عندكم استفسارات بخصوص التدقيق !؟ تعالو ان شاء الله اجاوبكم

الله يخلف علي


جامعتي جامعة الاميرة نورة يعني حتى الامام افضل

اقلها توصياتهم تجي عربي وانجليزي انا جامعتي بس تعطيني عربي

اكشششخ الاميره نوره اجل .. جامعتكم الظاهر الجامعه الوحيده اللي فيها ترين ههههههههههههههه

انا خلصت من الاوراق جاني المحرم شكلي بنتحر
سجلت اخوي محرم لي بس قلت لك قبل زوجته ومدري وشو ودوامه ...........الخ
اقدر اغيره يوم التدقيق اقولهم ابي ابوي يروح معي مع اني مبي اخذه الضعيف واشقي به بس يوم قلت له وافق
وش رايك وين الاسهل في الاوراق والاجراءات

شوفي .. انا قلت لك من البداية خذي لك مرافق غير اخوك .. وخلي اخوك يجي على حسابه الين يضمونه ثم عاد يجيب ذريته الله يخليهم له معه ويصير مرافق لك والمرافق اللي انتي مسجلته يرجع بعد ماينضم اخوك للبعثه ...

اما دام ابوك الله يطول عمره ويصبره عليك بيروح معك ... فعادي جيبي اوراقه وقت التدقيق واطلبي من المدقق يغيرها ... وان شاء الله امورك في السليم

بعدين ابوك اذا سافر معك بينبسط ماعليك يمكن بعد يشتري له مزرعه هناك وينبسط وينسى انه جاي مرافق معك هههههههههه

الله يوفقك

امييييييييين ويوفقك انت بعد
والله مدري شكلي اخرتها ببطل بسبب هذا المحرم مدري متردده في ابوي شايب حالته حاله اخذه واتعبه معي هووووووووووف الله يعين

لاعادي بينبسط خصوصا اذا قلتي له رح معي وازوجك بتشوفينه جنب الطيار هههههههههههه الله يعينك

والله انا اتوقع الانتحار وسيلة ممتازه .. خصوصا انك اول ماتنتحرين يطلع لك مرافق فاضي هههههههه

ربي يسعدك و يوفقك دنيا و آخره ياخييّ
طمنتني الحمدلله مانطق مشاوير و نتبهذل عشان جامعة و ختم و حوسة ( حتى الموظفات أنفسهم براس خشومهم تقل يكدون علينا @: )

مشكور ..

هههههههههههههههههههه هو قالها بدون مااقوله يعني ناوي نية الشايب ههههههههه الله يسهل

امين الله يتقبل دعائك ويجزاك خير يارب ... اخاف استرسل في الكلام عن موظفين الجامعات

او حتى عن الجامعات واقلب الموضوع من استفسارات الى نقد ههههههههههه بس ولو بقول قصتي :$ عشان اللي يقرا ردك وردي يعرف احنا مع مين نتعامل

مرتن من المرارير في جامعة من جامعات الرياض وتبدا اول حرف من اسمها جامعة الملك سعود ههههههههههههههه هو اصلن انا خلقه متنفس هالجامعه وطالعتن مع خشمي

فرايح اخلص شغله لسعادة الشيخه اختي من المبنى الرئيسي واصلا "قبل الفلقه مجهز العصابه" مكلم واحد من الشباب في الجامعه يعلمني وين اروح ووين اجي ...

المهم خلصت اموري وكل شيء تمام بقى عاد ادخلها على مدير الجامعه فلما طلعت فوق واجهت موظف بغيت اسطره ..

اقول له وين القسم الفلاني يقول ليش وش عندك ! قلت انت قسم كذا ؟ قال لا بس وش عندك قلت خلاص الموضوع موب عندك وانا اصلا موب جايك جاي للقسم الفلاني

فختصر علي وعلمني قال طيب علمي وش عندك عشان اعلمك قلت كذا كذا كذا قال ورني اوراقك .. عطيته الاوراق قال ناقصه ! والمشكلة انا مشيك عليها انا وصديقي قبل

مااجيه هو وخشته لكن سبحان اللي انزل علي سكينه وخلاني اكتفي بكلمة يخوي انا ماجيت اسئلك انا جاي عارف وش عندي وعارف وين اروح له فالقسم وينه ؟ قال هناك قلت من اول كذا ممتحني ليه :/


طبعا موب الكل .., لكن الغالبيه .. وفوق هذا كله برضو فيه سبب رئيسي انو يمر عليهم طلاب ودك اذا بغى شيء يرسل فاكس مايجي لانه حققققنه ههههههههههه



وبس ... لكن برضو نسيت اقول لك ترى كل هذا نقطه من بحر لسى ماسترسلت والله :/ ههههههه

 المشاركة الأصلية كتبت بواسطة كريستاااله

هههههههههههههههههههه هو قالها بدون مااقوله يعني ناوي نية الشايب ههههههههه الله يسهل

هههههههههههههههههههههههههههههههههههههههههههههههه

ماقلت لك حينبسط

ههههههههه اقوى شي الترجي الي في اخر الموضوع !..

عالعموم جزاك الله خير الحقيقه انك ما قصرت .. كفيت ووفيت بالتنبيهات المهمة ..

كل التوفيق للجميع في هذه المرحلة ..