بخصوص المعروض الخاص بالملك لمرحلتي (البكالوريوس و الماجستير )

بنات شرايكم ترسلون المعروض اللي ارسلناه للملك لوزير التعليم العالي,, الدكتور العنقري نسيت اسمه

مين تتبرع وترسل, أنا رسلت له مرتين, أخاف أرسل الثالثة ويقبلون الناس كلها الا أنا..

كل وحده تدخل على الموقع وترسل,, مو شرط بالأسماء نكتبة بصفة عامة لجميع طلاب وطالبات البكالوريوس اللي تقديرهم جيد, ونطالبهم يرجعون شروط الابتعاث مثل ماكانت بالمرحلة الثالثة, المعدل 2/4 و 3/5

http://emw.mohe.gov.sa/newEmsg/publicInquery.aspx


يلا ياجماعة خلونا نتحرك مازال عندي شوية أمل

حلمي اهاجر ايش نكتب بالتفصيل
الصقيه هنا وانا راح ارسله للموقع اللي انتي حاطته تبع التعليم العالي
وهل بالاخير اكتب اسمي او مو لازم

ان شاء الله يتنازلوا شويه عن المعدلات للماستر بس العدد احس قليل حق المرسلين ياريت كنت ادري من قبل وضميت صوتي

تقدري اليوم تضمي صوتك
بنرسل من جديد
الكل سواء بنت او ولد
ارسلو
اسمكم الرباعي + المعدل + رقم الاستماره + الايميل
واذ كنتو ماستر او بكلوريا
قبل الساعه 9 مساء غد
واي استفسار عندكم الاخت ريم او حلمي اهاجر او نادر غلاها
انا مااتواجد الا بكره بعد المغرب
وسلامتكم

هع
ارسلت لهم مرتين حتى انا من اول ايام التسجسل ولكن لاحس ولاخبر

حبيبتي ارسلي له نفس المعروض اللي بأول صفحة, بس اللهم غيري من اسم الملك الى الوزير, يعني بدال خادم الحرمين,, حطي معالي الوزير

ولازم تحطين اسمك الرباعي ورقم الهوية من البداية قبل ماتكتبين المعروض, هم طالبين منك ,, وبنهاية المعروض لاتكتبين اسماء مو ضروري,, أكتبي خريجي وخريجات البكالوريوس.

انا بعد ارسلت مرتين ولحد الآن لما أحط استعلام عن معاملة, أشوفهم واقفين مو راضيين يتحركون ويروحون للوزير..

أول وحده رسلتها يمكن من شهر ونص الى شهرين وماوصلت له,, هذا وهو وزير, أجل شلون المعروض اللي أرسلناه للملك!!!

ربكم يعين بس بنات لاترسلون كثير اخااف انتو تتورطون
ولاشي ارسلوا مرره مرتين كفااية اكثر من كذا لحد يرسل

اقوولكم مالنا الا حد نعطيه المعروض ويسلمه يد بيد
والله اني قريت كم موضوع من عام 2007 وعام 2008
راحوا سلموا معاريضيهم يد بيد حتى لحقوون الدبلوم كان
الابتعاث مقفل عنهم وسلموه يد بيد وابتعثوا

المشكله اني من سكان الجنوب يعني بعيده حيييل عن الرياض
ولا والله كان ماتعبت نفسي وارسلت بالبريد كان رحت راس براس


مالنا الا ندعي بهالشهر الفضيل وربكم يفرجها

موفقين ياارب

صح كلام نادر غلاها وصدقوني مالنا الا الدعاء فهالشهر الفضيل

والاستغفار وأكيد الله بيرزقنا ويحقق كل اللي نبيه

الله بفرجها علينا ويفرح قلوبنا بإذن الله

ياإخوان وياأخوات :

انا من الرياض ..

انا تخصصي رياضيات معدلي 3.40 وكتبت في الطلب المعدل صحيح

اذا يمدينا نسلم معروض عطوني بس المعروض وعلموني وين اروح بالظبط وانا اسلمه يد بيد ان شااء الله

اتمنى التوفيق للجميع