الأعضاء الإشتراك و التسجيل

الملتقيات
ADs

عندكم استفسارات بخصوص التدقيق !؟ تعالو ان شاء الله اجاوبكم

عندكم استفسارات بخصوص التدقيق !؟ تعالو ان شاء الله اجاوبكم


NOTICE

تنبيه: هذا الموضوع قديم. تم طرحه قبل 4597 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية .S.
    .S.

    مبتعث مجتهد Senior Member

    .S. السعودية

    .S. , ذكر. مبتعث مجتهد Senior Member. من موريشيوس , مبتعث فى السعودية , تخصصى إدارة أعمال , بجامعة كينق سئود يونيفيرستي
    • كينق سئود يونيفيرستي
    • إدارة أعمال
    • ذكر
    • الرياض, الرياض
    • موريشيوس
    • Dec 2010
    المزيدl

    August 28th, 2011, 07:26 AM

    السلام عليكم ورحمة الله وبركاته ...

    اخواني اخواتي المرشحين الف الف مبروك على الترشيح "المبدئي" والله ييسر اموركم فيما تبقى ...

    اخواني واخواتي اللي ماحالفهم الحظ الف الف مبروك انكم جيتو تصفون جنبي ولا تضيق صدوركم انا ثلاث سنوات اقدم وانكرش ههههههههههههههههههههههههههههههه

    الحياة يبي لها كفاح << من علمه كلمة الكفاح ذا ؟ مشروحه له غلط :/ ههههههههههههه

    المهم خلوني ادخل في زبدة الموضوع ... اخوكم في الله سبق وعمل في احد لجان التدقيق لوحده من المراحل , بس هذا مايعني اني للحين اعمل منهم خلاص طلعت منهم :$

    لكن عندي خبرة على قدي في بعض الأمور وان شاء الله اي استفسار عندكم واعرف اجابته منيب مقصر واذا ماعرف اجابته بعتذر منكم لان برضو انا كنت مجرد موظف يعني منيب مسؤل او صاحب قرار

    او حتى ممكن الاجراءات تغيرت لكن حاب اقدم مساعده لو خفيفه لكم ، واكرر لو ماعرفت اي شيء ابعتذر لكم واقول لكم مااعرف عشان برضو مايصير اوهقكم :$ ...

    طبعا في البداية خلوني اذكركم وش الاوراق المطلوبه ولازم تجهزونها حسب الترتيب عشان تخلصون معاملتكم بسرعه الى درجة ممكن ماتاخذ عشر دقايق وتريحون موظفين التدقيق ...

    بسم الله الرحمن الرحيم نبدأ :-

    المتطلبات التالية لجميع المتقدمين والمتقدمات لكافة المراحل ...

    1) استمارة الترشيح في الموقع الالكتروني موقعة من قبل المتقدم ...
    2) صورة واضحة من وثيقة الهوية الوطنية " بطاقة احوال .. او بطاقة عائله للمتقدمات "
    3) صورة واضحة من الجواز ..
    4) نموذج الالتحاق بالجامعة باللغة الانجليزية موقعة من قبل المتقدم ..
    5) صورة معادلة الشهادات اذا كانت صادرة من الخارج ..
    6) صورة واضحة وسارية المفعول من جواز سفر المرافقين ..
    7) موافقة ولي أمر المتقدمة " لجميع المتقدمات "

    المتطالبات التالية لجميع المتقدمين الزمالة الطبيه والدراسات العليا الطبية ...

    1) صورة من شهادة الامتياز باللغة العربيه إن وجدت ...
    2) ترجمة شهادة الامتياز باللغة الانجليزية والتصديق عليها ...
    3) صورة من شهادة الماجستير او الزمالة العامة باللغة العربيه ان وجدت ..
    4) ترجمة شهادة الماجستير او الزمالة الطبيه باللغة الانجليزية والتصديق عليها ..
    5) صوره من السجل الاكاديمي باللغة الانجليزية والتصديق عليه ..
    6) شهادة حسن السيرة والسلوك ... " هذه اذكر كثير ماجابوها لعدم توفرها وعادي موب مشكلة بس برضو تأكدو انا معلوماتي ممكن تكون قديمة "
    7) ثلاث توصيات من شخصيات علمية مختلفة باللغة الانجليزية ...

