الأعضاء الإشتراك و التسجيل

الملتقيات
ADs

عندكم استفسارات بخصوص التدقيق !؟ تعالو ان شاء الله اجاوبكم

عندكم استفسارات بخصوص التدقيق !؟ تعالو ان شاء الله اجاوبكم


NOTICE

تنبيه: هذا الموضوع قديم. تم طرحه قبل 2298 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الله يجعلك من أهل آلجنه .. والله إنك فرجت علينآ كثير ..


    آلله يرضآ عليك سؤآلي ..
    سجلي الأكآديمي مو على ورقه a4
    يعني كبير حبتين .. وآللي سمعته أنو ضروري تكون الآوراق كلهآ على ورق مقاس a4
    هذآ آللي بآلعربي أمآ آللي بألآنجليزي على a4
    هل في إشكآليه ؟

    ممكن يروح أخوي للتدقيق من غيري ؟! ويدقق عني ؟
    أو ضروري أروح أنا ؟!
    أنآ قرأت أنو مآفي إشكآليه بس مو متأكده يعني عذرآ ع آلسؤآل
    أبي أتآكد لأني إحتمآل ما أقدر أروح للتدقيق؟

    الله يرحم من ربآك ..
    7 "
  2. المشاركة الأصلية كتبت بواسطة هبد
    السلام عليكم
    ابغى اتأكد ايش المقصود بـ استمارة طلب الابتعاث ؟؟
    وهل حسن السيرة والسلوك مطلوب؟
    وكيف اعرف بأي رغبة انقبلت .. اقصد دولة الابتعاث
    و السجل اذا ترجمته .. يكفي ختم المكتبه ؟ ولا لازم الجامعه ؟
    والتوصية كيف تكون .. انا عندي ورقة موقعين فيها ثلاث دكاتره ..
    المشاركة الأصلية كتبت بواسطة هبد
    ومشكور
    وعليكم السلام ورحمة الله

    استمارة الطلب الاستمارة الاولى اللي عبيت فيها اسمك وتخصصك والدول اللي تبي تروح لها ورقم جوازك والخ الخ اول استمارة عبيتها

    حسن السيره والسلوك يقولو هالسنه موب مطلوبه يعني لاتجيبها

    هذي بعد التدقيق يعلمونك رشحت لااي دولة

    السجل يكفي ختم مكتب الترجمه

    هالتوصيه غريبه اول مره تمر علي اسف مااقدر اجاوبك عنها لقلة خبرتي

    بالتوفيق واذا فيه شيء موب واضح علمني اوضح اكثر



    المشاركة الأصلية كتبت بواسطة كلي تفاؤل
    مشكور يالغالي والله يرضى عليك ويحط ماتقوم به في ميزان حسناتك
    سؤالي هو هل فعلاً لازم يجاب الجواز؟ وماذا عن اللي ماطلع جواز ؟
    هل لازم يحدد المحرم خلال التدقيق ؟
    اللي اذكره في الأعوام الماضية ( وأنت أعرف مني) أنه الجواز والمحرم موضوعهم في آخر شي قبل مايصدر قرار الأبتعاث
    شكراً لك على تعاونك

    جزاك الله خير والله يتقبل دعائك


    ايه الله يسلمك لازم تجيب اصل الجواز معاك

    اي لازم تحدد المحرم وخبرتي القديمه تقول انك تقدر تعدل المحرم بعدين

    لا كلاهما كانت مهمه بس موب بذيك الاهميه مثل اهمية صحة البيانات والدرجات والخ .. يعني ممكن تغيرها قبل قرار الابتعاث بس وجودها في الاستمارة بشكل مبدئي لازم ... طبعا هالسنه ممكن في اشياء تغيرت الله واعلم

    حياك الله
    7 "
  3. المشاركة الأصلية كتبت بواسطة joood
    السلام
    انا موعد تدقيقي 28-9 -2011
    ماطلعت جواز وغير كذا حاطه مرافق ابوي بس اللحين يصير زوجي معي بس ماقدرت اخذ بياناته اسجله كامرافق
    عادي اخذ جواز ابوي لفتره مااغير المرافق او مولازم احضار جواز المرافق
    المشاركة الأصلية كتبت بواسطة joood
    شكرا
    وعليكم السلام

    طيب عندك 28 يوم طلعي فيها جواز بالاضافه ان الجواز مايطول يوم يومين بالكثير ..

