الأعضاء الإشتراك و التسجيل

الملتقيات
ADs

حطولي هالموضوع بمفضلتكم .. للي طالع لأمريكا وكندا وإيرلندا :: دراسة اللغة ::

حطولي هالموضوع بمفضلتكم .. للي طالع لأمريكا وكندا وإيرلندا :: دراسة اللغة ::


NOTICE

تنبيه: هذا الموضوع قديم. تم طرحه قبل 2304 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AbDuLrAoOf
    AbDuLrAoOf

    مبتعث مبدع Amazing Member

    AbDuLrAoOf الولايات المتحدة الأمريكية

    AbDuLrAoOf , ذكر. مبتعث مبدع Amazing Member. من الولايات المتحدة الأمريكية , مبتعث فى الولايات المتحدة الأمريكية , تخصصى Business , بجامعة Portland State University
    • Portland State University
    • Business
    • ذكر
    • Portland/Dammam, OR
    • الولايات المتحدة الأمريكية
    • Sep 2007
    المزيدl

    August 25th, 2011, 04:27 AM

    يعطيكم العافية ...


    الاف الطلاب بدول الابتعاث (الناطقة بالانجلش) في الفترة الحالية لدراسة اللغه وأنتو حتكونو بينهم قريب ان الله راد ...هالطلاب منهم الزاحف على خفيف ...و منهم الزاحف على سنقة عشرة وينتظر تخلص فترة اللغة ويتغلف ويترجع للسعودية بكرتونة معكرونه >> أبوديك ... ومنهم اللي الله فاتح علية وشغال على نفسة وتعبان .. ومنهم الأكثر من كذا والله معطيه عقل يفكر أكثر مما يحشي مخه ( يتعلم بذكاء) ...


    الكلام يطول عن سوالف الزحف والزاحفين والناس اللي طالعه تغير جو ..وبرضو يطول أكثر على الناس اللي الله معطيه حماس انو يتعلم لغة بس خويكم / اختكم من زود الحماس مقفل /هـ غرفته بالهوم ستاي وهاتك يادراسة وبالنهاية >> الحال من بعضو ,يتطور بس مش بالمستوى المطلوب ...


    دراسة اللغه الأنجليزية من أكثر الحاجات اللي كنت فاقد متعتها لما كنت اتعلمها بالسعودية وبالأحرى ماكنت بالمره مهتم لها .. بس بعد السفر لكندا (2008) والدراسة بمعهد بنظري جداً ممتاز .. دراسة اللغه صارت تجربة جداً جداً مختلفة ..


    ماأطول عليكم ... الموضوع هذا انفتح علشان سوا نتكلم عن تجارب اللغه والطريق الصحيح اللي بالنهاية الكل >> اللي جاي يدرس ..ينتظر انو يوصل لنهايتو بسلامة ..
    المعروف والأغلب الطلاب يتعارفو عليه أنهم يركزو تفكيره بأنو يجتاز مستوايات اللغه بالمعهد اللي يدرس فيه سواء كان عنده قبول جامعي ولالا (خصوصاً الماستر منهم) .. وينسى أنو بالنهاية المطلوب منو يوصل لمستوى معين باللغه (يأهله فعلاً) علشان يقدر يدخل الجامعة ويستمر ويتحمل ثقل الجدراسة خصوصاً بأول سيمستر... وهنا الخيارات مره محدودة .... >> يخلص مستويات اللغه أو مافيه دخول جامعة ... وكثير من الحالات حتى ماعندو قبول جامعة وخصوصاً طلاب الماستر وبرضك تحصلهم مو مخطط لما بعد دراسة اللغه ..والأكثر لمن تحصلو يدرس ويكرف على حساب أنو متى ماخلص اللغه بمعهد الجامعه مثلاً حتجيه الجامعه وتقولو >> الله حيو .. تفضل أدرس معنا .. مع أنو الوضع أبداً مو كذا ... راح أتكلم عن طلاب الماستر أولاً ,, وبعدين الباتشلر


