الأعضاء الإشتراك و التسجيل

الملتقيات
ADs

تعال تعال .. اقرا وركز يمكن تستفيد :$

تعال تعال .. اقرا وركز يمكن تستفيد :$


NOTICE

تنبيه: هذا الموضوع قديم. تم طرحه قبل 2341 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية .S.
    .S.

    مبتعث مجتهد Senior Member

    .S. السعودية

    .S. , ذكر. مبتعث مجتهد Senior Member. من موريشيوس , مبتعث فى السعودية , تخصصى إدارة أعمال , بجامعة كينق سئود يونيفيرستي
    • كينق سئود يونيفيرستي
    • إدارة أعمال
    • ذكر
    • الرياض, الرياض
    • موريشيوس
    • Dec 2010
    المزيدl

    August 22nd, 2011, 08:38 AM

    السلام عليكم ورحمة الله وبركاته ...

    يالله حي كلاً بأسمه .. اخواني اخواتي .. زملائي وزميلاتي ... مبتعث ومبتعثه ... طالب وطالبه ... <<خلاص يرحم امك ههههههههههه

    والله حاولت اكتب مقدمه ماش منيب اعرف عشان كذا قايل لكم خلوني ادخل في الموضوع دايركت وشوله اتفنن ! التفنن لااهله :$

    شوفو الله يرضى عليكم ويوفقكم وييسر اموركم ... انا منيب صاحب العلم الكامل ولا خبرتي قوية ولاني ذاك اللي ينضرب فيه المثل عشان اسمي اللي ابي اقوله في هالموضوع نصائح لكم

    لكن خلوني اسميها تجاربي اطرحها لكم ! ووبرضو كل من كان له تجربه يطرحها عشان ننور اخوان واخواتنا المبتعثين اللي ممكن كثير منهم اول مره يدرس خارج السعودية

    الموضوع اللي حاب اتكلم عنه موب عن جامعه ولا عن معهد ولا عن الملحقيه ولا عن اي شي يخص الدراسه ... الموضوع هو عن حياتكم اليوميه عن تعاملكم مع الغير عن المجتمع اللي بتروحون له !

    كثير من المبتعثين كل تفكيره وتركيزه واستفساراته يا عن قبول لغه او قبول جامعه او او او ... لكن نسى وش بيمر به بمجرد وصوله لمقر بعثته

    طبعا هو بيواجه اشياء كثيره ولاهي صعبه ان شاء الله ويقدر يتعامل معها بكل سهولة فقط لما يركز شوي ...

    في الغالب انو خلال الشهر الاول المبتعث بيضيق صدره بيحس الجو تغير عليه ممكن توصل لدرجة انه ندم انه فكر بالبعثه لكن نصيحة لحد يستسلم بهالسرعه صدقوني انها فترة تمر بنسبة كبيرة من المبتعثين وهذا شي طبيعي

    يعني اذكر واحد من الشباب اتصل علي من امريكا ماله سبوع واصل ! فكان يقول والله يا ع اني احيان اقفل علي الغرفه واصيح ياخي ابي ارجع وش السوات ! مع العلم انه متحمس للروحه وكان ينتظرها على احر من الجمر بس راح هناك وجاه طفش فجأه ! فقلت له ياصديقي ضايق صدرك ! انثر دموعك بيديك ورجليك موب عيب صك على نفسك الغرفة وصح لين تغرق الوساده دموع محد داري عنك...
    ماتنوم من ضيقة الصدر ؟ داوم مواصل ... مالك خلق تاكل كويس فترة رجيم ! المهم انك تسوي اللي انت طلعت من السعوديه عشانه وبس تحمل شهر ! والله ياجماعة الخير اني كل صبح وانا طالع للدوام يكلمني ويكرر ضايق صدري وضايق صدري ياخي برجع وانا اشب فيه واهاوشه واذكره باهدافه وكلامه قبل البعثه وبدت تقل اتصالات يعني كل يومين كل ثلاثه ولا يدق علي الا اذا دقت امه ههههههههههههه لانه يضيق صدره ويبي يفضفض لبى قلبه ... طبعا الرجال ماكمل سبوعين ونص الا هو متأقلم وماشيه اموره الحمدلله ومرّت فترة الكآبه هههههههه