    المراحل السابقه تقدرين تغيرين المحرم واعتقد هالسنه كمان مافيه مشكلة .. فانتي حطي الوالد بعدين غيري المحرم

    المشاركة الأصلية كتبت بواسطة بن طينان
    الله يعطيك العافية
    تعبتك معاااي
    انا تحدد موعد التدقيق
    لكن سوالي لك او اي واحد عنده خلفية عن الموضوع
    اذا دققت الاوراق وا بعدين ما سافرت
    اقدر اتقدم للمرحلة القادمة
    اذا كان الجواب اني ما راح اقدر
    على كذا لا اروح الى موعد التدقيق واقدم المرحلة القادمة
    المشاركة الأصلية كتبت بواسطة بن طينان
    هذا السوال اتمنى اللي عنده خلفية عن الموضوع يخبرني وشاكر لصاحب الموضوع
    الله يعافيك لا عادي لا تعب ولا شيء

    1/ يقولون الشباب في المنتدى انك اذا مارحت للتدقيق مسموح لك تسجل السنه الجايه .. وفيه ناس كثير مسوينها .. بس رأيي الشخصي للاسف ماعندي خلفيه رسميه عن هالشيء

    حياك الله


    المشاركة الأصلية كتبت بواسطة لتغذيه العلاجيه اطمح
    السلام عليكم ورحمة الله
    يعطيك العافية على جهودك
    حابة أسئل
    عادي يروح المرافق يدقق أوراقي
    أو ضروري أكون موجوده أنا لتدقيق ؟
    المشاركة الأصلية كتبت بواسطة لتغذيه العلاجيه اطمح
    جزيت خير الجزاء
    وعليكم السلام ورحمة الله

    لا اللي مسموح له يدقق اوراقك هو .. انتي .. او زوجك .. او ابوك .. يعني ولي امرك ... اذا اخوك او ولد اختك او اي احد بيروح عنك لازم معاه وكالة شرعيه من ولي امرك




    المشاركة الأصلية كتبت بواسطة michel
    اخوي كيف تبيني أعدلها عند المدقق .. لأن الورقه مآتقبل التعديل او الكتابه بالقلـم .. لآزم كمبيوتر .
    انا ماقلت عدلها بيدك .. انا قلت خل المدقق يعدلها المدقق له صلاحية التعديل على الورقه بالقلم الاحمر .. فانت اطلب منه التعديل .. لانهم بعد كذا يعدلونها في السستم بانفسهم بس احرص ان المدقق يعدلها عالاستماره

    المشاركة الأصلية كتبت بواسطة كيوت2011
    لو سمحت بغيت اسألك هل مجال اني اغير مركز التدقيق حقي لاني حاليا بالرياض مو في مدينتي
    المشاركة الأصلية كتبت بواسطة كيوت2011
    يعني ابغى اروح المركز القريب مني
    سؤالك يعتمد على شيئين .. ظروفك + تقبل مسئول المركز اللي بتروحين له لظروفك .. بس غالبا مايردون احد خصوصا اذا ماكان عندهم ضغط لكن هذا موب معناته انه اكيد لا ممكن يرفضون بس نادر

    المشاركة الأصلية كتبت بواسطة Reem.94
    يعطيك العافيه أخوي ما قصرت على هالموضوع *_*
    امم عندي كم سؤال و ان شاءالله القى الاجابه عندك ..

    - شهادة الحسن سيره و سلوك من وين أقدر اجيبها ؟ ولا مو مهمه ؟
    - أنا مقدمه على دول أوروبيه و لازم شهادة ايلتس .. انا لسى ما امتحنت ولا درست له فا يبيلي وقت على ما تطلع النتيجه .. فا ضروري أجيبها بمركز التدقيق ؟

    - عادي المحرم يجي معي بداية الفتره و يرجع ؟ لأن للأسف ما يقدر يكمل معي طول المده .. فـ هل فيه اشكاليه ؟ هل يقدرون يعرفون انو المحرم رجع أو شي .. ؟
    - تخصصي طب بس أقدر أحول لتخصص أخر بعد فتره ؟ هندسه او اي شي ثاني ؟
    المشاركة الأصلية كتبت بواسطة Reem.94
    1/ شروط السنه هذي مهيب مطلوبه عشان كذا لاتجيبينها ..
    2/ اذا هي مطلوبه من ضمن الشروط يجب عليك احضارها .. واذا مكتوب -ان وجدت- فهي موب موجوده يعني اتركيها لين تجيبينها .. حسب المكتوب الله يطول عمرك
    3/ هذا سؤال غير قانوني ههههههههههههه ولااقدر اجاوب عليه هههههههههههه
    4/ هذا السؤال سئله كثير وكانت اغلب الاجوبه يعتمد على مشرفك في دولة الابتعاث .. يعني للاسف مااعرف اجابته