    شرط اللغه هو واحد من الشروط اللي تطلبها الجامعات لمن تجي تقدم عليها .. ولطلاب الماستر مافيه خيار .. ياإما يكون عندو سكور قد المطلوب من الجامعه أو راح يقولو لك أمسك الباب .. وعليه انت هنا ياإما تخلص بمستويات اللغه بمعهد الجامعه أو معهد تعترف فيه الجامعه أو تجيب السكور المطلوب واللي عاده يقاس بالتوفل أو الأيلتس وغيرهم .. في الحالة الأولى قد يكون عندك فرصة لأنك تعدي أو لا على حسب المجهود بس عيب هذي الطريقة أنها تاخذ وقت >>لأنو الترم عادة مايكون 3 شهور وأكثر .. وبالتالي بالمستويات المتقدمة ممكن تحصل صعوية بالإجتياز وهنا راح يكون أستهلكت مدة طويلة من الفترة المحدده باللغه وممكن توقف الملحقية الصرف عليك لحد ما تجيب قبول نهائي من الجامعه ... الحالة الثانية وهي اللي خلتني اكتب الموضوع هي أنو الطلاب يكون من خططهم أنهم يدخلو اختبارات اللغه ( توفل, أيلتس ) ويخلوها من ضمن حساباتهم على الأقل في السته الشهور الأخيرة من فترة اللغة المحددة من الملحقية .. علشان مايعتمدو مره على إجتياز مراحل اللغه بمعاهدهم واللي ممكن يكون من نتايجها أنك ماتعديها.. . هذا غير أنو لما تكون عندك سكور حلو بالإختبارات فرصك ( وأنا أتكلم عن شرط اللغه ) بالتقديم على الجامعات أكثر .
    التحضير لهذي الإختبارت يحتاج جهد وفترة ماتقل عن شهر .. وللمعلومية الملحقية هنا تعوضك عن رسوم دورات التأهيل وبرضو رسوم دخول الإختبارات لـ 5 مرات .. وبالتالي دخولك على الأقل أول أختبار للتجربة حيكون مره مفيد .. خصوصاً للطلاب اللي يدسو بمراحل ماقبل الـ ADVANCED بمستوى .. والإختبارات هذي بتجربة هي جداً عادية وسهل إجتيازها متى ماحضرت لها جيد .. وكانت عندك النية انك تعدي وقبل كذا تخطط لها مزبوط


    طلاب الباتشلر برضو ممكن يختصرو على نفسهم اذا حبو ويدخلو هذي الإختبارت مع ميزة أنهم متى ماخلصو فقط شرط اللغه يقدرو يدخلو للجامعات بجانب طبعاً معدل الثانوي وكل قسم وتخصص وطلباتهم .. بس بالنهاية وضعهم أكيد أحسن مننا طلاب الماستر اللي لازم يكون عندهم أكثر من شرط >> خبرة وخلافو ...

