عندكم استفسارات بخصوص التدقيق !؟ تعالو ان شاء الله اجاوبكم

سهل الله امرك وسدد خطاك
وحرم وجهك ووجه والديك وجميع المسلمين والمسلمات عن النار

مابووش سوال بس دعوه ريحتك وش تبي هههههههههه

 المشاركة الأصلية كتبت بواسطة قلق ازعاااج

شكرا جزيلا على الموضوع القيم
وحبيت أسأل
بالنسبة لمرحلة الماجستير للطالبة الي محرمها أخوها مكتوب في الشروط موافقة ولي امر الطالبة مع صك الولاية ...
سؤالي:
هل موافقة ولي الامر ورقة مختلفة عن صك المحكمة ؟؟ أنا سويت صك من المحكمة أنو ولي الامر موافقة على ان ينوب عنو المحرم ..... الخ
لكن ما في كلمة اوافق في الصك !! مكتوب بس ينوب و ويتولى امرها والاجراءات و كده
تاني سؤال:

اختي .. اختي شوفي الله يحييك انتي لما تركزي على موافقة ولي الامر مع صورة صك الولايه بعدها كلام بين قوسين " اذا كان الولي غير الاب او الزوج "

يعني اللي والدها او زوجها غير موجود كـ سفر أو عجز أو وفاة تمنع من قيام ولي امر المبتعثه بتولي امرها وقام بتوكيل شخص ثاني عن طريق المحكمه بتولي امرها

الشخص ثاني هذا لازم يكون معاه صك ولايه ...


فاختصار الكلام انتي والدك موجود الله يحفظه خليه يوقع على اقرا موافقة ولي الامر "اللي في الطلب او يجي مع الطلب ماني متاكد ان شاء الله وحده تفيدك" ويجيب الاوراق هو للتدقيق

او انتي تجيبينها للمطابقة في التدقيق القسم النسوي ...

بالنسبة اخوك اللي محرمك وهو مسافر هذا خذي صورة جوازه معاك .. واشرحي لهم الوضع هناك وان شاء الله تمشي امورك مهيب بذيك التعقيد هي الاخوان متعاونين جداً




الله يحفظ لك والدك واخوك يارب .. لكن الراي لك بس اذا تبغي مشورتي انا أفضل طلب التأجيل ليه ؟ لان ممكن التخصصات في السنه الجايه تختلف يكون تخصصك موب معهم ممكن شرط من شروط العمر يتغير وممكن الدول اللي انتي تبينها تستبعد مثل ماحصل لبريطانيا واستراليا والخ الخ وتروح عليك فقلت لك قدمي وكملي اوراقك واطلبي تأجيل أحسن وأضمن بس قبل كل هذا اسئلي عن طريقة التأجيل لاتتوهقين




اتمنى اكون افدتك .. وحياك الله اي وقت

امين وياك وكل مسلم ..

تعالي تعالي (ماسكك مع العميله ههههههه) دامك فاضيه وتطاردين بالمنتدى اشرحي للاخوات نموذج موافقة ولي الامر وين يلقونه لانهم كثير يسئلون عنه .. منيب فاكك الين تجاوبين

وتراني حاطك في رد واحد موب حب فيك اولاً لكن عشان حرف ال S وه بس هههههههههه وعشان الرياض بعد :$ مدينتي حبيبتي عاصمه الغبار وه :$


وعيدك مبارك وكل عام وانتي بخير

كل عام وانت بخير

عندي استفسار وما أدري وين أحطه


سؤال بارك الله فيكم اللي ما يروح لوقت تدقيق الأوراق في برنامج خادم الحرمين المرحلة السابعه

يقدر يقدم على برنامج خادم الحرمين المرحلة الثامنه إن شاء الله ؟؟ مع إنه سبق وقدم على المرحله السابعه

والله فيه مشكله؟؟

اسف الله يطول عمرك .. والله ماعندي خبر فيها ...

لكن دامك قدمت وقبلوك رح لهم وقبل التدقيق استفسر هالسؤال قبل تقدم اوراقك .. والله يوفقنا وياك يارب

لنا عودة مرة اخرى انا جاتني رسالة الترشيح يوم27 مرتين وجاتني يوم 29رمضان مرة بعد المهم بنت خالتي مقدمة بايميلي وما هي مستوفية الشروط وما ادري هل هيه لها ولا لي علما اننا ماسجلنا بنفس اليوم في الموقع
وكل عام وانت بخير

اول شي كووول عام وانتشي بخير ...

