مساعدة عرض مساعدة للراغبين بالسفر لامريكا - مرافق لاختي الدفعه السادسة

هلا فيك اخوي
شوف هم في التدقيقة يطلبون الاصل مع صور لها
انتا حاول تطلع بدل فاقد و يكون معاك صورة من طلب البدل فاقد ولا جاء موعد التدقيق روح لهم بالصور المصدقة و اذا طلبو منك الاصل قلهد ضايع وانا مقدم على بدل فاقد و هذا الدليل
وان شاء الله ما يدققو لك
موفق يارب

طيب في حاله انه انا جبت لنفسي قبول معهد كيف أحصل على الضمان المالي ؟
وكمان المرافق هل ممكن يجيب قبول من نفسه لنفس المعهد حقي ؟ وهل يحصل على ضمان مالي قبل السفر ولا ؟وكمان ادا جاء يقدم يقدم على اساس قبول لغه منفصل بسبب الفيزة F1لانه ناوي يكمل دراسه
وادا كان المرافق معلم ولسا ماقدم اجازة استثنائي يقدر يطلع الفيزا F1ولا لازم بعد الاجازة ؟

كثير يمدحون ان المعهد يكون تابع للجامعه وانه افضل من المعاهد التجاريه هل هدا الكلام صحيح ولا ؟
ياليت تجاوبوني

عن أبي هريرة رضي الله عنه قال : قال رسول الله صلى الله عليه وسلم : ( من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسّر على معسر ، يسّر الله عليه في الدنيا والآخرة ، ومن ستر مؤمنا ستره الله في الدنيا والآخرة ، والله في عون العبد ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة ...
أسأل الله العظيم بإسمه الأعظم ووجه الأكرم وعطيته الجزلى ان يفرج عنك كل كرب و ييسر كل أمر ويعينك كما أعنت خلقه حتى ترضى


أذكر نفسي و إخواني المبتعثين
بقوله تعالى ليونس عليه السلام:
" وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ . فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ " [الأنبياء 88]


وأَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ :

« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »

اللهم رحمتك نرجو فلا تكلنا إلى أنفسا طرفة عين ِ ولا أقل من ذلك
وأصلح لنا شأننا كله برحمتك لاإله إلا أنت إنا كنا من الظالمين عسى الله ان يتولانا برحمته ويسهل امر البعثة والقبول والدراسه ويجعلها علما نافعا شاهدا لنا لا علينا يوم نلقاه
وكلوا امركم لله وثقوا ان الله عند حسن ضن عبده به وانه لايرد السائلين
واكثروا من الاستغفار عسى الله ان يحقق لي ولكم ما نتمنى

شكري للشخص الكريم صاحب الموضوع

وعذرا للاطاله
في معية من لا خاب من توكل اليه

السلام عليكم ..

يعطيك العافيه .. حابه أسال عن مدة دراسة اللغة بالنسبه للمحرم هل هي سنة أم ان المجال مفتوح طالما المبتعثة في بلد الابتعاث وعلى رأس دراسة؟

كم اخدت منك اجراءات اصدار الفيزا لامريكا ؟

مشكور بس الحين يعني البرنمج يخترون من كل مناطق والمحافضات

مرحبا فيكي ابشري مايكون خاطرك الا طيب
في حالة انك تبغي الضمان المالي تراسلي الوزارة او المعهد الملكف باحضار قبول لغه لكي و تبيني لهم رغبتك في احظار قبول لنفسك و عليه اضلب منهم نسفه من الضمان المالي الصادر باسمك و راح يرسلون لكي نسخه منه تقدرين تراسلين بها المعهد الي تفضليه
و بخصوص المرافق نعد يقدر يراسل المعهد تبعك و يجيب قبول له كذلك اصلا لما تروحي للمحاظرات قبل السفر تسمعيهم يقولون للمبتعثين لحد يعتمد على الوزارة في احظار قبول اللغة كل واحد يدبر قبول لنفسه بس لان اغلب الطلاب مايعرفون كيف الطريقة فالوزراة تكلف مكتب يجلب القبولات للطلاب
وعشان الضمان المالي للمرافق اذا كان زوج ياخذ الضمان المالي لان امور المرافق الزوج اسهل من المرافق الاخ و لازم شغل المرافق كله يكون على اساس ان الفيزة تكون F1 لانها راح تسهل له امور كثيرة
عادي يقدر ياخذ فيزة طالب بس لازم تكون معاه الاجازة اذا وصل بلد الابتعاث عشان يقدر يخاطب الملحقية و يطلب منهم كل الامور الي يستحقها المرافق
مزبوط كلامك المعهد التابع للجامعة يكون افضل و اسهل في اجراءات احظار القبول الجامعة بعد انهاء قترة اللغة

اشكرك اخت رنا على اطراءك ورفع المعنويات


وعليكم السلام منوره اختي و
يعافيكي يارب
فترة دراسة اللغة سنة و بعدها لازم يجيب لنفسه قبول جامعي الا اذا ماكان معاه الشهادة الثانوية وقتها اعتقد يمددون له فنرة دراسة اللغة اسئلي في هالموضوع لا حضرتي المحاضرات قبل السفر او راسلي الوزارة و تاكدي من هالموضوع

هلا فيك منصور
بعد ماحجزت موعد عالنت من موقع السفارة و دفعت الرسوم المطلوبة و حضرنا الموعد بعدها باسبوع الا عشرة ايام و صل لنا الجواز و فيه التاشيرة

تحياتي للجميع .

هلا اخوي
نعم الاختيار لا يرتبط بمدينة او محافظة طالما انك مستوفي الشرط فباذن الله توقع انك من ضمن المقبولين

مشكور أخوي ماقصرت
انا مرافقي زوجي ان شاء الله واللي فهمتو من كلامك انه عادي ياخذ الضمان المالي ويراسل المعهد من هنا ( فهمت صح ولا غلطانه)
يعني نفس وضعي الوزارة تدينا نسخ من الضمان ونراسل المعهد صح ؟

مرحبا اختي
العفو ماسوينا شي
صحيح هو يا يراسل الوزارة و يوضح لهم انه مرافق مبتعثه زوجته و له الرغبة في احظار قبول معهد لغة بطريقته الخاصة و هو بحاجة لنسخة من الضمان المالي ليتم مراسلة المعهد بها
او ينتظر الين يتم تحويل حجز المعهد لاي مكتب و بعد كذا يراسل المكتب و يطلب منهم نسخه من الضمان المالي و يعلمهم انه سوف يقوم باحظار قبول لغه لنفسه
اختي الوزارة هي تتكفل باحظار القبول لكي ولزوجك اما عن طريقها او بتكليف احد المكاتب الموجود بالسعودية لقوم باحظار القبول لكما
لكن اذا المبتعث و المرافق يقدرون يجيبون القبول لهما يراسلون الوزراة و يطلبون نسخة من الضمان المالي وذلك بسبب انه سوف نقوم نحن باحظار القبول بمعرفتنا
اتمنى اكون افدتك
تحياتي لكي .