الأعضاء الإشتراك و التسجيل

الملتقيات
ADs

تجمّع طلاب وطالبات ماجستير تسويق للمرحلة السابعة

تجمّع طلاب وطالبات ماجستير تسويق للمرحلة السابعة


NOTICE

تنبيه: هذا الموضوع قديم. تم طرحه قبل 2331 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Rorreta
    Rorreta

    مبتعث مستجد Freshman Member

    Rorreta الولايات المتحدة الأمريكية

    Rorreta , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى English Language and Literature , بجامعة ---
    • ---
    • English Language and Literature
    • أنثى
    • Long Beach, CA
    • السعودية
    • Jul 2011
    المزيدl

    July 26th, 2011, 09:32 AM

    السلام عليكم

    لأني استفدت من نفس فكرة هذا الموضوع في المرحلة السادسة
    فتحت الموضوع مرة ثانية للمرحلة السابعة

    وأول معلومة مهمة حصّلتها في موقع جامعة الملك سعود :

    تخصص التسويق

    يحصل الخريج على كم واف من المعرفة في مجالات سلوك المستهلك وإدارة المنتجات وإدارة التوزيع، والتسعير، والترويج، وبحوث التسويق، والتخطيط، والرقابة في التسويق.

    ويتم تهيئته للعمل في مجالات التسويق المختلفة وهي :

    • إخصائي تسويق: عمليات إعداد الخطط التسويقية وتنفيذها.
    • إخصائي بيع: تخطيط وتنفيذ عمليات البيع.
    • باحث تسويق: إعداد الدراسات التسويقية اللازمة لإتخاذ القرارات التسويقية الرئيسية للمنشأة.
    • إخصائي إعلان وترويج وعلاقات عامة: إعداد الخطط في هذا المجال.

    وفي مجال العمل الحكومي يمكن لخريج تخصص التسويق العمل في المجالات التالية :

    • التدريس في التعليم الفني التجاري في مجالات إدارة الأعمال والتسويق.
    • الإدارات الفنية في وزارة التجارة ذات العلاقة بالتجارة الداخلية والخارجية.
    • إدارات البحوث الإقتصادية والإجتماعية والإدارية في أية وزارة من الوزارات.
    • الملحقيات التجارية بالخارج، وإدارة العلاقات العامة في كافة الوزارات.
    • إدارة التخطيط في الوزارات التي لاتحتاج الى تخصص فني (طبيب، مهندس ... ) في مجال التخطيط.


    هذا جواب كافي على الي يسئلون عن وظايف تخصص التسويق


    والي لغتهم الإنجليزية حلوة، هذا رابط مفيد ويعطي فكرة عن التخصص:
    Marketing - A-Z Degrees, Getting Into University - The Independent



    واستفساري لكم:
    هل التسويق له عدة فروع؟
    وهل الجامعات تطالبنا بعمل رسالة ولا شي اختياري؟
  2. على حسب البلد والجامعة وانا اخوك لان البرامج فيها تكون كورس وورك بالكامل وفيها تكون ريسيرش بالكامل .. هذا بالنسبة لنوع البرنامج .. اما تخصصات في التسويق نفسه ف الي شفته في استراليا وماشفته في كندا وعموم نورث امريكا هو توفر التخصصات( الدقيقة) .. جامعة كانبرا مثلا عندها تخصص ماركتينج كوميونيكيشن وبرضك ماركيتنج مانجمنت واثنينهم كورس وورك >> يعني طريقة التدريس زيها زي الباتشلر محاضرات و سيمينرز .. ستل هذي البرامج حتكون في عدد قليل من الجامعات هنا.. امريكا وكندا التسويق غالبا حيكون كسبيشليزيشن ضمن برامج الام بي اي .. ياريت قبل اي حاجة انكم ترجعو للمواضيع الخاصة بالتخصص في ملتقيات الدول الي حابين تقدمو عليها .. بالنسبة للي طالع امريكا او كندا او استراليا فالمواضيع زحمة وشخصياً اقدر اخدم فيهم بحكم تواجدي بداية البعثه في كندا وحالياً في استراليا .. بالنسبة لامريكا وعلشان وقت ماكنت في كندا حاطها ضمن خيارات النقل فعندي فكرة جيده واطلاع عن البزنس سكولز والقبولات فيها.
    7 "
  3. المشاركة الأصلية كتبت بواسطة AbDuLrAoOf
    على حسب البلد والجامعة وانا اخوك لان البرامج فيها تكون كورس وورك بالكامل وفيها تكون ريسيرش بالكامل .. هذا بالنسبة لنوع البرنامج ..
    يا ليت تعلمنا كيف نميز نوع البرنامج .. وإيش إيجابيات كل نوع؟