    تذكر ممكن تمرك حالة كآبه وطفش وضيقة صدر بداية الأمر لكن تذكر انها مسألة وقت وراح تتعود وغالبا ماحتاخذ منك شهر بالكثيرر


    ***********

    وهي السكن ... طبعا ماراح اتكلم عن الشقق او الاستوديو لاني ماقد جربتها فكل سكني كان مع عوائل ...

    في الغالب لكل عائله بعض الضوابط حاول انك اول ماتوصل تسأل عنها مثلا بعض العوائل تقول لك لاتجي متاخر وانا بصراحه مامريت بهالشي بس غالبا يقولون هالكلام للي عمره تحت 18
    بعض العوائل تمنع التدخين في البيت فاحرص على هالنقطه ... بعض العوائل تقول لك لاتجيب اصحابك عندنا في البيت البيت لك لحالك ... بعض العوائل تقول والله احنا مانغسل الملابس تبي تغسلها بنفسك اوكي
    وبعضهم يغسلها لك بس انت اللي تكوي ! فأنا كنت اقول لهم خلاص غسلو ملابسي واكووها واعطيكم فلوس واتفق معهم على مبلغ معين وتقدر احيان تقول لهم لاتسوون لي اكل بس مثلا غسيل الملابس مجانا يعني تقايضهم عشان توفر انت برضو .. في عوائل تطلب منك انك تفسخ جزمتك وانت بكرامه قبل تدخل البيت عشان ماتوسخ البيت خصوصا لو كان مطر

    طبعا اغلب هالضوابط من حقهم لان برضو البيوت لها حرمتها لكن فيه ضوابط مخيسه ! من روسهم

    هناك عوائل تقول لك لا تاخذ شاور الا مره وحده باليوم ولمدة خمس دقائق او عشر ! طبعا عشان فاتورة الماء وكذا اذا هالشي يناسبك اوكي اذا مايناسبك ياتتفق معهم او تدور غيرهم

    هناك عوائل تقول عشان تستخدم النت تدفع فلوس بعضهم يحسبه باليوم وبعضهم بالشهر ... لكن غالبا النت يكون ببلاش يعني ماتدفع شي !

    هناك عوائل تقول لك مابيننا وبينك الا غرفتك ونظافتها واكلك بس ! يعني لاتسوي تمون وتجلس معنا ههههههههه طبعا موب شرط يقولونها لك كاش بس تلميح واضح هنا انت ماتقول لهم شي لان خلاص مايبونك بسلامتهم لكن لازم تدور غيرهم والا وش الفايدة ! واذا انت ماخذهم عن طريق معهد لازم تعطي المعهد خبر بهالشي

    هناك عوائل فئة (أ) عند اي معهد ثم (ب) الخ .. احرصو تاخذون هالفئتين لانها مره ممتازه ومريحه وطبعا هالمعلومه جبتها لاني كنت شغال بمعهد فترة




    طبعا في ضوابط كثيره سواء ايجابيه او سلبيه ولك حق وعليهم حق فلاتبخس حقك ولاتبخسهم حقهم ...


    ***************

    احذر واحذر واحذر من الثقه والنخوه والحميه الخ ! يعني خلك صريح ولاتثق الا في دراهمك ونفسك !

    يعني نظام هذا سعودي هذا عربي هذا بنقلاديشي وخلاص تثق فيه والا تفزع صدقني اذا موب راجعه عليك بشر مهيب راجعه عليك بخير ...