    المتطلبات التالية لجميع متقدمين الدراسات العليا " ماجستير , دكتوراه "

    1) صورة من شهادة الماجستير باللغة العربيه ان وجدت ..
    2) ترجمة شهادة الماجستير باللغة الانجليزية والتصديق عليها ..
    3) صوره من السجل الاكاديمي باللغة الانجليزية والتصديق عليه ..
    4) شهادة حسن السيرة والسلوك ..
    5) ثلاث توصيات من شخصيات علمية مختلفة باللغة الانجليزية ..
    6) صورة وثيقة التخرج من الجامعة باللغة العربيه او افادة بتخرج الطالب هذا العام ..
    7) ترجمة وثيقة التخرج من الجامعه باللغة الانجليزية والتصديق عليها ...


    المتطلبات التالية لجميع متقدمين البكالوريوس ...

    1) صورة من شهادة الثانوية العامة باللغة العربيه ..
    2) ترجمة شهادة الثانوية العامة باللغة الانجليزية والتصديق عليها ..
    3) صورة من شهادة اختبار القدرات العامه ..
    4) صورة من شهادة الاختبار التحصيلي ..





    اخواني واخواتي ... هذه المتطلبات بشكل عام حسب خبرتي المتواضعه وممكن تكون في متطلبات زادوها او نقصو متطلبات بعدي .. فاللي عنده اضافه لايبخل علينا ...


    وفيه بعض الملاحظات ودي تكون عندكم خلفيه عنها عشان يكون التدقيق اكثر سهوله عليكم لان مافيه شي صعب ان شاء الله وهي :-

    * لازم ويجب وبليز وغصب وتكفون ويرحم والديكم ان تحضرو اصل وصورة لجميع المتطلبات لان التدقيق بيشوف الاصل ويطابقها مع الصورة ويختم بختم الموظف المدقق يعني صورة طبق الاصل ماتنفع :$

    * الاخوات المبتعثات ولا عليك امر يعني اذا بترسلين احد للتدقيق ارسلي ابوك او زوجك واذا بترسلين اخوك لازم يكون معه وكالة شرعيه من ولي امرك للرجال اللي جايب اوراقك يعني بالعربي لا تمشورين اخوك في هالحر ممكن فيه مدقق يمشيها لكن نظاما يا ايها الاخ او يا ايها اللي جايب اوراق وحده منتب ولي امرها انك بترجع حتى لو انك المرافق لها ...

    *الرجاء وبليز ونفس الترجي اللي ترجيته لكم في الفقره الاولى انكم ترتبون اوراقكم زي ماانا كاتبها لكم بالترتيب سواء صور او اصول عشان تسرع العمليه لكم وتسهل على المدقق ...

    * الاوراق برضو حسب ماترتبونها ياليت انها ماتكون مدبسه كمان عشان تسهلون عمل اخوانكم اللي بيشتغلون على اوراقكم بعد التدقيق

    * كل واحد فيكم يكتب المتطلبات اللي تخص مرحلته في ورقه ويشيك وجنب كل متطلب اذا موجود يشخط يحط صح ههههههه والله صدق عشان ماتنسون :$

    * طريقة تعبئة نموذج الالحاق بالجامعة هنا http://www.mbt3th.us/vb/forum149/thread298395.html

    * نموذج اقرار ولي امر الطالبة http://www.mbt3th.us/vb/forum149/thread298797.html

    *اهم شي اذا خلصت تدقيق راح يعطونك مستند استلام الاوراق منك لاتضيعه لانه مره مهم .. اما طلاب البكالوريوس حسب وحده من المراحل ياخذ سندين
    سند اللي هو استلام الاوراق منك وسند تاخذه خاص باستلام اصل الشهاده عاد مادري اذا غيرو النظام او لا تأكد وقت التدقيق





    ونهاية كلامي ماكتبته حباً فيكم ههههههههه (امزح معكم) ماكتبته الا عشان تقولون اللي يوفقه ويسهل امره ويرحم والديه عن النار ... :$

    والحين اللي عنده سؤال يتفضل واللي ماعنده الله يعطيه الف عافيه لانه وفر علي ههههههههههههههههههههههههههههههههه <<وش الله حادك طيب ههههههههههه برضو امزح يحول لاتشيلون بخاطركم :$




    الله يوفقكم يارب ويسهل اموركم في حياتكم الدنيا والاخره وان ينفع بكم الاسلام والمسلمين وبلد الحرمين الشريفين ويحفظ لنا بلدنا وحكامنا وان يرزقهم البطانة الصالحه الناصحه يارب العالمين ...



    اخوكم .S.

    " يارب إن عظمت ذنوبي كثرةً .., فلقد علمتُ بأن عفوك اكرم
    إن كان لا يرجوك إلا محسنً !! ف بمن يلوذ ويستجير المجرمُ!!؟
    ادعوك ربي كما أمرت تضرعاً ..,, فإذا رددت يدي فمن ذا يرحم !؟
    مالي إليك وسيلة إلا الرجاء ..., وجميل عفوك ثم اني مُسلمُ .."

