الأعضاء الإشتراك و التسجيل

الملتقيات
ADs

الكل يدخل موضوعي بليز كيف ببتعث وانا ماعرف انقليزي واكرهه..بليز فيدوني

الكل يدخل موضوعي بليز كيف ببتعث وانا ماعرف انقليزي واكرهه..بليز فيدوني


NOTICE

تنبيه: هذا الموضوع قديم. تم طرحه قبل 2306 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. أهلين أختي الغاليه كلمت انك تدرسين في معاهد لغه صدقين انك راح تضيعين وقتك لأنهم نصابين انصحك في كتاب اسمه الأنجليزي لجميع المستويات لمحمد الصغير تحصلينه في مكتبه جرير الكتاب جدأ ممنتاز ومفيدلك وأيضأ في برنامج سيدي اسمه انقلش فوريو تحصلينه في محل الكمبيوترات او محل حق برامج السيديات صدقيني راح تستفدين وتدعيلي ان شاء الله بتوفيق أختي الغاليه بس أهم شيء تحبين الأنجليزي عشان تتعلمين بسرعه تقبلي مروري
    7 "
  2. بالعكس حلوالانجلش وممتع وسسسسسهل جدا

    بالله فكري كيف انو اللغة العربيه اصعب لغة لكثرة مفرداتها ولما تجيبين شغاله من الفلبين وتجلس معاكي سنتين تصير بلبل عربي!!!!

    انا كذا احمس نفسي صراحه للتعلم

    ادري شطحه بس انا كذا
    7 "
  3. امر طبيعي انك تكرهينه
    مثل حالتي قبل ما اتعلم اللغة >_<
    كنت اشعر بالحرج خصوصاً حول اخواني لانهم كانوا احسن مني في اللغة حتى الاصغر سناً مني
    وادخل مواقع علمية بالانجليزي وما افهم شي
    فكنت اكره الانجليزي ..
    بعد ما تعلمته تغيرت مشاعري تجاهه صرت احبه
    نصيحه صغيرة:
    اكتبي في دفتر او في ورقة (انا احب اللغة الانجليزية) (سأتعلمها بسهولة) و ردديها كل يوم صدقيني بتعطي مفعول
    وعلى قولة استاذتي الامريكية دايم ترددها لنا (انجليزي ايزي بيزي ^_^)
    وابدأي بالاشياء البسيطة (تعليم اللغة الانجليزية للاطفال) بيساعدك في البداية

    وان شاء الله يجي يوم وتكون ذكرى الكره ذكرى قديمة
    "هونيها وتهون "
    7 "
  4. المشاركة الأصلية كتبت بواسطة m0m95
    صباح # مساء الخير


    انا مقدمة للمرحله السابعة ولا اعرف انقليزي ولا اطيقة
    كم بالمية احتمال قبولي عشان يمديني اخذ دورة انقليزي
    ولا ادبر عمري ..

    بليز ساعدوني

    لجاك القبول النهائي
    قدمي على معهد لمدة سته اشهر واكثر لين تسافري
    وان شالله بتكون حالك افضل بكثير
    7 "
  5. يمكن انك تكرهين الإنجليزي لأن تدريس اللغة عندنا في المدارس مو ممتع وما نطلع منه بنتيجة!
    يوم تخرجت من الثانوي كانت لغتي مررره زفت وتخصصت لغة انجليزي ولأن محاضراتنا كلها بالإنجليزي تعودت اذني على سماعه وصرت اعرف معنى الكلمات من سياق الجملة بدون حتى ما افتح القاموس...

    نصيحتي لك: لا تخافين بالعكس تعلم اللغة مو ذيك الصعوبة اذا كنتي تستغلين كل الأشياء اللي حولك في تعليمك:
    1-راديو السيارة علطول على البي بي سي أو إذاعة الرياض الإنجليزية,
    2-أفلام بدون ترجمة عشان تتعودي على سماع اللغة وعلى التعبيرات والمصطلحات,
    3-إقري قصص أطفال بالإنجليزي أو حتى روايات اذا كنتي تحبين الرويات (حتى لو ما تعرفين معاني الكلمات لأنك مع نهاية الرواية بتطلعين بحصيلة مفردات لأنها ستكرر عليك أكثر من مرة ورح تعرفين معناتها من سياق الجملة ويكون أحسن لو تشيكين المعنى من القاموس),
    4-وإذا كنتي تحبين المانجا الياباني اقريه بالإنجليزي أو شوفي أنمي بترجمة انجليزية,
    5-محاداثات المسنجر مع صديقاتك بالإنجليزي وايميلاتك ورسائل الجوال بعد,
    6-إذا تعرفين وحده أجنبية أو وحدة تعرف تتكلم انجليزي بطلاقة سولفي انتي واياها على سكايب عشان النطق او حتى كتابة حتى تتعودي على الإملاء,
    7-أكتبي لك مذكرات أو مقالات بالإنجليزي أو أي شي بسيط زي قائمة أعمالك اليومية,
    8-إذا عندك اهتمام معين مثلا تحبين فيلم أو أنمي أو كاتب معين ممكن انك تسجلين في منتدى أجنبي خاص أعضائه لهم نفس اهتمامك وتتناقشون في الحلقات مثلا أو الشخصيات وهذا رح يعلمك الجرأة في التحدث باللغة في شيء تحبينه لأنه محد رح يحاسبك في درجات أو يضحك عليك اذا غلطتي ^^ بالعكس اذا وضحتي لهم انك مبتدئة رح يساعدونك ويصححون أخطائك وفي ناس كثير لغتهم مو زينة زي بعض الآسيويين بس غالبا الأعضاء يفهمون ايش قصدك حتى لو فيه أخطاء,
    9-في موقع اسمه لايف موكا يساعدك على تعلم اي لغة! مثلا اذا كتبتي قطعة ارسليها لهم وفيه أساتذه ومتحدثون أصليون رح يصححونها لك ويطلعون أخطائك ويعطونك نصائح, وحتى تقدرين تسجلين صوتك وانت تقرين جملة عشان يعلقون على سلامة النطق حقك وتقدرين تتعرفين على ناس من هناك وتمارسين معهم اللغة, إلخ. Language Learning with Livemocha | Learn a Language Online - Free!
    10-سولفي مع نفسك بالإنجليزي اذا ما لقيتي أحد يتكلم معك .. أو جربي تمثلين دور شخصية تحبينها في مسرحية أو في مسلسل لحالك أو قدام أخواتك.. صدقيني مره ممتع وجربته!