    غالبا مشاكل الثقه والنخوه ذي تصير في الفلوس ... يعني مسألة سلفني ومسألة حاسب عني ومسألة والله مايدفع الا انا حاول تبطلها اذا جاك في الرياض وجاك في بيتك في السعوديه ان بغيت تذبح له حاشي بسلامتك انت وياه بس انتم هناك مصاريفكم محدوده اوقاتكم محدوده طلباتكم كثيره ! يالله تغطون انفسكم .. ف فلان طفران مامعه شي ويبي يرجع السعوديه والا ماعنده يدفع الاجار والا ماعنده ياكل تذكر ترى فيه نادي سعودي فيه حكومه ماقصرت وحطت سفارات وملحقيات ومشرفين فالله يديمها علينا من نعمه بس ... فانت بس مسئول عن نفسك ومرافقك اذا معك مرافق بس

    الشي الثاني تعطي فلان مفتاح السكن حقك والا جوازك والا سيارتك بيروح مشوار ويجي .. ترى لو صار شي موب رايح فيها فلان وبس بتروح فيها انت لانك انت المالك الاول مثل ماقلت لك انت منت بالسعوديه الانظمه غير .. ماتنفع معهم كلمة فلان اعرفه ..

    طبعا مااقول هالحكي من فراغ بتروحون بانفسكم وبتشوفون فيه سعوديين والحمدلله قله تتحسف عليه بكلمة سعودي ... اسمحو لي استخدم مصطلح بيننا بالعامية نحن الشباب انه واحد ( وصخ) يعني همه حاجته وبس انت في بليس ممكن انك تفزع له بشي او تسلفه او شي وبالاخير تلقاه مايستاهل ياكل حقك ممكن يتبلاك بشي ...

    فالطريقة انك تتحاشى هذا كله سهل جدا اذا تبي اي شي عندك المعهد + الملحقيه + السفاره + احترت بشي تقدر تكلم اهلك + مبتعث تعال هنا واطرح مشكلتك وكلا بيجاوبك مايقصرون

    ***************

    حبنا للدين !


    حاول قد ماتقدر انك تبعد عن مواضيع الدين لانك بكل بساطه منت مأهل لهشي ! يعني مثلا لو تكلمنا عن الرئه والقلوب وامراضها وسبب المرض هل راح تجاوب ! ممكن تجاوب سؤال سؤالين بس ماراح تكمل لانك وبكل بساطه منت متخصص اللهم معلومات عامه فقط !

    فاوقات ممكن الشاب بدل مايحسن صورة دينه يشوها وهو مايدري فاذا تعرضت لنقاش ممكن تكتفي بالمثال اللي قلت انك اوكي تعرف دينك ووش تعمل بس موب شرط انك ملم بكل شي يعني مثلا الواحد يدري انه مريض لكن يروح للدكتور عشان الدكتور يعرف اكثر ويعلمه وش العله اللي فيه !

    او تقول لكل واحد اعتقاده وايمانه الخاص بديانته لكن الاهم احترام الاعتقادات والديانات وان نعيش في سلام

    طيب تبي تعرف كيف تنشر الاسلام وترسم صورة حسنه هي انك تطبق تعاليم الاسلام صح اخلاق الاسلام صح

    مثلا التزامك بمواعيدك ... الصدق ... الامانه .. حسن الخلاق ... الاخلاص ... احترام الكبير ... احترامك لاوقات الصلاه وعلى طاريها انا مره كنت عند عائله ونادتني اجي اكل وكان وقت صلاة العصر فمارديت عليها
    فدخلت علي ولقتني ساجد سكرت الباب بحترام وطلعت نزلت انا واعتذرت منها وقلت لها اني كنت اصلي بعد كذا تدرون وش صارت تسوي ؟؟ صارت كل مادخلت ترتب غرفتي تفرش السجادة عالقبله وتعطر السجادة لي !


    انتبه ثم انتبه ثم انتبه تناقض نفسك وانت تتكلم عن الاسلام !!!

