الأعضاء الإشتراك و التسجيل

الملتقيات
ADs

ديوانية ( التسجيل الالكتروني للابتعاث ) .. مشاكل وتساؤلات وحل وسواس فترة التسجيل

ديوانية ( التسجيل الالكتروني للابتعاث ) .. مشاكل وتساؤلات وحل وسواس فترة التسجيل


NOTICE

تنبيه: هذا الموضوع قديم. تم طرحه قبل 4624 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AbDuLrAoOf
    AbDuLrAoOf

    مبتعث مبدع Amazing Member

    AbDuLrAoOf الولايات المتحدة الأمريكية

    AbDuLrAoOf , ذكر. مبتعث مبدع Amazing Member. من الولايات المتحدة الأمريكية , مبتعث فى الولايات المتحدة الأمريكية , تخصصى Business , بجامعة Portland State University
    • Portland State University
    • Business
    • ذكر
    • Portland/Dammam, OR
    • الولايات المتحدة الأمريكية
    • Sep 2007
    المزيدl

    August 2nd, 2011, 04:28 PM

    مسا الخير ع الجميع .. رمضان مبارك علينا وعليكم والله يعينكم صيامه وقيامه
    فترة الاربعه والعشرين ساعة الماضية كانت ( ماراثون) تسجيل للمرحلة السابعة من برنامج الابتعاث .. اللي حتى الملتقى ( جفط) من كثر الضغط في الزيارات.. هذا الموضوع بكل بساطه حيكون لتوضيح اهم النقاط والرد على التساؤلات والاهم من هذا وذاك ( علاج حالة الوسواس ) الي يمر فيها الطلاب الي سجلو وحيسجلو طوال فترة العشره ايام الجايه ..

    المهم الي الكل لازم يعرفو هو انو الوقت لازال بكير وعندكم عشرة ايام فيكم تسجلو بآي يوم وبآي وقت ومافيه ابدا فرق مابين الي سجل اول او اخر واحد .. الامر الثاني هو انو بالنسبة للبيانات اياً كانت ( بيانات البعثه والشخصية والاكاديميه ) في نموذج التسجيل فبالآمكان تعديلها وعندكم لآخر دقيقة قبل لايقفل السستم علشان تسووها.. للاخوان الي يسآلو عن التخصصات والدول ومحدوديتها فهززززا ماجادت به يد الوزاره عليكم والاختيار من الموجود لازم يكون بنا على بحث والاخذ بالاعتبار الدرجه العلميه الي حتطلعو لها والتخصص ..

    نجي للسؤال عن الجواز وهل هو مهم يكون موجود ولا لا .. الجواب لامو ضروووووري مره يعني .. ولو تشوفو حيكون فيه بوكس فوق خانة بيانات الجواز يسألك انو ادا ماعندك جواز سفر في الفتره الحاليه .. الي ماعندو جواز يأشر على البوكس .. ومافيها خوف وماحتأثر في قرار قبول الطلب ولا لا .. يعني اختياري بسسسس وقت التدقيق لازم يكون عندكم جواز السفر.

    الاسم بالانجلش .. الاسم فيكم تكتبوه بأي طريقه تبغو .. يعني من شمال ليمين ..من يمين لشمال .. فوق لتحت .. تحت ل ٩٠ درجه غرباَ .. ماتفرق وبرضك اسم الجد لو كان اسم كامل او اول حرف بس برضككككك عادي .. وزي ماقلنا التدقيق هو المهم

    التخصص .. للأسف انو فيه من الطلاب الي حيقدمو ومو عارفين انو تخصصات البرنامج محدوده ... كثيرين يسألو تخصصي مو موجود من ضمن التخصصات .. هدا طبيعي وزي ماقلنا التخصصات (محدووووووودة) .. للي تخصصاتهم نظرية مالهم خيار الا التخصصات النظرية .. ماحدخل في التفاصيل لأني حفترض انكم حتبحثو عن موضوع التخصص .. بس الي اقدر اقوله انو اصحاب التخصصات النظرية علشان يكملو طلبهم لازم يختارو اما التسويق او المالية .. التأمين من بدأت البعثة ونادر اسمع انو احد درس تأمين وعلشان كدا الخيارات محدوده في التخصصين السابقين ... اللي يسأل عن تغيير التخصص بعد السفر هدا موضوه لحال

    المايك عندكم ....
  2. الموقع مو راضي معلق عند البيانات الشخصيه مو راضي يتغير

    وينقلني للبيانات الاكاديميه
    مع العلم كل بياناتي كاااااامله .....

    لي يوم و دخلت باليوم الثاني وبرضضوا مو راضي كل اشوي اعمل تحديث للصفحه واعيد ادخال البيانات ونفس المشكله
    7 "
  3. ان الموقع يعلق فمو مستغرب علشان الضغط .. اللي وقف عند البيانات الشخصية او بأي خطوه للتسجيل لايشيل هم لأنو مادامكم ماانهيتو كل النمودج ومااخدتو رقم الطلب فمعانتو لساتكم ماحتعتبرو مسجلين .. انتظرو لحد مالوزاره تزبط المشكلة التقنيه وراح تتسهل اموركم .. الموضوع مايستدعي القلق
    7 "
  4. المشاركة الأصلية كتبت بواسطة Queen of world
    وانا كمان عندي نفس المشكله..اعيد وادخل البيانات مره ثانيه ولا فيه فايده يوقف عند البيانات الشخصيه..
    الحــــــل؟؟؟
    مو قلنا مشكلة الضغط ع السستم ... ادا مررررره مستعجله .. وقتي منبهك ع الساعة ٩ الصباح وقتها ان شاء الله الضغط حيكون خف لأن الفتره مو دروه .. سجلي وارجعي كبري المخده
    7 "
  5. تشكرات على الموضوع
    عندي مشكلة في اسم المرافق , لما اجي عند طباعة الطلب
    الاقي اسم شقيقي مع اللقب لا صقين مع بعض بدون مسافة..
    ( بقولهم الغلط منكم مو مني ) ههههههه
    --
    موفقين ان شاء الله في التسجيل ,
    الاوقات اللي ما فيها ضغط ( وقت الفطور , او قبل الفطور بـ ثلث ساعة ) << والله اعلم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.