    اذا في شي موب واضح علميني اوضح لك اكثر

    المشاركة الأصلية كتبت بواسطة المشـاري
    السلام عليكم ورحمة الله وبركاته
    موعد التدقيق 15-9-2011 الخميس ........ ((
    موضوعي معقدني ومشيبلي راسي ، انا توني متخرج بالصيف وبالكويت على ماطلعت الشهاده خذت وقت والحين ناطر المصادقه عليها من الملحقيه وقالو لي بعد اسبوع وبعد المصادقه نبتدي بالمعادلة والمعادله تاخذ وقت طويل من
    شهر الى شهرين وبالنسبة للتوصيات من الدكاتره ماني عارف طريقتها وهم كذلك مايعرفون طريقتها ، وبالنسبه لصور الشهاده بالانجليزي مع السجل الدراسي ياخذ اكثر من ثلاث ايام بعد التقديم والتقديم على
    مستخرج جديد بالانجليزيطبق الاصل يبدأ بعد خمس أيام اضافة اليها ثلاث ايام يعني بعد ثمان ايام تصدر بالانجليزي فالورطه حاليا في موضوعين موضوع المعادلة اللي مدري متى بنبلش فيها ومتى تنتهي وموضوع التوصيات .
    سؤالي الحين : هل اذا جا موعد التدقيق لي عبر الايميل واوراقي ماخلصت = المعادلة = التوصيات .. يسقط ترشيحي أم يعذروني لاني متخرج بالصيف ؟
    سؤال اخر : هل استطيع ان ادبر قبول اللغة بالجامعة اللي ابيها واقدمه لهم بدل ماهم يقدمونه لي وياخذ وقت طويل وحوسه ..؟
    سؤال اخير : هل استطيع ان استخرج الفيزا من الكويت واسافر من السعودية ، لاني حالياً مقيم بالكويت .. ؟
    مع العلم تم ترشيحي بشكل مبدئي وانا ناوي أكمل ماجستير علوم حاسب .....
    المشاركة الأصلية كتبت بواسطة المشـاري
    طلبتكم جاوبوا على اسئلتي وأي شي مو فاهمينة قولولي وانا اجاوبكم والموضوع هذا مؤرقني بشكل ماتتصورنه
    1/ سؤالك هذا حاله استثنائيه والقرار هذا للمسئول في لجنة التدقيق يعني مااملك خبره فيها المعذره
    2/ اي اللي اعرفه انك تقدر تجيب القبول على حسابك ..
    3/ هذي والله ماعندي خبر فيها

    ليتني اقدر افيدك اكثر بس معلوماتي قليلة حول موضوعك هذا

    المشاركة الأصلية كتبت بواسطة hind.sa
    جزاك لله خير على كل ماتفعل ويسر لك امورك

    استفسار اخر
    انا درست دبلوم سنة بعد الجامعه فهل اكتبة في جدول اخر مؤهل او في جدول الدورات
    المشاركة الأصلية كتبت بواسطة hind.sa
    وشكرا
    وياك والله يتقبل دعائك
    اذا تتكلمين عن استمارة طلب الالتحاق بالجامعه مااعرف والله فيها شيء بس ادخلي هالموضوع عندكم استفسارات بخصوص التدقيق !؟ تعالو ان شاء الله اجاوبكم يفيدونك ان شاء الله




    المشاركة الأصلية كتبت بواسطة حالمه ~
    السلام عليكم
    جتني رساله موعد التدقيق 14 - 9 - 2011 الساعه 8 مساء
    المشكله انا بنفس اليوم الساعه 8 الصباح بسافر وبرجع يوم الجامعه يعني يومين بس !
    وش الحل ؟
    يصلح اخلي وحده من صديقاتي تدقق اوراقي بدالي والا ضروري حضوري شخصيا ؟
    او مثلا اخلي محرمي يروح يدقق اوراقي ؟
    او ممكن الوزاره تأجل موعدي ؟
    وش الحــــــــــــــــــــــل ؟؟!!
    المشاركة الأصلية كتبت بواسطة حالمه ~
    وعليكم السلام ورحمة الله

    لا مايصلح تروح صديقتك بس يصلح ولي امرك يروح بدالك .. او اخوك بشرط ان يكون معاه وكاله .. وانتبهي بعض المراكز مدتها يومين او ثلاثه فخوفك يغلق المركز اللي بمدينتك قبل ترجعين فتأكدي من هالنقطه


    المشاركة الأصلية كتبت بواسطة dreamer !
    شكراً لجهدك معنا ، موفق يارب !أنا نوعا ما اللحين متوهقه ، جيت بطبع الطلب ولاحظت أني حاطه بولندا بدل هولندا وحاولت اغير مافيه مجال بالموقع!إيش مفروض اسوي؟ أنا ابي هولندا مش بولندا ؟ ابغى اغير الدول بس ؟ فيه إمكانيه؟
    عفوا .. والله يتقبل دعائك

