانه اذا انقبلت وما رحت بتروح فرصة التقديم علي السنوات القادمه
ايش الحل !!!!!!
رد: متى اخر وقت اقدر اطلع فيه بعثه
انا انصحك...اسألي الوزاره اول راسليهم وشوفي ايش يردون وبعدها قرري
وبعد انصحك اذا راح تقدمين السنه اللي بعد هذه السنه ان تبدأي من الآن تدرسي انجليزي وتحاولي تجيبي درجه كويسه في التوفل واذا تخصصك يحتاج اختبارات معينه حاولي تدرسي لها بحيث اول ماتقدمي على الابتعاث ويجيك القبول ان شاء الله تبحثي عن قبول جامعي لك وبكذا تصيري ماخسرتي سنه
بالتوفيق لك اختي...
وعلى فكره انا من المرحله السادسه تقريبا مرت سنه كامله من التقديم على الابتعاث وانا لسى مارحت لان تأشيرة مرافقي لسى ماطلعت...دعواتك
رد: متى اخر وقت اقدر اطلع فيه بعثه
شوفي اختي انا من المرحله السابقه وتوي اطلع
جاني قبول شهر 1 وكلمت المكتب الي جاب لي قبول وأجله ثلاث شهور
بعدين جاني قبول واجلت ،وكانت الوزاره قالت لنا في الملتقيات لازم تصدرون قرار الابتعاث بشهر 4
أصدرت القرار واجلت القبول
لان بامكانك بعد اصدار القرار تاجلين بما لايزيد عن 3 شهور بعدها يلغى القرار وتنحرمي من البعثه
بالتوفيق