الشيء الثاني ياحبكم للقلق الحين لو ان الايميل بفلوس كان كل وحده فيكم شاريه لها ثنين ثلاثه ..

وهذا بلاش بدون رسوم بدون شي بس اخترعي اسم وحطيه متقاطين في واحد الله من العجز بعد

هاه وش تستفيدون الحين محتارين وماتدرون هي مقصوده او لا <<وش حارق رزك انت هههههههههههههههههه

والحين الله لايهينك انتي وياها ادخلي سعادة الاستاذ قوقل وسوو لكل وحده ايميل رسمي وانهو الموووشكيلااا دي

خليك من الكلام اللي فوق كله كلام منعقلي الباطن وغصب يطلع :$ يعني فكرة بصوت عالي بس هههههههه

الموهيم نرجع لموضوعك ... انا شفت كثير نفس مشكلتك انتي والمليحه ناس متقاطين في ايميل .. لكن ماقريت الحل ..

بس انتظرو الين يحددون لكم موعد التدقيق ومكان التدقيق هنا يتبين .. وان كانكم كلكم مسجلين نفس الشي بتروح التدقيق

وبتمر على الاستقبال قبل تدخل يشوفون اسمها فيه والا يقولون له ديوري يمي .. ادري تقولين في نفسك كل هالهواش اخرتها ماعندك حل .. بس اهم شي جاوبتك هههههههههههههههه

بالتوفيق

السلام عليكم ورحمة الله وبركاته
الله يجزاك خير اخوي وربي يكتب لك بكل حرف كتبته.
أخوي ..انا فيه اسئله تدور براسي وتكفى ابي لها حل.
راح اكون مرافق مع زوجتي بأذن لله وموضف بالقطاع الخاص بالدمام.وزجتي متخرجه من الجوف دومة الجندل<<بيقول لنا قصة حياته ..أختصر
المهم يالغالي ((السجل الاكاديمي مكتوب بخط اليد ومختوم من الجامعه)) ترجمته من مكتب ترجمه معتمد ولاحضت ان التواريخ بالهجري بعد ماترجمته..
اخاف يأخرني بالتدقيق وابي الحل لاهنت.
التوصيات..لازم اجيب توصيات من الجامعه ؟؟ مع العلم أنها بتكمل ماستر (تسويق)
وآخر سؤال وهو الأهم..
ارسلوا لي الترشيح المدئي قبل يومين وفيه رابط نموذج طلب التحاق.
أخوي أنا عبيته واتوقع ان فيه اخطاء من ناحية بداية الدراسه ونهايته وتخرجها..
هل الاخطاء تعيق عند مرحلة التدقيق؟؟
وماذا افعل به بعد تعبئته؟؟<<أخيك بلله قام بأعادت ارساله لنفس الأيميل اللي به الترشيح
وكل عام وانتم بخير
أعاده الله عليكم بالصحه والسلامه.

انت خطييير الله يحفظك ماقصرت ليت اللي يسوون المواضيع مثلك وشرواك
تكتب بكل اريحية وعلى نياتك الموهم وانت بخير

وعليكم السلام ورحمة الله وبركاته ... وياك ان شاء الله ..

ياخي بدون "تكفى" بساعدك باللي اعرفه واقدر عليه ولا يهمك اما اللي مااقدر عليه ولا اعرفه والله لو تحب راسي مااقدر هههههههههههههههههه << الله من زين الاسلوب بعد


لحظه لحظه بعد دومة الجندل اخذ يمين ؟ هههههههههههههههههههههههههههههههههههههههههههه سؤالك طويل ياصديقي ههههههه <<امزح معك

اذا هذا اللي تصدره الجامعه اعتقد مافيه مشكلة ! ولا راح يعيق التدقيق ان شاء الله ..

لكن تأكد وبالنسبة للتواريخ افضل انك ترجع تخلي المترجم يحولها للقلميزي وبيمدي ان شاء الله قدامك حول 12 يوم عالتدقيق...

حسب كلام الاخوان هنا ان هالمرحلة ماطلبو توصيات .. لكن التوصيات بتحتاجها المدام الله يخليها لك اذا جت تكمل الماستر لان كل الجامعات تطلب 3 توصيات


النموذج ياطويل العمر انا مااعرف طريقته ادخل على هالموضوع وهم يعلمونك شارحينه بالتفصيل http://www.mbt3th.us/vb/forum149/thread298395.html

اذا عرفت تعبيه اطبعه ووقع عليه وجبه مع اوراقك للتدقيق .. شكلك ماقريت بداية موضوعي ! اقراه احسن لك :$



وانت بخير وصحه وسلامه والله يتقبل دعائك