    ايه في امكانيه بس اطلبي من المدقق يغيرها لك ... وهو يغيرها بالقلم الاحمريكا ...
    7 "
  4. المشاركة الأصلية كتبت بواسطة Nayyyrah
    اذا المحرم مسافر وماعندي غير صورة من جواز سفره راح يكون فيه مشكله يوم التدقيق ولا عادي
    لا ان شاء الله ماراح يكون فيه مشكلة .. بس وضحي الشيء هذا للمسئولين

    المشاركة الأصلية كتبت بواسطة Dream High

    اليوم ان شاءالله ماراح انام لين اكلمهم و اسألهم كل اللي ابيه
    و ان شاءالله اطلع بنتيجه منهم *_*
    المشاركة الأصلية كتبت بواسطة Dream High
    يختي عجازه انتي !! عنبو بليسك في الرياض وبتدقين تكلمينهم ؟ خذي عبايتك وهزي طولك يبوي وروحي لهم هههههههههههههههههه


    المشاركة الأصلية كتبت بواسطة m7md35
    1) استمارة الترشيح في الموقع الالكتروني موقعة من قبل المتقدم ...
    هل هي استماره طلب الابتعاث او لا ؟ واذا عي اطبعه واوقعه انا ومتى اكتب تاريخه اللي بجنب التوقيع
    المشاركة الأصلية كتبت بواسطة m7md35
    وشكرا
    ايه هي المقصوده اطبعها ووقعها واكتب تاريخ التوقيع موب مشكلة ...


    المشاركة الأصلية كتبت بواسطة ربي خذ بيدي
    الله يجعلك من أهل آلجنه .. والله إنك فرجت علينآ كثير ..
    آلله يرضآ عليك سؤآلي ..
    سجلي الأكآديمي مو على ورقه a4
    يعني كبير حبتين .. وآللي سمعته أنو ضروري تكون الآوراق كلهآ على ورق مقاس a4
    هذآ آللي بآلعربي أمآ آللي بألآنجليزي على a4
    هل في إشكآليه ؟
    ممكن يروح أخوي للتدقيق من غيري ؟! ويدقق عني ؟
    أو ضروري أروح أنا ؟!
    أنآ قرأت أنو مآفي إشكآليه بس مو متأكده يعني عذرآ ع آلسؤآل
    أبي أتآكد لأني إحتمآل ما أقدر أروح للتدقيق؟
    المشاركة الأصلية كتبت بواسطة ربي خذ بيدي
    الله يرحم من ربآك ..
    اللهم امين وياك وووالديني ووالديك وكل مسلم

    1/ سجلك الاكاديمي مافيه اي مشكلة الله يسلمك ... بس انقزي لااقرب مكتبه صوريها على A4 وبيصورونها لك الحين الصكوك وهي الصكوك تجي نص صحيفه ويغرونها ل A4 فانتي انقزي لهم صوريها A4 وجيبيها معك الصوره والاصل وبإذن الله مافيها خلاف ابد

    2/ اها اخوك اجل .. والله المفروض الدولة تصرف بدل كرف للاخوان الضعوف يكرفون بلا مقابل :/ هههههههههههه لا الله يسلمك ياانتي تروحين يازوجك ياوالدك ... واذا اخوك بيروح لازم تكون معه وكالة من والدك


    الله يتقبل دعائك

    المشاركة الأصلية كتبت بواسطة s_mohmd
    السلام عليكم
    اريد تغير موعد تسليم صور الوثائق الى يوم اخر ماذا افعل؟
    المشاركة الأصلية كتبت بواسطة s_mohmd
    هل ينفع اروح لهم بوقت غير موعدي؟
    عادة مايخالفون .. وهذه تعتمد بشكل كبير على ظروفك وعلى مشرف المركز


    المشاركة الأصلية كتبت بواسطة FAWAZ ALOTAIBI
    اخوي الله يجزاك خير بس عندي استفسار بسيط الا وهو هل استطيع تغيير الرغبات عند المدقق؟؟ لاني ابي ابدل بين الرغبه الاولى والثانيه ؟؟ هل يسمحووووون
    وياك

    ايه .. يسمحون لك ان شاء الله بس كلم المدقق يعدلها لك


    المشاركة الأصلية كتبت بواسطة روح حلوه
    السلام عليكم
    في استمارة التقديم للجامعة الاجنبيه طالبين توصيات
    ينفع توصيتين ولا لازم اكثر
    وعليكم السلام

    اذا ماعندك حطي التوصيتين لين تكملينها ... وعلمي المدقق بهالشيء يستفسر لك من المشرف



    الله يوفقكم جميعاً واي شي موب واضح ياليت تطلبون اعادة توضيح وواوضح لكم اكثر ...
    7 "
35 من 69 صفحة 35 من 69 ... 3034353640 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.