    اما تخصصات في التسويق نفسه ف الي شفته في استراليا وماشفته في كندا وعموم نورث امريكا هو توفر التخصصات( الدقيقة) .. جامعة كانبرا مثلا عندها تخصص ماركتينج كوميونيكيشن وبرضك ماركيتنج مانجمنت واثنينهم كورس وورك >> يعني طريقة التدريس زيها زي الباتشلر محاضرات و سيمينرز ..
    حلو.. حطيتها من ضمن الجامعات المرشحة .. عشان لو اخترت تخصص دقيق

    ستل هذي البرامج حتكون في عدد قليل من الجامعات هنا.. امريكا وكندا التسويق غالبا حيكون كسبيشليزيشن ضمن برامج الام بي اي
    بحثت كثيــر وفعلا أغلبها تصير مدرجة تحت إدارة أعمال

    ياريت قبل اي حاجة انكم ترجعو للمواضيع الخاصة بالتخصص في ملتقيات الدول الي حابين تقدمو عليها .. بالنسبة للي طالع امريكا او كندا او استراليا فالمواضيع زحمة
    المشكلة لسا ما ندري ننقبل في أي دولة

    وشخصياً اقدر اخدم فيهم بحكم تواجدي بداية البعثه في كندا وحالياً في استراليا .. بالنسبة لامريكا وعلشان وقت ماكنت في كندا حاطها ضمن خيارات النقل فعندي فكرة جيده واطلاع عن البزنس سكولز والقبولات فيها.
    يا ليت لو محتفظ بملف فيه أسماء جامعات أو أي ملف مختص ببحثك عن شي مناسب للتسويق ترفعه لنا

    وياليت تعطينا خطواتك في اختيار الجامعة والتخصص ونوع البرنامج المناسب

    مثلاً: نبدأ نبحث عن الجامعات الي توفّر تسويق بعدين نشوف نوع البرنامج الي عندهم وبناءً على نوعه نختار؟

    وايش أفضل للمتخرجين من تخصص مختلف عن إدارة الأعمال إنه يدرس في الماستر؟ تسويق عام مندرج تحت الإدارة أو تخصص دقيق؟
    وهل تخصص التسويق فيه رياضيات ويعتمد على قدرة الشخص في الحساب؟


    اعذرني أخوي على كثرة الأسئلة بس الي متخرج من قسم مختلف يضيع شوي في اختيار الشي الأنسب
    7 "
  4. التمييز سهل جداً .. في استراليا وبريطانيا كل الجامعات حتعطيك خيارات واضحه لما تبحثي في البوست جرادويت بروجرامز اذا كنتي تبغي course work or research .. اما في امريكا وكندا فحسب الجامعة وكل الي عليك تسويه لما تدخلي موقع الجامعة هو انك تروحي مباشرة عن طريق محرك اوالبحث العادي تحت programs .. او عادة تبدي بحثك من النك الخاص بالطلاب الدوليين .. الخلاصة وعلشان تشوفي البرنامج حتدخلي على الصفحه الخاصه فيه وتشوفي الستركشر او ( خطة ونوع الدراسة) وكل التفاصيل الي تتعلق في البرنامج. وقتها بس حتعرفي البرنامج هل هو كوورس وورك او يحتاج thesis .. والي اذكره في جامعات امريكا وكندا انو البرامج متقاربة في شكل ومحتوى وطريقة تدريس وستركتشرز بحيث الطالب ينهي عدد كريديت معين وبعدين يبدأ في مواد التخصص ( ان كان موجود) وينتهي بمشروع تخرج .. نرجع ونقول لازم نرجع مباشرة لمواقع الجامعات وتتأكدو.*

    اما الايجابيات فهي تعتمد على الطالب ان كانت عنده ميول لعمل البحث وله خلق خطواته وانو ياخذ كورسات بس علشان البحث.. بينما الكورس وورك فأنا فضلته لانو زي نظام الباتشلر كورسات وكل كورس ( مادة) لها واجبات وبروجكز خفيفة على طول الترم. قبل فترة كنت افكر في عمل ترقية بعثة علشان الدكتوراه وشاهدي هنا اني شفت جامعات في استراليا بمجرد مايكون عندك ماستر سواء كورس وورك او ريسيرش فهو مقبول.. والنقطه هذي احب اركز عليها هنا هي انو قد سمعنا انو مافيكي تكملي الدكتوراه الا اذا كان عندك ماستر بالريسيرش .. وهذا التعميم فيه شوية مآخذ.. هي كفكرة عامة ( افضل) لما تكوني مخططه للدكتوراه من حيث تعودك على جو ( عمل البحوث) ..

