حوار تجمع الطلاب المقدمين ببعثة لدراسة البكالوريوس

ما شاء الله عليك أنت أخي .. أحسن مني بكثير ..
اللي مستوفي الشروط ومعاه آيلتس إن شاء الله مقبول .. أو سنة تحضيرية .. أو درجات عالية ما شاء الله مثلك ..
أنا أخدت سنة تحضيرية وإن شاء الله أختبر آيلتس .. وربي كريم ..

الله يوفقك ويوفقنا لكل خير يآآرب ..

يا اخي abdul-i-f

في الشروط للمرحلة السابعة كاتبين(يشترط للقبول في الجامعات الأوربية الحصول على درجة ( 5 ) في IELTS)
بس مافي لا توفل ولاشي
ومشكور الله يعين بس ^_^
بس حبيت اعرف انو انا حختار اول دولة امريكا والثانية دولة اوروبية مثلا لو ما انقبلت الا في الاوروبية ايش يسير في الايلتس يعني لازم اختبر من البداية ؟_؟
واسفة على الازعاج ^_^

اختي عبير
في بعض الجامعات يعادلوا التوفل بالايلتس ،وبعضها لا ، يعني إذا ما عادلولك هي حتضطزي تختبري ايلتس ، وإذا تبغي تعرفي إذا يعادلوها او لا حتكون موجودة في نفس موقع الجامعة الي انتي رايحة تقدمي عليها ، والابتعاث احتمال يعادلوا التوفل لانو في الاستمارة مكتوب انو اذا
اختبرتي توفل ولا لا

تسلم اخوي
الله يفرج همي وهمك وجميع المسلمين يارب
^_^

الظاهر اني ثاني وحده درجاتو مو حلوة ^^"

التراكمي = 94.71
القدرات = 72
التحصيلي = 78

<<< التحصيلي يمكن امشي كلها درجتين لكن القدرات ><"

الثانوي ٩٨ - القدرات ٨٣- التحصيلي ٨٧. وان شاء الله بأخذ الإيلس بس اللي اختاروا المانيا أنا شايلة هم اللغة مررة مع أني مرة حابة المانيا أنا الان حطيت التشيك مبدئيا عشان اللغة. انجلش بس ياليت اللي مسجلين في المانيا يقولو ليش اختاروها ويعطوني حافز أني ارجع اختار المانيا لما اروح التدقيق ان شاء الله* وابغا اعرف الدراسة عندهم كم سنة مع اللغة وكللو

انا الحمدلله درجاتي حلوة بتوفيق الله
التراكمي : 96
القدرات : 88
التحصيلي : 87
IELTS : 6.5
و إن شاء الله القبول للجميع

الســــــــــلآم عليكم ..
ماشاءالله تبارك الله , وشش هالدرجآت الحلوة : )
انا درجآتي !
ترآكمي - 98%
قدرآت - 84
تحصيلي - 80

الله يوفق الجميع , يآآ رب ..

اولا حاكون صريح معاك الطب في الشيك مرة ما ينفع الجامعات مرة ضعيفة لو أدرسي في سعود او عبدالعزيز كان احسن ، ثانيا ايش المشكلة انك تعلمي لغة جديدة ، صح فيها مخاطرة بس حيعوض تعبك في الاخير ، ثالثا جامات المانيا هي الاقوى من كل الجامعات الأخرى الموجودة في الابتعاث ، رابعا نفس مدن المانيا كبيرة والجو جيد يعني بيئة لدراسة ما حتكون مملة ، خامسا لما ترجعي للسعودية بالله المستشفيات الممتازة حتوظف ناس متخرجين من المانيا ولا متخرجين من للتشيك ؟؟ أسف اذا قللت من مستوى احد رايح للتشيك