    كل هذي الأشياء اللي فوق جربتها والحمد لله انجليزيتي حلوة وفرررررررق كبير بينها يوم تخرجت من الجامعة ويوم تخرجت من الثانوي! "السر" هو في استمتاعك في تعلم اللغة وكثرة ممارستك لها بأشكال وألوان مختلفة وليس فقط الدراسة المملة ؛)

    قبل أن تسافري حاولي أن تتعلمي على الأقل الأساسيات في اللغة والكلمات التي ستحتاجينها في الشارع مثلا أو في المطار, المطعم, المعهد, إلخ... ولا تخافي لأنك ستأخذين دورات لغة قبل دخولك الجامعة ولأنك ستختلطين بأناس لغتهم هي الإنجليزية وستضطرين حينها للتحدث معهم وسيكون الأمر عادياً جدا مع مرور الوقت حتى وان أخطأتي فالناس متفهمون بأنك مبتدئة في اللغة ولن يعلقوا أو يضحكوا عليك مالم يساعدوك أو يصححوا أخطائك ^^ وإذا دخلتي الجامعة ستتعودين على سماع اللغة ورح تفهمين كلام الأساتذه من سياق الكلام حتى بدون قاموس! صدقيني تعلم الإنجليزية ليس صعبا جدا لكن أعتقد أن المهم هو أن تنسي أنك تتعلمين اللغة وتحملين هماً للدرجات بل تخيلي إنها لعبة تستمتعين فيها ^^

    نصحية أخرى: إذا كان لك زميلات عربيات تجنبي التحدث معهن بالعربية لأنك تضيعين فرصة ثمينه في التعلم عندما تتحدثين بالعربية التي تجيدينها!

    أخيراً, لا تلقي بالاً لمن يضحك عليك أو يستهزئ بمحاولاتك في التحدث أو الكتابة أو القراءة بالإنجليزية فالإنسان لا يولد عالماً بل بالتعلم يصل إلى ما يريد ؛)
    Practice makes perfect!
    *على فكرة أنا درست بكالوريوس لغة انجليزي هنا في السعودية ولم يسبق لي الدراسة في الخارج لكن إن شاء الله الماجستير وهذه النصائح كلها عن تجربة شخصية وبالتوفيق لك أختي ^^
    7 "
  6. المشاركة الأصلية كتبت بواسطة Malak alshoog
    بالعكس يعطيها العافيه طويل لكن فيه إفاده ...
    طيب الحين اللي ماعنده لغة ابدا كيف يختبر التوفل مو كله راح يكون انجليزي
    الله يعافيك

    بالنسبة للتوفل لازم يكون عندك مهارات لغوية عشان تختبرين بالإضافة إلى معرفة استراتيجة الإختبار نفسه من خلال التدرب عليه.

    أنا اختبرت التوفل في 13 رمضان وكان حلو الحمد لله إلا أنه كان فيه بعض المنغصات اللي أثرت على تركيزي وادائي في الإختبار (تأخير موعد الإختبار, كنت مواصلة, كان الإختبار في نهار رمضان)

    التوفل له نوعين ورقي وانترنت وكل واحد يختلف عن الثاني, والجامعات الخارجية عادة ما تطلب الإنترنت أما إذا كان اختبارك لوظيفة محلية أو للدراسة بالسعودية فالورقي عادي (هذا الكلام قالت لي اياه الموظفة اللي سجلتني).
    قبل ما تسجلين في الإختبار قوي لغتك وسجلي في دورات بالإضافة إلى ممارسة النقاط اللي ذكرتها سابقا لتسريع عملية التعلم,,, إذا خلصتي دورات اشتري لك من كتب الدورات الإعدادية للتوفل وذاكري منها إلين ما يجي اختبارك وخذي لك اختبارات تجريبيه من النت والكتاب نفسه فيه اختبارات تجريبيه في سي دي, ولا تنسي تتدربي على كتابة المقالات ورح تلقين بالنت كيف تكتبين مقال والأساسيات اللي لازم تتبعينها,, وبالتوفيق لك
    7 "
2 من 2 صفحة 2 من 2 12
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.