    نقطة ثانيه ماتقل اهميه .. الكثير يتشكى من طول فترة اللغه في حال درسها من المستويات الاولى وتحصلو مكتئب حتى قبل مايبدأ دراستها .. الحل وبكل بساطه هي انك (تتعب) .. فكرة أنك تمشي مستوى مستوى حتستهلك من وراها كل فترة اللغه ويمكن اكثر وهذي حلها انك تتعامل مع اللغه على انها مهارة تقدر تكتسبها قد ماعطيتها من وقتك وجهدك وحتوصل لأكثر من كذا وهي انك حتتقنها.. المعاهد اغلبها تقدم فرصة للطلاب الي يثبتو تطور سريع في لغتهم وتعطيهم مجال دخول اختبارات الترقيه عشان يستغلو وقتهم بشكل افضل.. حتدخل مستوى اول ؟؟ ثاني؟؟ .. بسيطه الحل هو انك تتعب وتخصص وقت اكثر للمذاكره والاهم الممارسة وحتشوف حالك ماشي عسل خصوصا لما تعرف انو المستويات الاولى من اللغه مستوى التقدم فيها ملحووظ وسريع وكبير مقارنة مع المستويات المتقدمة >> كلام علمي مو من جيبي .. شخصيا قابلت اشخاص (نوادر) في الي يخص هذي النقطه .. منهم طالب اسمو علي .. مع انو كان ثلاثيني لكنو اثبت ان الرغبه والرغبه والرغبه هي الي تصنع .. لما دخل المعهد كان بأول مستوى .. بعد السيشن الاول الي ياخذ 3شهور .. كان بإمكان علي انو يستمر حسب تسلسل المستويات .. لكن اجتهاد الرجال واستفادتو حتى من الاجازه مابين السيشنز دخل اختبار تحديد المستوى للسيشن الي بعدو وكانت ( مش مفاجئه) انو يتجاوز المستوى التالي و(ينط) على طول للمستوى الاعلى.. الرجل بكذا اختصر 3 شهور .. وصار عندو الوقت انو يتطور اكثر واكثر بحكم انو عنصر الوقت حيسعفه بتالي فترة اللغه.. الرجل كان ايجابي لدرجة انو مايمر يوم والا اشوفو بالستدي سينتر والبروننسيشن كلينك وفوق هذا كلو علاقاتو الطيبه مع المدرسين والستاف.. هذي هي النماذج الي حتعلمك انك تدرس ( ايجابي ) وتخلي سوالف الي مالها طعمه على جنب. فيك مخ زيك زيو .. اثنيناتكم عندكم 24 باليوم .. يمكن انك برضو عندك الميزه لما تتعلمها بعمر اصغر .. ايش تنتظر ؟؟؟


    طبعاً الوضع يختلف على حسب مستواك لمن تجي من السعودية .. بعضهم ماشاء الله جاي هنا ومباشرة على المستويات المتقدمة وهذي الفئة قليلة مقارنة بالسواد الأعظم والي علشانهم أنكتب الموضوع
    الخلاصة ... دراسة اللغه نتايجها وحده ...سواء بإجتياز مستويات اللغه بمعاهدكم أو بدخول اختباراتها .. ويبقى الحل الذكي أنك تشوف الأصلح لك أنت واللي يناسبك وتتوكل على الله ....



    شحطة .. والدي الله يحفظه خمسيني له طولة العمر .. ماطلع لمعاهد أمريكا .. ماجاب له مدرس مصري سكره يعلمة اللغه .. حتى مااحتك كثير بنيتفز.. تعلم تعليم (بيتي) .. كاستات البي بي سي والكتب والدفاتر لساتهم موجوده.. لغته ؟؟؟ احسن مني ومن اي واحد تدلع له كم سنه في كندا وامريكا واستراليا .. الموضوع ومافيه انو رغبتو في تعلم اللغه كانت الدافع الوحيد..

    الموضوع مفتوح لنقاش الأخوان الي عندو خبرة أكثر مني أنو يقدم النصيحة والتجربة للأخوان ... لأنو للكثير من الطلاب .. خيارت اللغه والتخطيط لها مش واضحة ,, وتحصل الواحد يتعب وبالنهاية المستويات حتكون متواضعه ..


