السلام عليكم ورحمة الله وبركاته :)
عمتم صباحاً او مساءاً حسب توقيتكم يا اعضاء وزوار منتدى مبتعث الافضل على مستوى المنتديات على الاطلاق
مش عارف من وين ابتدي موضوعي بالضبط
لكن اول شي راح اعرفكم عن نفسي بعدين راح ادخل بالموضوع ( دايركت ) :p
انا محمد المانع متخرج من الثانويه العامه سنة 1425/1426 لكن الموضوع مش بهالخصوص لسا :proud:
انا موظف باحدى شركات سابك من اكثر من خمس سنوات والحمد لله متزوج ( بديت بالموضوع تقريبا ) وزوجتي متخرجه من الجامعة تخصص بكالوريس كيميا (تربوي ) بمعدل 87.89 ولله الحمد
وبخصوص المرحله السابعه من برنامج الملك عبدالله حفظه الله ورعاه للابتعاث جميع الشروط مستوفاه لزوجتي
( عشان الماجستير )
لكن المغامره اللي راح اسويها ان شاء الله اني راح استقيل من الشركه في حال تيسرت الامور ورحنا امريكا وسبب الرغبه في الاستقاله هو انعدام الافق للتطوير الوظيفي والاجتماعي والرغبه في الالتحاق بالبعثه هناك كمرافق في البدايه بعدين راح ادرس واصير مبتعث لاحقا ان شاء الله
(((((( لكن مو هنا المشكله))))))
المشكله خويكم ( اللي هو انا ) مو عارف تقريبا كثير بهالخصوص ومن فتره جالس ابحث والحمد لله استفدت كثير من المنتدى ومواضيع الشباب
لكن ما زلت ابحث عن اجوبه بعض الاستفسارات لدي:help: مالقيتها للحين فقلت اكتب الموضوع ان شاء الله راح تساعدوني فحبيت اذكر بعضها واهمها
1/ هل الوزاره راح تختار الولايه والجامعه والمدينه او راح اكون مخير بذالك ؟
2/ من ناحية اختيار المكان المناسب ( الولاية / المدينه ) اذا كان اختياري؟.. وجدت تضارب كبير لدى المبتعثين من حيث الاراء . لكن المهم لدي هو الامن والوضع المادي للمكان اللي ادوره . فهل هناك اراء تقدرون تطرحونها ومدن تنصحون بها العوائل ؟
3/ ما هو الافضل البحث عن معهد للغه او الاتكال على الوزاره مع الاخذ بعين الاعتبار باني الى الان لا اعلم الى اين سوف اذهب (الولايه / المدينه )؟
4/ هل يجب مراسلة الجامعات للحصول على قبول حتى لو لم يبداء التقديم على الوزاره ؟
5/زوجتي خلصت البكالوريوس في الجامعه هل تحتاج الى توصيات للتقديم على الماجستير في برنامج الملك عبدالله للابتعاث؟
6/ هل تقوم الوزاره بتوفير قبول للمعهد لدراسة اللغه فقط ام توفر القبول للجامعه ايضاً لو راح اعتمد على الوزاره ؟