  2. الله يجزاك الجنه
    1- انا ماعندي توصيات عادي اولا -مع انهم مو طالبين بس الخانه حقت الاستماره الاجنبيه اخليها فاضيه
    2- غير جواز مرافقي وش اجيب له <<<<بالعربي
    3-عندي وكاله من ابوي لاخوي لتصاريح السفر لي ينفع ولا لازم صك لحالها
    7 "
  3. الله لا يهينك اخوي ويعطيك الف
    وان شاء الله تكون خيرة لك انك ما انقبلت

    سؤالي يا حبيبي بخصوص الشهادة والسجل الاكاديمي
    ١. انا متخرج بكالوريس قبل رمضان والوثيقة و الشهادة لين الحين ما خلصوها الجامعة بس انا حسبت حسابي واخذت خطاب رسمي من الجامعة يبين اني تخرجت ومختوم عليه .. تتوقع انها تكفي؟
    ٢. اذا امداني اخذ الشهادة من الجامعة قبل موعد التدقيق،، شهادة الجامعة تكون مقسومه نصين فيها بالعربي وفيها بالانجلش ،، تتوقع اصورها واجيبها مثل ما اهي يعني ما يحتاج اترجم شي؟
    ٣. بالنسبة للسجل الاكاديمي حقي بالانجلش وسألت الجامعة قبل وقالو ما عندنا غيرة ونقدر نترجم لك اسامي المواد (الجامعة سعودية طبعا) هل ضروري الترجمة للعربي وكيف اترجمها؟

    الله لا يهينك مرة ثانية والله يكتب لك الي فيه خير
    7 "
  4. بس حبيت اسال هل وقت التدقيق يسمحون لنا بتتغير الدول؟؟؟؟؟؟؟؟؟؟؟؟؟؟؟؟

    وكمان هل الواسطة مطلوبة ولا؟؟ وعندي مشكلة بسيطة عندي حرف الالف مكتوب بغير الهمزة في الوثيقة وفي الجواز بهمزة والباقي تمام وغير كذا الوثيقة والسجل الاكاديمي نص عربي ونص انجليزي يمشي ولا لازم كلها مترجمة وهل مطلوبة التوصيات؟؟؟؟؟
    ما انعطي وجه !!!!بس راح اكون شاكرة لردك الشافي
    7 "
  5. المشاركة الأصلية كتبت بواسطة manal 2011
    يعطيك العافية

    بخصوص الهوية الوطنية

    انا ما عندي

    هل اكتفي بكرت العائلة ولا لازم اطلع

    وشكر وكتب الله اجرك

    دام انك الاخت منال معناته متقدمه معناته " كرت العائله يكفي" اذا مافي هوية وطنيه

    حياك الله


    المشاركة الأصلية كتبت بواسطة Mechoo
    الله يجزاك الجنه
    1- انا ماعندي توصيات عادي اولا -مع انهم مو طالبين بس الخانه حقت الاستماره الاجنبيه اخليها فاضيه
    2- غير جواز مرافقي وش اجيب له <<<<بالعربي
    المشاركة الأصلية كتبت بواسطة Mechoo
    3-عندي وكاله من ابوي لاخوي لتصاريح السفر لي ينفع ولا لازم صك لحالها

    1- التوصيات لازم وممكن يكون يسمح لك باحضارها في مرحلة ثانيه لكن برضو يجب انك تتاكدي من المدقق في حالة انك ماقدرتي تجيبيها قبل فترة التدقيق
    2- والله مدري شوفي وش ناقصه عطر والا كبك والا شي وجيبيه هههههههههه امزح امزح اهم شي جوازه حسب المتطلبات القديمه ممكن طلبو شي بس حسب علمي المطلوب جوازه بس
    3- بالنسبة لسؤال الوكالة هذا موب متاكد منه بس اعتقد فيه قسم للنساء يعني تقدرين تخلين اخوك يوصلك وانتي اللي تقومين بالتدقيق اذا مارفضوه مركز الرجال ..