    بالنسبة هل التسويق يتطلب المام بالرياضيات والحساب .. هنا نقطة لازم تعرفيها
    في برامج الام بي اي لازم تكون فيه مواد لها علاقة بالاحصاء والاقتصاد والمحاسبة وكلها حتكون لتهيأة الطالب للعمل في مناصب يفترض انها ( ادارية وقيادية) .. يعني هذي المواد حتكون في الغالب متطلبات الزامية . حتى البرنامج الي انا فيه مثلا واللي هو (ادارة التسويق)المواد ذاتها موجودة ضمن المواد الالزامية ( لكن مقدور عليها) .. والنقطة الثانية هي اختبار الجيمات وهو متطلب للقبول في اغلب الجامعات الكندية والامريكية . بغض النظر عن امكانية وجود جامعات تتغاضى عن الشرط هذا في حالات معينه، لازم تحددو من الان خياراتكم بالنسبة للجامعات الي ماتشترط الاختبار او الجامعات اللي تتغاضى بشروط ثانية زي المعدل العالي او الخبرة العمليه لانو اذا انتي زي حضرتي مالي خلق هالشغلات حيصير الوضع يختلف ولازم تحطي هالنقطة في بالك في تحديد البلد .. وعلشان تكون عندكم فكرة كاملة عن الاختبار ياريت تسألو الطلاب الي دخلوه او ترجعو للمواضيع الخاصة بالذات في ملتقيات امريكا وكندا لان في استراليا عدد قليل من الجامعات الي تطلبة.

    المشاركه هذي حتكون متجدده بحيث المره الجاية حجي اضيف لها باقي الاجابات من غير كتابة مشاركة مفرده لكل سؤال.. يعني هذا مكانك
    7 "
  5. هذي إفاده مني بجامعات أستراليا المتاحه للماجستير هذي السنه
    لأن فيه جامعات كثير مغلقه بسبب التكدس

    ::
    جامعات أستراليا المتاحه للماجستير:
    ولاية نيوساوث ويلز NSW
    //
    The University of New South Wales
    The University of Sydney
    University of New England

    Macquarie University

    جامعة نيو ساوث ويلز
    جامعة سيدني
    جامعة نيو إنجلاند

    جامعة ماكواري
    //
    ولاية جنوب أستراليا SA
    //
    Adelaide University
    Flinders University
    جامعة اديلايد
    جامعة فلندرز
    //
    ولاية كوينزلاند QUEENSLAND
    //
    The University of Queensland
    Queensland University of Technology
    جامعة كوينزلاند
    جامعة كوينزلاند للتكنولوجيا
    //
    ولاية فيكتوريا VIC
    //
    The University of Melbourne
    Monash University
    جامعة ملبورن
    جامعة موناش
    //
    ولاية تسمانيا TAS
    //
    University of Tasmania
    جامعة تسمانيا
    //
    ولاية غرب أستراليا WA
    //
    The University of Western Australia
    جامعة أستراليا الغربية
    //
    Curtin University of Technology
    جامعة كورتين

    //

    أي أحد يستفيد بليييز دعوآتكم لي ربي يوفقني ويسهل أمري
    ويرزقني المحرم ويسهل أمره لي

    ,,

    وياليت لو تتبرعون تشوفون تخصص التسويق بهاالجامعات متاح أولا
    وأنا لوجمعت المعلومات برجع أضيفها ودعوآتكم + أعجبني
    عشآن أشوف مدى الإستفاده
    7 "
  6. الاخوان اللي اتصلو مباشرة على الوزارة للاستعلام عن وجود بريطانيا او استراليا ضمن دول ابتعاث المرحلة السابعة كانت الاجابة ( لا) .. وعليه وفي حال انكم ماتوفقتو في وحده منهم نصيحة اخويه توجهو مباشرة لامريكا. و عالعموم كم يوم وحيبين ان شاء الله واذا كانت بريطانيا واستراليا موجودتين وعني شخصياً حخلي اختيار رغبات الدول كالتالي .. استراليا .. بريطانيا.. امريكا .. واذا لا حتكون امريكا.. كندا.. نيوزلندا
    مع العلم انو الرغبه الاولى خصوصاً ان كانت امريكا حتكون نسبة تلبيتها كبيره جداً( رأي شخصي بالنظر لاستيعاب الجامعات ). بالتوفيق *
    7 "
  7. شكراً عبدالرؤوف و الأمل
    وربي يجزاكم كل خير ويوفقكم


    قريت عن الجيمات، اختبار صعب جداً للي مثل حالتي يكره الرياضيات
    وخايفه أقدّم على جامعات ما تشترط جيمات وتكون أي كلام (بالنسبة لجامعات أمريكا لأن أغلب الي شيكت عليها تطلبه)
    فـ هل سمعة الجامعة وترتيبها عالمياً مهم في اختيار الجامعة؟


