مهم لكل من قدم في ابتعاث للمرحلة السابعهـ ( WARNING)

للآسف انه كلامك سليم !!

لان الغالبية تغريه الحياة هناك والانفتاح بعد إنغلاق وتخلف هينا على (قولته !)

الله يعطيك العافيه يارب ​

هههههههههههههههههههههه

اكيد الشاب لما يشوف الحمران والشقران والجسم اللي لو دخلته من مزاز دخل والبنت تشوف من ذول الطوال والعراض والعضلات المفتوله ... ويش تتوقع ؟؟

المشكله في جذور التربيه اذا كانت صالحه او طالحه

فيه عوايل تبي تفتك من عيالها سفرتهم ... وفيه اللي يبي فلوس من عيالهم سفرهم .. وخلاص اهم شي الفكه والفلوس والباقي ميح

ولو ايضا الحكومه تزيد خناقات كان محد راح وفسق ولو تحط مثل قسم كامل للسعوديين محد يطلع تخليهم صندقه محد يطلع كان زين .. بس ويش تقول اذا اكرمت اللئيم ..

بس اللحين اتوقع الناس وعت زياده وتعرف اللي راح يحصلها اذا خالفت لو كان الاهل على درايه ومراقبه دوريه كان انحشر وعرف\ت حدوده\ها

الله المستعان

اختي حتي الصحبه احيانا تقلب
اذكر اللي قالت الدكتور طارق السويدان انه صاحبهم هو اللي يصحيهم للفجر تعرفي اختلاف الزمن والوقت بس سبحان الله هو اللي يصحيهم بس بعدين قلب وصار شقته كله بنات وبارات والعياذبالله

الايمان القوي المغروس هو الاساس والاهل يدعمونه

دمتي

ذول الاشكال الابتعاث فيهم حرام ضيعوا طريقهم يروحون اقرب كنيسه يتوبون لانهم لو رجعوا ياخذون حكم المرتد ........ وعالطول تفتيش راس
مضيعين وربي ..ولو اكرمت اللئيم ؟؟؟
الملك يتعب على ناس دايخه

الله لا بلانا ماعمره شاف خير

اللهم لك الحمد

صدقتي ..
بس اتمنى ما اقابل هدي الانواع ان شاء اله

يسلمو بايب منورين .
والله يهديني ويهديكم جميعــآ


بالتوفيق

لقد اسمعت اذ ناديت حيا ,,. ولكن لا حياة لمن تنادي !







يمكن تفيض قريحتي للكتابه وارجع اكمل الرد هههههههه :$

اولا ما معنى قريحتي << ممكن استفيد منك
تانيا منور وادا بتكمل كمل أخوي ^^

منور لاهنت

بسم الله الرحمن الرحيم ..

والله يااختي جومانه الحديث عن هالموضوع يطول , ومن الاحاديث ذات الشجون :$

انا موب وحده او واحد قالو لي .. انا للاسف شفت بعيني لكن الحمدلله اننا نتكلم عن نسبه تشكل اقلّيه ...

صراحة المكان لايسمح لي اني اسهب في الحديث والله عن بعض المواقف اللي شفتها

موب من بشاعتها لا لدرجة استغراب كيف وصل الموضوع لدرجة ذي !

بغض النظر عن انها اختراق لقانون البلد اللي هو متواجد فيه حتى لكن الشكوى لله ..

الحكي هنا موب على المواقف اللي شفناها لان شفنا كثير وسمعنا اكثر ...

لكن السؤال هالنماذج ليه نشوفها !؟ في نظري لأسباب كثير .. وبسردها بشكل سريع ...

1- اول سبب وهو السبب الجوهري والاساسي ان الحافظ الله ! هي ابتلاء من رب العالمين الله يبتلي عباده لحكمه
فالواحد اذا شاف مثل هالمناظر يقول الحمدلله الذي عافانا مما ابتلاهم .. لان والله موب خير او عقل اننا ماصرنا مثلهم
كثر ماهو حفظ من الله لنا من هالبلاوي والفتن والحمدلله والله انها نعمه ...