    وان شاء الله اكون افدتك باللي اقدر عليه

    المشاركة الأصلية كتبت بواسطة موووووادع
    هل افادة التخرج كافيه في مرحلة التدقيق لاني والله شايل همها

    اي كافية المهم انها تكون افاده بتخرج هذا العام .. طبعا حسب المراحل السابقه :$


    يارب اكون ريحتك من همّك

    المشاركة الأصلية كتبت بواسطة Rayan A
    الله لا يهينك اخوي ويعطيك الف
    وان شاء الله تكون خيرة لك انك ما انقبلت

    سؤالي يا حبيبي بخصوص الشهادة والسجل الاكاديمي
    ١. انا متخرج بكالوريس قبل رمضان والوثيقة و الشهادة لين الحين ما خلصوها الجامعة بس انا حسبت حسابي واخذت خطاب رسمي من الجامعة يبين اني تخرجت ومختوم عليه .. تتوقع انها تكفي؟
    ٢. اذا امداني اخذ الشهادة من الجامعة قبل موعد التدقيق،، شهادة الجامعة تكون مقسومه نصين فيها بالعربي وفيها بالانجلش ،، تتوقع اصورها واجيبها مثل ما اهي يعني ما يحتاج اترجم شي؟
    ٣. بالنسبة للسجل الاكاديمي حقي بالانجلش وسألت الجامعة قبل وقالو ما عندنا غيرة ونقدر نترجم لك اسامي المواد (الجامعة سعودية طبعا) هل ضروري الترجمة للعربي وكيف اترجمها؟

    الله لا يهينك مرة ثانية والله يكتب لك الي فيه خير
    هلا ريان ابشرك الحمدلله انها خيره والف خيره يارب لك الحمد

    1- ايه اعتقد تكفي يعني حسب كلامك انها افادة تخرج وهذي كافيه .. المراحل السابقه هالمرحله اذا غيرو شي مادري :$
    2- ايه اصلن هم عدلو الوثائق بالجامعات عشان هالشغله حتى شهاداة الثانوي صارت نص عربي نص انجليزي تكفي ونص بس جب الاصل لاتمشور في هالحر :$
    3- والله اللي ضروري الانجليزي عاد العربي ماذكر انها بذيك الاهميه بس انت من باب الاحتياط عندك فترة طويله قبل التدقيق جبها وريح نفسك يخوي بسّك تسدح ههههههههه <<امزح :$



    ولا يهينك ياصديقي موفق ان شاء الله في دراستك


    المشاركة الأصلية كتبت بواسطة طالبة عفو الله
    بس حبيت اسال هل وقت التدقيق يسمحون لنا بتتغير الدول؟؟؟؟؟؟؟؟؟؟؟؟؟؟؟؟

    وكمان هل الواسطة مطلوبة ولا؟؟ وعندي مشكلة بسيطة عندي حرف الالف مكتوب بغير الهمزة في الوثيقة وفي الجواز بهمزة والباقي تمام وغير كذا الوثيقة والسجل الاكاديمي نص عربي ونص انجليزي يمشي ولا لازم كلها مترجمة وهل مطلوبة التوصيات؟؟؟؟؟
    ما انعطي وجه !!!!بس راح اكون شاكرة لردك الشافي
    1- والله ماعرف بس من خلال قرأتي لبعض الردود بالمنتدى كثير يقولون سمحو لهم يعدلونها .. انتم اسئلو المدقق وقتها من هالناحيه ..
    2- الواسطه لأي غرض بس لأن مااشوف يحتاج واسطه الوضع مره تساهيل ؟
    3- بالنسبة للاسمك هذا وهو حرف مسبب قلق هههههههه ماعرف والله لكن اعرف انو تغيير الجواز اسهل من تغيير الوثيقة لان تغيير الجواز حسب ماسمعت ساعه بالكثير وانت واقف مع 150 ريال الوثيقة اذكر واحد من الشباب يوم نتخرج اخطئو باسمه وجلست يومين مدري ثلاثه مدري سبوع المهم تاخذ فترة وهو تاخر زود لان العميد حق الوثائق مدري شسمه كان موب فيه وتاخر زود .. لكن بالنسبه لي شخصيا والله ماعندي خبر عنها اسف
    4- اي الوثيقة والسجل الاكاديمي تمام التمام ماعندك خلاف عليها
    5- التوصيات من ضمن المتطلبات اللي موجوده بالمراحل السابقه وان قدرتي تجيبينها قبل التدقيق كويس تفكين نفسك من روحه وجيه ومطارد لكن لو ماجبتيها مادري يرجعونك او يطالبونك انك تجيبيها عند مايطلب منك المهم انتي يابنت الحلال قدامك اكثر من 15 يوم قبل التدقيق انقزي جيبيها وريحي ملائكتك <<وراك زعلان طيب؟ هههههههههههههههههه

    ابد حياك الله اي وقت وبالتوفيق ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.