    وإن شاء الله باخذ لفـّة على جامعات أستراليا وبريطانيا وأقارنها بجامعات أمريكا
    وإذا لقيت معلومات مفيدة باكتبها هنا
    7 "
  8. المشاركة الأصلية كتبت بواسطة Rorreta
    شكراً عبدالرؤوف و الأمل
    وربي يجزاكم كل خير ويوفقكم


    قريت عن الجيمات، اختبار صعب جداً للي مثل حالتي يكره الرياضيات
    وخايفه أقدّم على جامعات ما تشترط جيمات وتكون أي كلام (بالنسبة لجامعات أمريكا لأن أغلب الي شيكت عليها تطلبه)
    فـ هل سمعة الجامعة وترتيبها عالمياً مهم في اختيار الجامعة؟


    وإن شاء الله باخذ لفـّة على جامعات أستراليا وبريطانيا وأقارنها بجامعات أمريكا
    وإذا لقيت معلومات مفيدة باكتبها هنا
    بالنسبة لسمعة الجامعة ( عالمياً) حيكون لها ثقلها اكييد بس لاتنسي انو الي حينتظرك هو سوق العمل السعودي .. صحيح انو كليات ادارة الاعمال اذا كان لها اسم وصيت عالمي زي البزنس سكول تبع ستانفورد، هارفرد، شيكاغو، بنسلفينيا وغيرهم حتبني لك مستقبل وظيفي ( جامد) ..بس بالنظر لقدراتنا( انا اتكلم عن نفسي) وخلفيتنا الدراسية الي جينا منها ومهارات الدراسة ( المعدومة) حتكون هذي السكولز مع متطلبات القبول فيها ضرب من الخيال ( مو تحطيم قد ماهي واقعية) .. ع العكس، فيه سكولز تكون فيها الدراسة ( بالمقارنة مع الاسماء الكبيرة) جيدة وتفي بالغرض من ناحية التأهيل الاكاديمي وفي نفس الوقت حيبقى ستل اذا الله وفقك ( خريجة جامعة في البلد الفلاني او العلاني) والبزنس في السعودية ( الا اذا كان انترناشوينال بزنس ) ماحيفرق معاه كثير اذا كنتي خريجة الجامعة س او ص لأن في النهاية معايير اختيارك للوظيفة حتكون مش مجرد اسم جامعة بل حيتعداه لامور قد تكون اهم من مكان حصولك على الشهاده .. مغزى الكلام كله هو وانو على حسب تخطيطك لمستقبلك الوظيفي مابين انك ترجعي السعودية للشركات المحلية والي (في الاغلب ) ماعندها معايير توظيف .. او حابة الشغل برا السعودية في شركات كبيرة والمنافسة على البوزشنز حتكون ( مصيبة)... ومن الاخر كذا،، كليات ادارة الاعمال في امريكا لحالها بالالاف وماحتفرق مررررره يعني والشهادة فيكي تاخذيها من كل مكان بس الاهم والاهم والاهم هو انتي ك ( عنصرمنتج) و (شخصية ) و( مهارات عمل) .

    بقي تعرفي انو البزنس سكولز على مستوى العالم حيكون لها ثقل اكثر واعتبار اقوى لما تكون معترف فيها من AACSB .. جوجل ات.. لما تكون السكول معترف فيها من هذي الهيئة حيكون لشهادتها اعتبار ووزن اكبر بإعتبار ان هذي الهيئة تتبع معايير صارمة لتنصنيف جودة مخرجات وطريقة عمل كليات ادارة الاعمال وللمعلومية.. اذا يهمك انك تعرفي موقع الجامعة الي ترغبي انك تطلع لها في التصنيف فلا تروحي للتصانيف العادية اللي تصنف عموم الجامعة ( بناء على بحوث او موقع النت حقهم او مخرجات سوق عمل او او او ) ولكن توجهي مباشرة للرانكينجز الخاص بكليات ادارة الاعمال لان ياعزيزتي معايير التصنيف الخاص بالجامعات كثيرة .. خلي عن الغث والسمين منها وتوجهي مباشرة ( لتنصيف كليات ادراة الاعمال) .. لانو مو مستغرب انك تشوفي جامعة معينة قوية في تخصصات الادارة والبزنس بينما في اخر ذيل القوائم بالنسبة لتخصصات ثانية..
    7 "
  9. السلام عليكم
    اولاُ جزاكم الله كل خير على ما تقدمونه من وقت وجهد
    ثانيا انا عندي بعض الاستفسارات علماً ان تخصصي محاسبة
    التوصيات متى تقدم
    الدراسة هل يوجد شي بدون رسالة اوبحث
    لغتي=صفر حروف وارقام فقط
    افضل دولة لتخصصي او ولاية
    وماهي الجيمات والقبول المشروط
    وهل mba يكمل دكتوراه
    وما نستغني عن نصائحك

    شكراً
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.