تجمع واستفسارات لطلاب ماجستير الحاسب الالي

سؤال من فضلك

على أي ايميل راسلتي الوزارة بخصوص اختيار التخصص ؟؟ لأنه أنا ماستر تقنيات تعليم وابغى أختار إن شاء الله دكتوراه تخصص علوم حاسب .. وابغى اسألهم ينفع أو لا ؟؟

وجزاكِ الله خير

^

أعتقد ايميل الاستفسارات
هذا هو kasp@mohe.gov.sa


و الاخوان متجاوبين ويردون بسرعه
الله يعطيهم العافيه انا بنفس اليوم ردو علي
اذا فيه شيء غيره مخصص لاستفسارات التخصصات
فَ مالي علم ،، و أتمنى إني أفدتك = )

اهلين بالزميل

والله وانا اخوك
مشكلة دول اوربا غير بريطانيا
اننا لازم ندرس لغتهم
يعني مثلا تخيل تدرس في فرنسا
لازم تدرس بالفرنسية [من شروط الابتعاث]
يعني يبي لك اقل شيء سنة لين تتعلم لغتهم
وبعدها تبدا في الدراسه
واكيد ما بيكون فهمك مثل لو انك تدرس بالانجليزي

اتوقع ان اختصارا للوقت وحفاظا للمجهود
الناس صاروا يروحوا [امريكا - كندا - بريطانيا - استراليا]

من اي جامعه متخرج ؟

الله يعطيك العافيه
وجعلهم يارب يقبلونك بالعثه انتي واللي معاك
وانا بعد

شوفي علوم الحاسب
هو اسم عام لكل تخصصات الحاسب
يعني انتي اول شيء تختارين علوم حاسب
وبعدين تختارين اي تخصص من هالعلوم
وهي كثيره مره ومن ضمنها نظم المعلومات
ونظم المعلومات الادارية وغيرها الكثير

:/

السلام عليكم
عدناا اليكم بعد حووسة السفريات والتقديمات
بصراحة شي حلو انه لقيت تفاعل بالموضوع
لي عووده بعد الفطوور
سيييييييييييا

هلا فيك اخوي عجبتني يالزميل ... مشكور حبيبي على وجهه نظرك وما انسى الاخت كمان برنس .... يعني معقوله موضوع اللغه هو اللي مصعب عليكم الامور بسيطه جدا من كثر ما تفقعت عيوني بالبحث بالجامعات الفرنسيه والله ياشباب تخصصات جباره وجامعات قويه واذا عاللغه بسيطه ياحبيبي طبعا انت مجبور تدرس بمعهد فرنسي بس منت مجبور تدرس الجامعه بالفرنسي لانه اغلب الجامعات فيها نظام الدراسه بالانجليزي والفرنسي وانت مخير اذا بتدرس انجليزي لازم تجيب اختبار ايلتس 5 وتكمل الماستر سنه وحده ... اذا بتدرس الماستر بالفرنسي تدرس ياحبيبي سنتين ... اذا مثلا انجليزيتك ضعيفه بمجرد ما تتعلم الفرنسي لمده سنه تاكد ان الانجليزي عندك بيقوى جدا لو تاخذ كورسات خفيفه بالانجليزي وياكثر المعاهد بفرنسا .. بكذا ياحبيبي استفدت حاجات كثيره من سفرك لفرنسا ... اولا تعلمت اللغه الفرنسيه وقويت اللغه الانجليزيه ... ثانيا قبول الجامعات عندهم سهل جدا جدا لانها تعتبر جامعاتهم شبه مجانيه وانت بكيفك تكمل الماستر بالانجليزي او الفرنسي ولو حبيت تكمل انجليزي بس يبغونك تجيب بالايلتس 5 مو مثل امريكا وكندا 6.5 .... الشي الثالث الجامعات المعتمده من قبل وزاره التعليم العالي جامعات قويه جدا وتصنيفها بالعالم يعتبر من افضل 300 جامعه بالعالم ...........

نجي للاستفاده الاخرى من سفرك لفرنسا .. بالنسبه للفيزا اللي بتاخذها بامكانك تتنقل فيها بين دول اوروبا بهالفيزا يعني عندك اجازة وتبغى تغير جو تجهز اغراضك ويالله ياشباب على البندقيه .... الاجازة اللي بعدها وين ياشباب
على المانيا ... اللي بعدها على بولندا وهاتك وناسه ماحتشوفها بامريكا >>> الوناسه اللي اقصدها وناسه عاقله ومو اللي ببال اي احد

اي استفسار عن فرنسا من جميع النواحي انا تحت الخدمه والله يكتب اللي فيه خير لنا

الله يعطيكي العافية ياقمر يوفقك يارب ..مشكوره

يارررربي أنا كل واقتنع بدوله وااقلم نفسي معها ألقى ناس تمدح غيرها

كنت حاطه فرنسا وأثراها بأيرلندا وبعد ما قريت رد الاخ علوش رجعت اميل لفرنساا

والحل ؟