2- يقولون الاوليين من شيباننا " العود من اول ركزه !" فغالب النماذج اللي تشوفينها او تسمعين عنها
موب بسبب ابتعاث او انفتاح او الخ .. هو قل تربية اللهم لك الحمد ! يعني كيف كانت تربيته هل تربى على الاسلام ام على عادات وتقاليد
او كانت تربيته على مبدا " وش يقولون عنك الناس"

3- الصحبه ! شبابنا من يماشون ! وهذي برضو مشكلة عويصه .. اذا كان القروب فيهم خير بيعينون الواحد عالخير واذا كان القروب فاسد بيفسد الواحد معاهم ولو على المدى البعيد ... اذكر كنا قروبات فينا الصالح وفينا الطالح .. والله كانو يجونا اسبان وايطاليين معانا بالكلاس نطلع سوا ونتمشى سوا ونلعب سوا واحيان مثلا
خصوصا ايام الويك اند اذا الواحد جالس موب طالع لمدينه ثانيه نجتمع ونطبخ ونلعب فكانو معانا مره مبسوطين .. منحاشين من البارات والديسكو وقلة الحياء لانهم رغم جهلهم بالدين الا واحد فيهم يقول اذا شربت احس اني حثاله ! ههههههههههههه

4- الشفاحه ! ههههههههه نعم فيه شي عندنا اسمه شفاحه واحد ماقد شاف خير ! .. وفجأه تطلعه تنطله في محل لا رقيب ولا حسيب

خصوصا اللي يكون مكبوت ف يكون مؤهل جدا للانحراف بس عاوز توجيه ههههههههههههه ويطلع بعثه ويحقق مبتغاه !

5- الزكرت ! ذولا عاد خلقه مخربينها قبل مايطلع شيء اسمه ابتعاث .. وجاته بعثه وبصراحه فكنا الله منهم خلهم يدعثون برا






طبعا شفنا انفلات كثير شباب وبنات .. سواء كحوليات او مخدرات وعلاقات محرمه الله يعافيهم مما ابتلاهم ...

وللاسف والله رغم انهم اقلية الا انهم يأثرون في سمعتنا

لكن في المقابل شفنا ناس مشرّفه ... بنات وشباب ... ملتزمين بدينهم و بقيمهم وعاداتهم وتقاليدهم ..

حتى كثير شباب وبنات بتعاملهم مع الغير يجبرون اللي حولهم على احترامهم وحتى على احترام ديانتهم ...

اذكر واحد من الكلاسات كان وقت صلاة الجمعه ... وكان تعميم المدرسة اصلا لجميع الطلاب المسلمين ان يوم الجمعه

ليس يوم اجازة فاي واحد يغيب بيحسب عليه .. ! طبعا انا حاولت اعدل الوقت ماقدرت .. دخلت كلمت المدرسه وقلت لها الموضوع كذا كذا

وقالت لا ومدري ايش قلت شوفي انا في البداية استاذنك لكن ان مالقيت تجاوب بصير احط عندك خبر اني بمشي و تبين تخصمين اخصمي

انا مثل ماني ملتزم فيك كعلم ملتزم بديانتي ، وانتي تعرفي هالشيء ..

المهم دخلت وجلست مرت نص ساعه وجاء وقت الصلاه رفعت يدي قالت اطلع واتفاجئ معاي 4 طالعين ههههههه

وصار هذا نظام كل جمعه فجاء يوم من الايام كان فيه واجب وانشغلنا فيه ومر الوقت ماحسينا فنادتنا قالت فلان وفلان وفلان وفلان (ياللا) صلاة تايم ههههههههه




وفيه نقطه ودي اتكلم عنها .. فيه مبتعثين طايحين بشيء العن من الكحوليات والبنات والمخدرات ... طايحين بأعراض الناس !!

يعني والله للاسف فيه ناس تلقى فلان ماعجبه يطلع عنه انو سربوت وانو خربان والخ الخ الخ ! وهذا البهتان بعينه ومريت بعينات كثيره من هالنوع

وتسئله شايفه ! يرد لك ببرود لا يقولون !... برضو نفس الحكي على البنات تجيك وحده بحالها يطولها الحكي وخذ لك ياطعن في اعراض المسلمين !

عالاقل ذنب الشراب والمخدرات وبرضو البنات على الشخص نفسه ! وزره هو يتحمله وبينه وبين الله والله غفور رحيم ...

بس اعراض الناس ! هذي ماتطيح وزرها الا لما تروح للشخص وتقول له انا حكيت فيك سامحني بعد مايسامحك تطلب من الله المغفره ...




واخيراً نصيحة لما الواحد يشوف مبتلى من اللي ابتلاهم الله بغض النظر عن الجرم اللي هو يسويه ... لاتحكم عليه لا تحكم عليه ...

لانك ماتدري ايهم اقرب لله انت او هو ! ممكن انه مبتلى بهالمعاصي لكنه يعمل بينه وبين ربه اعمال نعجز انا وانت نعملها ...

فالواحد منا اذا شاف من ابتلاه الله يدعي لنفسه بالثبات ولااخوه المسلم بالهدايه ..




طولت عليكم :$ لكن فاضت قريحتي ههههههههههههههههههههه <<ازعجت امهم بهالقريحه هههههههه