    يعني مره انا وعربي وفرنسي طالعين نتعشى مره وطلب العربي والفرنسي واين لكن انا ماطلبت والفرنسي عارف ليش ماطلبت لاني ماشرب خمور لانها محرمه .. اما العربي طلب مع الفرنسي واين
    فبعد كذا بدينا نطلب الاكل فقال الفرنسي طبعا اكيد ع ماتاكل خنزير محرم والا ؟ قلت ايه قال للعربي انت جرب هالوجبه حلوه قال العربي لا انا مااكل خنزير حرام !!! قال الفرنسي طيب والخمر حرام !!
    فقال ايه ادري لكن الخنزير مااكله حرام .. فكان الفرنسي شايب حكيم قال شف لاتقول مااكله حرام قل مااكله لاني ماحبه اما تناقض نفسك تقول انا مااكل حرام وانت تشرب حرام تشوه سمعت ديانتك
    مفروض ع اللي يقول مااكل خنزير لانه حرام لانه بنفس الوقت مايشرب ...


    فتخيلو كل هالامور بدون ماتدعي للاسلام تأثر فيهم وتخليهم يفكرون وبمجرد مايفكرون يجون يسألونك ساعتها انت تقدر تستعين بمواقع الجاليات الاسلاميه والدعوه للاسلام بالانجليزي وتعطيهم الروابط يقرون بانفسهم وهذا اللي سويته مع روسي كان صديق عزيز فكنت اتعامل معه باحترام وود ودايم خلال طلعاتنا لازم نمر المسجد اصلي فكان يستغرب وسئلني عن الاسلام قلت له والله ماقدر اجاوبك بس فيه منهو خير مني يجاوبك واعطيته رابط يتحدث عن الاسلام وكان مهتم بالاسلام جدا ويقرا عنه لكن ماادري هل اسلم او لا ...

    بختصار الحكي كله اذا تبي تنشر الاسلام .. طبق تعاليمه عليك شخصيا وبتشوفهم يجون يسئلونك عنه ...


    *****************

    ... اتمنى من كل من كانت له تجربه غفلت عنها انه يطرحها عشان نستفيد كلنا...

    واخيراً اعتذر منكم على الاطالة ... والتقصير .. وردائة السرد والاسلوب ..

    لكن وشسمه تراني مرتجل الموضوع يعني هوجست فيه وكتبته على طول يعني حتى لو فيه شي ناقص برجع اكمله ههههههههههه <<نشبه


    بالتوفيق لكم كلكم وعقبال ماترجعون بشهاداتكم تحقق مبتغاكم وترفع راس اهاليكم ووطنكم ...



    .ع.
  2. يا سلام عليك..،

    نصائح من ذهب..،

    موضوع ضيقه الصدر جى وحده اعرفها من المرحله السادسه

    سبحان الله كانت بموت من الفرحه لما انقبلت لكن لما وصلت امريكا تغيرت180 درجه

    بس الحين مررررررررره مستانسه ومبسوطه..،

    موضوع الفزعه وهالكلام كلامك فيه صحيح100%..،
    اسال الله ان يسهل لي القبول ويهدي ابوي واهلي يوافقون ومحد يتعرض طريقي ولا طريق اي انسانـ/ـه حلمه الابتعاث ..،


    جزاك الله كل خير
    7 "
  3. المشاركة الأصلية كتبت بواسطة قوس رحمه
    يا سلام عليك..،

    نصائح من ذهب..،

    موضوع ضيقه الصدر جى وحده اعرفها من المرحله السادسه

    سبحان الله كانت بموت من الفرحه لما انقبلت لكن لما وصلت امريكا تغيرت180 درجه

    بس الحين مررررررررره مستانسه ومبسوطه..،

    موضوع الفزعه وهالكلام كلامك فيه صحيح100%..،
    اسال الله ان يسهل لي القبول ويهدي ابوي واهلي يوافقون ومحد يتعرض طريقي ولا طريق اي انسانـ/ـه حلمه الابتعاث ..،


    جزاك الله كل خير
    وياك ان شاء الله ... الله ييسر امري وامرك ويحقق لنا مبتغانا وكل مسلم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.