شروطي كاملة ماعدا "يرجى الدخول والتعاون "

السلام عليكم ورحمة الله وبركاته..
صارت مشاكل معاي في السعوديه حالت بيني وبين الدراسة مع ان جامعة الدمام عطتني كلام السنه اللي طافت ان اذا اختبرت قياس انقبل واختبرت وجبت العلامات اللي يبغونها بس سكروها بوجهي والحين بوجه طاقتي للأبتعاث..
انا الحمدلله الشروط اللي طالبينها كلها منطبقه علي
نسبتي فوق التسعين
قدراتي 84
التحصيلي 80
بس للأسف سنة التخرج 1427-1428 وهم طالبين 1428-1429
انا بكرا الفجر بمشي الرياض وابغى اقنعهم يتغاضون عن هالشرط ياريت اصحاب الخبره يعطوني حجج تقنعهم
وعندي استفسار عن تخصص الطب .. هل يوجد في أمريكا .. وسؤال ثاني اي الدول الأوربيه افضل للدراسه من الناحيه الماديه .وان شاالله القى تفاعل

up up
ياجماعه عطوني رآيكم بالمشكله

والله مالك غير التوكل على رب العباد

وبعدها شوفي قدرت ربك وين تصير حياتك

توكلي على الله وإستفسري منهم أفضل

تحياتي لك

ونعم بالله .الله يعلم شكثر تعبت علشان ابغى ادرس بس العقبات كثيرة.ان شاءالله هالمره تتسهل

الله يوفقك
راسلي الموظفة دي
gsalem
@mohe.gov.sa
ماشاء الله عليها ترد على الايميات كلها
وان شاء الله تفيدك

مايحتاج اراسلهم .رحت وكلمت موظفه وقالت مستحيل يستثنون يعني راحت علي والتعب اللي تعبته بالتحصيلي والقدرات كله هباء منثور :(

والله يا أختي الله تعالى يقول
وعسى أن تكرهوا شيئا وهر خير لكم وعسى أن تحبو شيئا وهو شر لكم
ويقول الشافعي رحمه الله :
دع الأيام تفعل ما تشاء وطب نفسا إذا حكم القضاء
ولا تجزع لحادثة الليالي. فما لحوادث الدنيا بقاء

هي أكيد خيرة من الله جربي قدمي ممكن تمشي أمورك
وإن تعسرت الأمور لا قدر الله ادرسي بجامعه ما وابتعثي بالماستر ..
والله يوفقك : )*

اقتباس:

---

المشاركة الأصلية كتبت بواسطة PROFESSOR.F

والله يا أختي الله تعالى يقول
وعسى أن تكرهوا شيئا وهر خير لكم وعسى أن تحبو شيئا وهو شر لكم
ويقول الشافعي رحمه الله :
دع الأيام تفعل ما تشاء وطب نفسا إذا حكم القضاء
ولا تجزع لحادثة الليالي. فما لحوادث الدنيا بقاء

هي أكيد خيرة من الله جربي قدمي ممكن تمشي أمورك
وإن تعسرت الأمور لا قدر الله ادرسي بجامعه ما وابتعثي بالماستر ..
والله يوفقك : )*

---

ونعم بالله ولكن مافيه ضرر من السعي .. وللأسف الى الأن لاتوجد جامعةً ما تقبل فيني . اينما اسجل في جامعه ارى النتيجه رفض والمقاعد ممتلئه والله مستعده اجيب من عندي كرسي وادرس طول الفترة فيه >><