    من المواضيع القديمة ..
  2. بالفعل الرغبة والارادةوالثقة بالله ثم بقدراتك هي سر نجاح أي مشروع
    ومشروع تعلم اللغة الانجليزية يحتاج لـ جهد
    + صبر + ممارسة

    تجربتي البسيطة ..
    كانت اللغة الانجليزية رعب بالنسبة لي و كانت ثقتي في اللغة الانجليزية معدومة ( بمعنى كنت دائماً أعتقد اني لا استطيع تعلم اللغة)
    وهذا أكبر خطأ "ما تفكر به تجاه نفسك هو ما سيحدث في الواقع " وحقيقة لم استطع التعلم
    الى ان دخلت احد المعاهد في السعودية الذي اكسبني الثقة
    وغيرت نظرتي من ناحية التعلم و أصبح هدفي هو
    اتقان اللغة
    ومما زاد رغبتي في التعلم هو طموحي في اكمال الدراسات العليا وهذا يتطلب اتقان اللغة
    لم اكن اتصور انني في يوم ما سأتحدث الانجليزية ولكن هذا ما حدث
    صحيح ان لغتي متوسطة ولكن اعتبر انه
    انجاز عظيم اصبحت افهم مايقال وما يكتب وان اعبر عما اريد ..
    وهذا كله بفضل من الله..

    كثير ممن درسوا معي كانوا متشائمين وفي نهاية كل كورس يقولون (ما استفدنا شي! )وهذا أيضاً خطأ
    من البداية اجعلوا تفكيركم بأنكم ستستفيدون وفي النهاية استفدتم حتى لو كان هذا الامر غير ظاهري
    نقطة اخرى" كره الواجبات" !!!
    كنت الوحيدة في الفصل اذا اعطتنا الاستاذة واجب "انبسط " والبقية في تذمر وتأفف !! لماذا ؟
    الواجبات تعود عليك بالنفع انت المستفيدة واحياناً كنت احل واجبات اضافية من عندي ^_^
    ولاحظت ان مستواي في التعلم افضل الحمد لله
    واتمنى قريباً ان أتحدث اللغة بطلاقة

    وأكيد تختلف دراسة اللغة بالخارج عنها بالسعودية مع ان استاذاتي كانوا امريكيات وبريطانيات ممتازات ..
    ان شاء الله نجربها قريب ..

    و
    شكراً لكاتب الموضوع نصائح استفدت منها وان شاء الله تفيد الجميع
    و
    شكراً أخرى لاتاحة الفرصة لذكر التجارب في اللغة
    7 "
  3. صحيح التخطيط للخطوة الجايه اللي هي اللغه مهم جداً انا انصح بقراءة الروايات باللغه الانجليزية وترجمة الكلمات اللي تمر علينا اول مره وقراءة الكتاب اكثر من مره بكذا يكون عندك تصور حلو عن اللغه انا استفدت كثير من هذه الطريقه وشكراً لصاحب الموضوع
    7 "
  4. شكرا على الموضوع المفيد جدا

    و انا اشوف انو صعب مره الواحد يسافر ولغة صفر لازم على الاقل يدخل كم شهر فى معهد او يدرس بنفسه و يتعلم الاساسيات
    و المحادثات البسيطه

    ولان الدراسه بتأخذ سنه احس انو ممكن يشوفها الطالب طويله و لا يجتهد من البدايه و لو ابتعث و لغته متوسطه حيكون عنده فرصه للتخطيط لدراسه الماستر (التخصص و التقديم للجامعات ) و معرفه شروط القبول
    و التدرب والدراسه لاجتياز بقيه الاختبارات المطلوبه للماستر مثل gre او gmat

    بالنسبه لتجربتى فى دراسه اللغه درست فى الجامعه (هنا فى السعوديه ) باللغه الانجليزيه و ما كان قبلها دراسه للغه بشكل مكثف على طول مواد تخصص و كانت متعبه جدا و تحتاج تمكن للغه
    و اللحين لما تخرجت اقدر اتكلم فى تخصصى فقط و لغتى جيده جدا لكن ما درست اللغه بشكل اكاديمى يساعدنى فى كتابه البحوث و غيره او حتى الحصول على درجه محترمه فى الايلتس
    لكن بعد التخرج دخلت معهد و درست مستويين و لاحظت الفرق فى اللغه و كيف تطورت كثير و خاصه المحادثه لان اساس تعلم اللغه هى الممارسه
    و راح اختبر الايلتس كتجربه قبل ما اسافر اذا انقبلت بأذن الله

    و اكيد الموضوع هذا فى المفضله
    7 "
  5. تعقيب..

