ياعالم تكفووووووون ابوي رافض ساعدوني
سلام عليكم ورحمة الله وبركاته
تكفون ساعدوني ابوي رافض اني ابتعث واقوله وش الاسباب يقول لا اخوك مو تكانه عليك ولاشي
قلت له ليش قال توه عمره 21
ياعالم وش اسوي والله ابي اكمل دراستي حتى الجامعه هنا رفضتني تكفووووون ساعدوني ابي اقنعه ابي اروح
والله مو قصدي اغلط هناك ولاشي والله ابي تخصصي ماانقبلت هنا والله
وابوي رافض حاولت اقنعه عجزززت تكفووون ساعدوني والله تأزمت حالتي لاحول ولا قوة الا بالله
ياررررررررررب لطفك يااارب
رد: ياعالم تكفووووووون ابوي رافض ساعدوني
اسمعي سوي شاي وقهوة لابوك
ويوم تجتمعون كلكم ع القهوة قول لاختك ... تعرفين فلانة راحث بعثة وابوها مشى معها مرافق
ولما رجع ابوها رجع ومعة ذيك الشقرا اللي وش حلاتها واللي واللي
لكن حاولي تصرفين امك لا تسمع تقص رقبتك انتي وابوك
.......................
حاولي تقنعين ابوك ... حبة حبة
خلية اليوم يتفاجا بالطلب ويرفضة بقوة
بكرا يرفضة
وبعد راح يناقشك ويحاول يقنعك
اللي بعدة بيقوووول على كيفك
اللبعدة يجيك زياره في مدينتك
رد: ياعالم تكفووووووون ابوي رافض ساعدوني
مدري شقولك . . بس كثر الدق يفك اللحام
انتي كلميه بهدوء وقولي له حرام كذا بيضيع مستقبلي اذا قعدت هنا والله م يرضى انك تكون سبب ف تحطيم حلمي
بس م قلتي وانا اختك انتي مستوفيه الشروط حقت الابتعاث ولا لا ؟
الله يوفقك ان شاء الله ويوافق ابوك
رد: ياعالم تكفووووووون ابوي رافض ساعدوني
انا ابوي مريض سكر .. مايقدر يروح معي برا
وانا مستوفية الشروط ولله الحمد
بس ابي اطلع جواز عشان اقدم بالبعثه وهو رااااااافض
والله عجزززززت تكفووون ساعدوني
رد: ياعالم تكفووووووون ابوي رافض ساعدوني
تبين نصيحتي
اسمعي كلام ابوك لانك اذا رحتي وابوك زعلان ماراح تتوفقين في مسيرتك
لان رضا الله من رضا الوالدين
وفقك الله
رد: ياعالم تكفووووووون ابوي رافض ساعدوني
طيب حرام انا ودي اكمل اي تخصص صحي كان نفسي في صيدلة وماانقبلت هنا وش اسوي والله ظلم
درست وتعبت وهذا كله يرووح والله حرااااااااام
رد: ياعالم تكفووووووون ابوي رافض ساعدوني
اسمعيني ي قلبي انتي اهدي ولا تزعلي وان شاء الله ربك يحلها
انتي جربي تخلي امك او احد كبير ف عايلتكم يكلمه .. حاولي تسرعي ف الموضوع م باقي الا كم يوم ع التقديم
جربتي تقولي لامك تكلمه ولا لا ؟
رد: ياعالم تكفووووووون ابوي رافض ساعدوني
والله ما عندك يا اختي غير انك تلجئي لربك بالدعااااااااااء وصدقيني ما راح يخيب املك ..... يارب كون في عونها
رد: ياعالم تكفووووووون ابوي رافض ساعدوني
امي حاولت فيه بس هو رافض خير شر والله :( والله ازمه وش ذا
رد: ياعالم تكفووووووون ابوي رافض ساعدوني
ي قلبي انتي لا تيأسي معليش ربك كريم
انتي ماتقدري تكلمي احد كبير ف عايلتكم ويكلمه لك ؟ اي احد تحسي يقدر يأثر عليه عمك مثلاً ؟
عادي بس يقوله ان حرام لا تضيع مستقبل البنت وكذا ترا الرجال يسمعوا من بعضهم