تكفوووووون لأهل الخبره والمعرفه بخصوص المرافق الموظف . عندي مشكله بليزز

اخواني اخواتي السلام عليكم ورحمة الله وبركاته ..
انا موظف في الوزاره الداخلية وزوجتي الان مترشحه وتم إرسال ترشيحها وباقي التدقيق و إن شااءالله الله يسر امورنا واموركم أجمعين ..
المشكله انا خايف ان عملي يرفض الاجازه الاستثنائيه لان مديري المباشر فيه حسد كبير كل الموظفين شايفينه ودايم يرسل الخطابات للأداره العامه في الوزاره بعباره (( نحن بأمس الحاجه للموظف )) ومن بعدها يتم الرفض لكن اجازاتهم الاستثنائيه ماهي لانهم مرافقين لا لاسباب اخرى عشان كذا انا متخوف وفيه ناس من زملائي طلعو مرافقين لزوجاتهم بس عند مدراء غير مديري في اقسام ثانيه بس هالعله دايم يحب يعقد ويرفض اي سبب ..

اخواني فيه كذا نقطه ابي اعرفها الله يجزاكم عنا الف خير ويسهل اموركم في حياتكم العلميه والعمليه وهي كالتالي :
1- تعليق على موضوعي للي عنده رؤيا تفيدني وتفيد اللي مثل حالتي.

2- هل من الافضل ان انتظر الخطاب الرسمي اللي من التعليم العالي اللي هو صدور قرار الابتعاث اللي يكتبون فيه ان فلان مرافق ( للمبتعثه ) او الخطاب اللي اقدر اخذه الان اللي هو ان فلان مرافق ( للمرشحه ) واقدمه لمديري .. اقصد اي واحد منهم افضل اني اقدمه انتظر لصدور القرار الابتعاث علماً انه بيجي قرار الابتعاث بعد وقت وبعدواجراءات الفيز وقبول اللغه او الجامعه ..

3 - هل بالأمكان اني احط المدير المباشر مطب واروح لمدير شؤون الموظفين لتفادي التصادم معه او اني اقدمها بشكل نظامي .

4 - والله اني قريت مواضيع لبعض الشباب اللي رفضو اجازاتهم ويوم تذكرت انه معلق على عبارة حنا بأمس الحاجه اليه وانه من الموظفين المجتهدين اللذي يحتاج اليهم العمل ... خبيث يكذب يمدح عشان يرفضون الاجازات ..
اسأل من الله العون ومن ثم اطلب فزعتكم تكفووووووووووووووووووووووووووووووووووووون والله ان مزاجي تكدر لان حلمي اكمل دراستي والله يوفقنا اجمعين

لو تم رفضها ارسل للوزير نفسه

الموضوع فيه قرار ملكي با اخذ اجازه

الله يعينك اخوي حتى خالي نفس الحاله بيطلع معايا مرافق بس مديره يقول الله بمزاجي ماأمشي لك الاجازه يالطيف حسد وهو مايدري اصلا يعطوه ولا لانه موظف بالامانه ولسه ماجاه التبيت بس انا من راي انك تستنا قرار الابتعاث عشان يكون السبب اقوى ويوافق غصبن عنه

هذا الحاصل بستنا القرار بس المشكله انوووو في اجراءات كثيره ومتعبه قبل القرار يعني قهر لو رفضها بعد التعب كله حسبي الله ونعم الوكيل.... واخوي ٢٠١١ ظنك بقدر اوصل الوزير مستحيل مشكورين ع الرد

طيب معليش الموظف اللي على بند يعني مو مثبت يقدر يطلع مرافق ويحتفظون بمكانة والا على طويل يقولون له قدم استقالة ؟؟؟؟؟