مرة حزينة افيدوني ياطلاب الابتعاث

اول حاجه المعدل .. معدلك ياستي ولا احلى وجاي على شرط الوزارة والدول خياراتك برضك ولااحلى
امريكا .. الفرص اكثر من ناحية القبول والمدن المناسبة مقارنة بباقي الدول .. كندا كخيار ثاني برضك كويس .. واستراليا نقلاً عن الاخوان الي تواصلو مع الوزارة بالفترة الاخيره مش موجوده ضمن الدول.. فوق هذا كله نقدر نقول نسبة تلبية الرغبة الاولى وخصوصاً امريكا مره كبيره..تخصصك حترتاحي لما تكملي فيه على عكس التخصصات الثانيه زي البزنس والصحيه سواء في امريكا او في كندا. الباقي عليك تسجلي بكره وتنتظري كل الاجراءات تخلص لحد مايجي الترشيح النهائي.. بعدها تشتغلي على الخطوات الثانية زي القبولات المشروطه وبعدها الفيزا.
الله يسهلك
*

يعطيك العافية خيووووو تسلم عن جد خليتني اتفاااااااائل كتير ربي ييسر للكل ياكريم

طيب برضو بسال للي يدرسو بامريكا هل الرياضيات صعبة فيها مع انو اسمع انو برا غير جامعاتنا هنا يعني اهم شي اللغه وكل شي يمشي

يعني متلا انا يعني تقدر تقول لغتي مقبولة نوعا ما افهم للعالم بس هااا يمشي وااتكلم كلام خفيف يعني اساسيات بس اهم شي من دا كلووووو التخصص نفسوووو مرة خايفة ناس تقول خدي غير تخصصك تنصحوني بدا ؟؟؟؟

بالزبط ياستي .. متى ماكانت لغتك اوكي حتكون دراستك الاكاديمية عال العال.. بس هذا مو معناته انو بتعلمك اللغه فقط وفقط حتنجحي وتتفوقي بدراستك .. خلي ببالك ان الجهد والحرص لأن اللغه الجيده والدراسة بجهد وحرص يعني تفوق اكييد اياً كان التخصص مع العلم ان دراستك للماستر في نفس تخصص الباتشلر حيساعدك كثيييييييير في الاستيعاب.. لأن وقتها وضعك بيصير افضل ١٠٠٠ مره من الطلاب الي حيدرسو تخصصات جديده عليهم.. انا الحمد لله دراستي للباتشلر في ادارة الاعمال خلت من دراستي للماستر في نفس التخصص امتياز في امتياز على عكس زملائي الي حايين من تخصصات ثانية.

نجي للناس الي تقولك خذي تخصص غير تخصصك ..ايش حتاخذي مثلاً ؟؟ حتدرسي بزنس؟؟ ولا تجاره الكترونية؟؟
ستي قبل اي حاجه لازم تعرفي انو وقت ماحتعبي بياناتك وتسجلي للابتعاث حتيجيلك خانه تحت هي عباره عن تعهد بدراسة نفس تخصصك للباتشلر اذا كان موجود ضمن تخصصات البعثة وهذا ينطبق عليك.. اما موضوع تغيير التخصص بعد السفر فهذي لحالها سالفه جديده يحتاج لها دلة شاهي منعنع وكيلو فصفص.

بالتوفيق *

تسلم يااااااارب ويعطيك العافية خيووو على دي النصائح اللي عن جد افادتني كتير

بس يانااااس في احد من طلاب الرياضيات في امريكا وكندا يفيدنا اكتر ووووي وينكم