    AbDuLrAoOf

    جزاك الله خير ومعلومات قيمه

    تجربه دراسه اللغه الانجليزيه في كندا 2005...... كنت من محبي الافلام الاجنبيه ومحب للغه بصفه عامه لاكن بعد انضمامي للمعهد اكتشفت ان مستواي كان جدا متواضع وغير جميع التوقعات لاسباب كثيره.. واهمها نظام تعليمهم جدا ممتاز تدرجت للغه من المستوى 1 الى الاخير وبعده التوفل والحمدلله لازلت للان امارس اللغه .... والمستوى ممتاز لاكن اهم شي في اللغه مهارات الكتابه .. التحدث ملحوق عليه ويحتاج ثقه بالنفس واهم نطقه(((القراءه)) واخيرا اذا نبغى نتفوق في اي مجال لازم نحبه وراح نبدع فيه
    7 "
  6. يسلـمو اخوي ع المجود
    أعطينا المفيد وافدتنــآ جميعــآ ..

    بــما انو الموضوع مفتوح للـنقاش ..

    حابة اهرج عن نقطتين ,,

    الأولى :: من جد اشكر أاهلــي و ووالدي والشكر خاصة لأخويــآ الكبير .. اللي شجعني في تعلم اللغه بجيع انواعها
    سواءا بالبريتش او بالامريكي ..


    لأنو الفرق بين بريطانيا وامريكا زي الفرق بين اللهجه البدوية والحضرية
    حبيت اوضح ::

    طريقة تعليمي للأنقليزي أول شيء (( النية )) طبعا حثنا الله سبحانه وتعالى ع النيه في اي عمل نقوم به لوجه الله
    تانيا :: الاراده .. طبعا قدرت اتقن اللغه بفضل الله ثم اخويا الكبير في الصف السادسه .. كنت أحب اللهجة البريطانية لأنها تقيله وفخمه
    لما عرفت في اولى متوسط انو في فرق في الكلمات بين الامريكي والبريطاني



    متال ::

    بريطانيا :: Lift
    أمريكا تقول :: Elevator
    وكلها نفس المعنى ( الاصنصير )

    المهم طورت نفسي بمتابعة المسلسلات الاجنبيه ( البريطانيه والامريكيه )
    وعرفت الفرق بيهم ..
    والحمد لله ما زلت اتعلم اللغه العاميه لأمريكا .. وهدا من معاريفي اللي برا المملكه .. أجانب
    ....




    النقطة التانيهـ ::

    بأتكلم عن الناس اللي راحت لدول متعلمة مثقفه من غير علم !
    في نــآس تقول الانقليزي صعب < ما قلنا شيء احترام الآراء
    بس صعب انك تقول ما ابغى اتعلم << هنا المشكلهـ

    الناس اللي تقول انو الانقليزي صعبه ولا ما يبغوا يتعلمو .. هدا الشيء انتا اللي حطيتوا في نفسك
    انت سديت الثغره اللي راح تتعلم منها الانقلش ..

    من أسوا طرق تعلم اللغه ::

    لما احد يجيك و يعدلك معنى بالانقليزي انتا قلتوا خطأ << لو كنت TOP في الانقليزي
    في ناس تقول :: شكرا .. او ما كنت اعرف .. ولو حتى مجامله
    وفي فئة تانيه تقول :: لا تعلمني .. انا اعلى منك .. وووووو إلخ
    طبعا هادي الفئه تعتبر جاهلة في نظري ..



    آسفه ع الاطاله اخوي
    بس حبيت اوضح نقطي ..
    ومن يعارضني اتمنى المناقشة
    ومن يؤيد اتمنى المتابعه






    وشكراآ

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.